مۇنبىرىمىزنىڭ تەرەققىياتى ئۈچۈن، شۇنداقلا مۇنبىرىمىزنى قوللاپ كېلىۋاتقان كونا-يېڭى بلوگداش ئەزىمەتلىرىمىزنىڭ زىيارەت قىلىشىغا قولايلىق بولىشى ئۈچۈن مۇنبەرنىڭ يېڭى ئادرېسى بولمىش  www.blogdax.com تور نامىنى رەسىمىي يولغا قويدۇق. بۇنىڭدىن كېيىن مۇنبىرىمىزنى  www.blogdax.com تور نامى ئارقىلىق زىيارەت قىلىشقا ئادەتلىنىڭ، ئەسلىدىكى ئادرېسhttp://bbs.uyghurbeg.net/forum.phpمۇ ئەلۋەتتە داۋاملىق ئىناۋەتكە ئىگە بولىدۇ.

ئىھتىرام بىلەن :
WordPress ئۇيغۇر مۇنبىرى باشقۇرغۇچىلار گۇرۇپپىسى
ئۇيغۇربەگ تور تۇرايى

ئەسسالامۇ ئەلەيكۇم ھۆرمەتلىك ئاتامانلار، بلوگگېرلار، ياخشىمۇسىلەر؟ (چاۋاكدىن كېيىن، بىر ئاز سۈكۈتتە تۇرۇۋېتىپ داۋام قىلىنىدۇ…)
ئالدىنقى بىر نەچچە كۈن بۇرۇن ئۇيغۇربەگ تور تۇرايىدا يوللىغان «WordPress ئۇيغۇر مۇنبىرىنىڭ ئېچىلماسلىقى ھەققىدە قىسقىچە بايانات»تا ئېيتىلغاندەك، مۇنبەر جايلاشقان ئەسلى مۇلازىمىتىر تەكشۈرۈلۈپ تۇرۇلۇۋاتقان بولغاچقا مۇنبىرىمىز ۋاقىتلىق تاقىلىپ قالغان ئىدى،  خىيالىمىزدا بۇ تەكشۈرۈلۈش پەقەت بىر قانچە سائەت ياكى بىر قانچە كۈن داۋاملىشىدۇ دەپ ئويلىغان ئىدۇق، ئەمما قارىساق تا بۈگۈنگىچە مۇلازىمىتىر ھەققىدە يېڭى ئۇچۇرغا ئىگە بولالمىدۇق، مۇلازىمىتىرنىڭ ئەسلىگە كىلىشىنى ساقلاپ ئولتۇرۇشتىن كۆرە ئەمەلىي ھەرىكەتكە ئۆتۈپ تۇرۇشنى ئويلاشقان بولغاچقا، مۇنبەردىكى يېڭى ۋە كونا ئەزالارنىڭ تەشەببۇسى ۋە قىزغىن قوللىشى بىلەن يەنە باشقا جايدىن بوشلۇق ھەل قىلىپ، بۇرۇن ئۆي كۆچكەندە ساقلاپ قويغان ساندان ئۇچۇرلىرى ئارقىلىق، مۇنبىرىمىزنىڭ ۋاقىتلىق قارارگاھىنى تىكلەپ تۇردۇق، ناۋادا مۇلازىمىتىردىن خەۋەر كەلسە شۇ ھامان مۇنبەر تاقالغان كۈندىكى ئۇچۇرلارنى ئەسلىگە كەلتۈرۈپ داۋاملىق ئىلگىرىلەيمىز، ناۋادا خەۋەر كەلمىسە ھازىرقى قارارگاھنى قۇماندانلىق شىتابى قىلىپ، مۇنبىرىمىزنى قايتىدىن گۈللەندۈرگۈسىمىز. قېنى ئاتامانلار. مۇنبەرنى قايتا گۈللەندۈرۈش خىزمىتىگە ئاتلىنايلى!(چاۋاك…چاۋاك….)، ئاڭلىغىنىڭلارغا رەھمەت!…

ئىھتىرام بىلەن :

WordPress ئۇيغۇر مۇنبىرى باشقۇرغۇچىلار گۇرۇپپىسى
ئۇيغۇربەگ تور تۇرايى

ئالدىنقى ۋاقىتلاردا blog.prestan.net نامىدا بلوگ يېزىپ يۈرگەن، مەلۇم سەۋەبلەر تۈپەيلى تور نامىنى prestan.net/blog قا يۆتكەش زۆرۈر بولۇپ قالدى. شۇنداق قىلىپ بۈگۈن قالاپ ئولتۇرۇپ PR=2 بولغان تور نامىنى تاشلاپ قويۇپ prestan.net تور نامىنىڭ قوينىغا قايتىپ كەلدىم. ئەلۋىدا blog.prestan.net ، سېنى مەڭگۈ ئەسلەيمەن! سالام يېڭى تور نام، يېڭى بلوگ.... ئەمدى دوستلار بىلەن تور نامىنى ئۆزگەرتىش جەريانىدىكى تەجرىبىلىرىمنى بۇ يەردە ئورتاقلىشىپ قويسام….

ئەسسالامۇ ئەلەيكۇم، تۇرايىمىزنىڭ ئەزىز مېھمانلىرى. بىلگىنىڭىزلاردەك بىر نەچچە ئاي بۇرۇن تۇرايىمىزنىڭ پىلانلىشى ۋە كەڭ بلوگداشلارنىڭ قوللاپ-قۇۋۋەتلىشى بىلەن WordPress ھەققىدىكى ئۇيغۇرچە مۇنبەر بولغان ۋە بلوگداش ئۇيغۇر بلوگگېرلىرىنىڭ كىچىككىنە تەشۋىقات-مۇنازىرە سەھنىسى بولغان WordPress ئۇيغۇر مۇنبىرىنىڭ قۇرۇلغانلىقىنى جاكارلىغان ئىدۇق، بىر نەچچە قېتىم ئېچىلماسلىق، ئېشەك ھارۋىسىدەك ئېغىر بولۇش ھادىسىسى كۆرۈلگەندىن كېيىن، مۇئەللىم بلوگىنىڭ ئىقتىسادىي ياردەم قىلىشى بىلەن مۇنبەرنى قىياس بوشلۇقىغا يۆتكىگەن ئىدۇق. يېقىندا، قىياس بوشلۇقچىلىقىنىڭ مۇلازىمىتىرى مەلۇم سەۋەبلەر تۈپەيلى تەكشۈرۈلۈۋاتقان بولغاچقا، مەزكۇر مۇلازىمىتېردىكى WordPress ئۇيغۇر مۇنبىرىنى ئۆز ئىچىگە ئالغان نۇرغۇن بېكەتلەرنىڭ ئېچىلماسلىقى كېلىپ چىقتى. بىز قىياس بوشلۇقىنىڭ ئاتامانىنىڭ بۇ قېتىملىق بوران-  چاپقۇندىن تىنچ-ئامان ئۆتۈۋېلىشىنى تىلەش بىلەن بىرگە، مۇنبەر ئەھلىنىڭ مۇنبەرنىڭ ئەسلىگە كېلىشىنى سەۋىرچانلىق بىلەن كۈتۈشىنى سورايمىز. شۇنداقلا، تورداشلارنى پىتنە-ئىغۋا تارقاتماسلىققا، پىتنە-ئىغۋالارغا ئىشەنمەسلىككە چاقىرىمىز…

مۇنبىرىمىز پات ئارىدا ئەسلىگە كېلىپ، داۋاملىق كەڭ بلوگگېر دوستلار ئۈچۈن خىزمەتتە بولغۇسى. بلوگداشلارنىڭ توغرا چۈشۈنىشىنى ئۈمىد قىلىمىز.

ئىھتىرام بىلەن :

WordPress ئۇيغۇر مۇنبىرى باشقۇرغۇچىلار گۇرۇپپىسى
ئۇيغۇربەگ تور تۇرايى

بۈگۈنمۇ كىچىككىنە كود ئارقىلىق يەنە بىر ئۇز تېخنىكىنى، يەنى، بلوگىمىزنىڭ يان بۆلىكىگە ئورۇنلاشتۇرۇلغان خەتكۈچ ۋىجىتىدىكى  خەتكۈچلەرنىڭ يېنىدا ھەر بىر خەتكۈچكە مۇناسىۋەتلىك ھالدا قانچە يازما يوللاندى شۇنى چىقىرىپ بىرىدىغان تەدبىرنى ئۆگىنىپ ئۆتەيلى. ئەلۋەتتە، بۈگۈنكى دەرسلىكنىمۇ ئۇستاز ئۇيغۇربەگ سۆزلەپ ئۆتكۈسى.

زىيارەت قىلىۋاتقانلار سانى بلوگىرلار ئۈچۈن تەمىنلىنىدىغان بىر مۇھىم ئۇچۇر، بىلوگنىڭ ئوخشاش ۋاقىتتا قانچىلىك ئادەم تەرىپىدىن زىيارەت قىلىنغانلىقىنى كۆرسىتىپ بىرىدىغان كۆرسەتكۈچ دىسەك بولىدۇ. مەن كۆپ قېتىملاپ باشقا توربەتلەر تەمىنلىگەن كود ئارقىلىق بۇ جاينى ئىشقا ئاشۇرغان بولساممۇ لېكىن باشقا توربىكەت تەمىنلىگەن كود بولغانلىقى سەۋەبىدىن توربېتىمنىڭ ئېچىلىش سۈرئىتىگە بەلگىلىك تەسىر كۆرسىەتتى. شۇڭا مەن ئۇيان ئىزلە بۇيان ئىزلە ئاخىرى بىر يەرلەردىن تېپىۋالدىم.

مەزكۇر يازما «ئۇيغۇربەگنىڭ كەپىسى»دىن كۆچۈرۈپ كېلىندى

«قەيسەر يۈرەك» فىلىمىنى نۇرغۇن دوستلىرىم، ھەتتا شوتلاندىيە بىلەن ئوخشاش قىسمەتكە دۇچار بولغان ئېرلاندىيە يۇرتىدىن كەلگەن، بىزگە «ئەنگىلىيە مەدەنىيىتى ۋە تارىخى» دېگەن دەرسنى بىرىدىغان ئوقۇتقۇچۇم بىر قېتىم كۆرۈپ قويۇشۇمنى تەۋسىيە قىلغان بولسىمۇ، ھازىرغا قەدەر كۆرمەي كەلگەن ئېدىم، بۈگۈن، بۇ فىلىمنى تۈگەتكەندىن كېيىن ئۆزۈمنىڭ بۇ فىلىمنى نېمىشقا شۇنچە كەچ كۆرگەنلىكىمنى چۈشەنمەي بەكلا پۇشايمان قىلدىم، ئەمەلىيەتتە بۈگۈن بۇ فىلىمنى بىر قېتىم ئەمەس، ئىككى قېتىم كۆرۈۋەتكەن ئىدىم، خىيالىمدا فىلىمدىكى ۋەقەلىكلەرگە باغلانغان ئاچچىق رېئاللىق بىلەن تارىخىمىزدىكى ئوخشىشىپ قالىدىغان ۋەقەلىكلەرنى ئۆز-ئارا باغلاشقا، ئوخشىتىشقا تىرىشماقتا ئىدىم…

قاراپ باقسىڭىز ھەر قايسى داڭلىق تور بېكەتلەرنىڭ ئۆزىگە چۇشلۇق تۇغ بەلگىسى بولىدۇ، شۇ بېكەتلەرنى ئاچسىڭىز توركۆرگۈنىڭ ئۈستى تەرىپىدە كىچىك بەلگىسى چىقىپ تۇرىدۇ، ئەمدى بىز ئۇنداق چوڭ بېكەت بولمىساقمۇ، بىزمۇ ئۆزىمىزگە چۇشلۇق بەلگىلەرنى چىقىرىپ قويساق بولىۋېرىدۇ. مەن تۆۋەندە ئەڭ ئاددى خىل ئۇسۇلدا Favicon چىقىرىشنى سۆزلەي.

پرېستان ھەزرەتنىڭ بەگلىكنىڭ ئۇسلۇبىنى قايتىدىن رىمۇنت قىلىپ چىققانلىقىغا بىر قانچە ئەسىر بولاپ قالدى، ئەمما كەمىنىمۇ بەگلىكنى كۈندە مانچە قېتىم كوچىلاپ بېقىۋاتىمەن، پرېستانغا دەپ قويماي بەزى ئىقتىدارلارنى قوشۇۋاتىمەن، چىقىرىۋاتىمەن، پرېستانغا دەپ قويماي قوشۇۋالغان بىر ئىقتىدار «يا بايدىن چىقارمەن، يا سايرامدىن»نى(تۇرايىمىزدا، ۋە باشقا جايلاردا بازار چۈرگىلەش دەپ ئېلىنىۋاتىدۇ، ئاپتوردىن ئالاھىدە ئەسكەرتىش)قوشۇۋالغان ئىدىم، تەدبىرنى بۈگۈن تورداشلار بىلەن بۇ ھەقتە چاي ئىچكەچ ئولتۇرغاچ ئورتاقلىشايلى…

بىر نەچچە ھەپتە بۇرۇن جۇڭگودىكى يىنىك بلوگ مۇلازىمەت بېكەتلىرىدىن بىرى بولغان دىيەن دىيەن(点点)تورىغا تىزىملىتىپ، خەنسوچە بلوگىم ئۈچۈن ئالغان تور نامىم www.Uyghurbeg.meئاخىرى بۇ بېكەتكە باغلىۋالدىم ھەمدە بېكەت ئۆزى تەمىنلىگەن ئۇسلۇبلارنى ئىزدەپ يۈرۈپ بىر ئۇسلۇبنى تاپتىم، ئويلاپ باقسام بلوگنى يىنىكرەك يازسا بولىدىكەن، ئۇنىڭ ئۈستىگە دىيەن دىيەن تورى تەمىنلىگەن ئۇسلۇب ياراپ قالدى، شۇنىڭ بىلەن نەچچە كېچە ھەپىلىشىپ شۇنىڭ ئۇسلۇبىنى تەقلىد قىلىپ ياساپ ئۇيغۇربەگنىڭ كەپىسىگە كىيدۈرۈپ چىقتىم، ياراشقانمىدۇ دوستلار؟

Godaddy بولسا نۆۋەتتە دۇنيادىكى نوپۇزلۇق چوڭ تور نامچىلىق شىركەتلىرىنىڭ بىرى بولۇپ، باھاسىنىڭ مۇۋاپىقلىقى، ئىشلىتىش ئۇسۇلىنىڭ قولايلىقلىقى بىلەن نۇرغۇن تورداشلىرىمىزنىڭ ئالقىشىغا ئېرىشكەن. شەخسەن كەمىنە ئۇيغۇربەگمۇ ئۆزۈمنىڭ شەخسىي تور ناملىرىنى مۇشۇ شىركەتتە ساقلاۋاتىمەن  ھەمدە بىر قىسىم بلوگگېر خېرىدارلىرىمنىڭ تور نامىنىمۇ مۇشۇ يەردىن تىزىملىتىپ بىرىۋاتقان ئىدىم، ھالبۇكى ئاخشامدىن باشلاپ بىر قىسىم ئوقۇرمەنلىرىم، شۇنداقلا بىر قىسىم خېرىدارلىرىم بەس-بەستە ئۇچۇر يوللىشىپ بلوگلىرىنىڭ ئېچىلمىغانلىقىنى ئېيتىشتى، توردىكى خەۋەرلەرگە كۆرە بىر قىسىم يەرلىك «شەرەپلىك» تېلىگراف ئىدارىسى Godaddyنىڭ تور نامىنى يىشىشكە ئاتىغان DNS مۇلازىمىتىرىنى چەكلەپ قويغانمىش، شۇنىڭ بىلەن قىسمەن جايلاردا بۈگۈن Godaddyدىن تىزىملاتقان تور نامىنى زىيارەت قىلغىلى بولماسلىق مەسىلىسى كېلىپ چىققان.

WordPressنىڭ ئىچكى قىسمىدا ئۆزى تەمىنلىگەن بىر قىسىم فۇنكىسىيەلەر ئارقىلىق بېكەت سانلىق مەلۇماتلىرى، مەسىلەن: ئومۇمىي يازما سانى، باھا سانى قاتارلىق ئۇچۇرلارنى سىتاتسىكىلاشقا بولىدۇ. گەرچە بىر قىسىم قىستۇرمىلار ئارقىلىقمۇ ئوخشاش مەقسەتكە يەتكىلى بولسىمۇ، بىراق قىستۇرمىلارنىڭ كۆپىيىشى، پۈتكۈل WordPress نىڭ سۈرئىتىگە ئازدۇر كۆپتۇر تەسىر كۆرسىتىدىغان ئەھۋالمۇ بولىدۇ، شۇڭا بەزىدە يەنىلا تەييار كود ئىشلىتىشكە مەجبۇر بولىمىز.ئەلۋەتتە بېكەت سىتاتسىكا ئۇچۇرلىرى ئارقىلىق بلوگىڭىزدىكى يېڭى ئوقۇرمەنلەرنى بلوگىڭىز ھەققىدە قىسقىچە ئارخىپقا ئىگە قىلغىلى ۋە يېتەكچىلىك قىلىش رولىنى ئۆتىگىلىمۇ بولىدۇ.