ﺑﺎﻻ ﯞﻩ «ﺑﺎلا»

 
ﺗﯘﺭﺳﯘﻧﺒﻪﮒ ﺋﯩﺒﺮﺍﮬﯩﻢ ﺗﺎﻳﻤﺎﺱ

 
ﺋﯘﻳﻐﯘﺭ ﺗﯩﻠﯩﻤﯘ ﺩﯗﻧﻴﺎﺩﯨﻜﻰ ﺑﺎﺷﻘﺎ ﻛﯚﭘﻠﯩﮕﻪﻥ ﺗﯩﻠﻼﺭﻏﺎ ﺋﻮﺧﺸﺎﺵ ﮬﻪﺭﭖ، ﺗﺎﯞﯗش ۋﻩ بوﻏﯘملارﻧﯩﯔ ﺑﯩﺮﯨﻜﯩﺸﺪﯨﻦ ﺳﯚﺯ ﻳﺎﺳﯩﻠﯩﺪﯨﻐﺎﻥ ﺗﯩﻞ ﺑﻮﻟﯘﭖ،ﺑﯩﺮ ﺧﻪﺕ ﺑﯩﺮ ﺳﯚﺯ ﮬﯧﺴﺎﺑﻠﯩﻨﯩﺪﯨﻐﺎﻥ ﮬﻪﻣﺪﻩ ﺑﯩﺮ ﺳﯚﺯ ﻛﯚﭖ ﻣﻪﻧﻪ ﺋﯩﭙﺎﺩﯨﻠﻪﻳﺪﯨﻐﺎﻥ بەزى بىر ﺗﯩﻠﻼﺭﺩﯨﻦ ﺗﯜﭘﺘﯩﻦ ﭘﻪﺭﻕ ﻗﯩﻠﺴﯩﻤﯘ، ﻟﯧﻜﯩﻦ ﺗﻮﻱ، ﺑﺎﻻ ....ﺩﯦﮕﻪﻧﮕﻪ ﺋﻮﺧﺸﺎﺵ ﻗﻮﺵ ﻣﻪﻧﻪ ﺋﯩﭙﺎﺩﯨﻠﻪﻳﺪﯨﻐﺎﻥ ﺑﯩﺮ ﺗﯜﺭﻛﯜﻡ ﺳﯚﺯﻟﻪﺭﻣﯘ ﻳﻮﻕ ﺋﻪﻣﻪﺱ. ﺋﻪﻗﯩﻞ-ﭘﺎﺭﺍﺳﻪﺗﻠﯩﻚ ﺋﺎﺗﺎ-ﺑﻮﯞﯨﻠﯩﻤﯩﺰ ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﯩﺪﯨﻜﻰ ﺗﯜﺭﻟﯜﻙ ﺗﻪﺑﯩﺌﻰ ﯞﻩ ﺋﯩﺠﺘﯩﻤﺎﺋﻰ ﺋﺎﭘﻪﺗﻠﻪﺭ ﺑﯩﻠﻪﻥ ﻛﯜﺭﻩﺵ ﻗﯩﻠﯩﺶ ﺩﺍﯞﺍﻣﯩﺪﺍ، ﻣﻮﻝ ﮬﻪﻡ ﻗﯩﻤﻤﻪﺗﻠﯩﻚ ﺗۇﺭﻣﯘﺵ ﺗﻪﺟﺮﯨﺒﯩﻠﯩﺮﯨﻨﻰ ﺗﻮﭘﻠﯩﻐﺎﻥ، ﺷﯘﻧﺪﺍﻗﻼ ﺋﺎﺷﯘ ﺋﺎﺳﺎﺳﺘﺎ ﻳﯘﻗﯩﺮﯨﻘﯩﺪﻩﻙ ﻗﻮﺵ ﻣﻪﻧﺎ ﺋﯩﭙﺎﺩﯨﻠﻪﻳﺪﯨﻐﺎﻥ ﺗﻮﻟﯩﻤﯘ ﺋﻪﮬﻤﯩﻴﻪﺗﻠﯩﻚ ﺳﯚﺯ-ﺋﯩﺒﺎﺭﯨﻠﻪﺭﻧﻰ ﺋﯩﺠﺎﺩ ﻗﯩﻠﯩﭗ ﺑﯩﺰﮔﻪ ﻗﺎﻟﺪﯗﺭﻏﺎﻥ .
ﺋﯘﻳﻐﯘﺭ ﺗﯩﻠﯩﺪﯨﻜﻰ ﺑﺎﻻ ﺑﯩﻠﻪﻥ «ﺑﺎﻻ» ﺳﯚﺯﻯ ﺋﺎﮬﺎﯕﺪﺍﺵ ﺑﻮﻟﯘﭖ، ﺟﺎﻧﻠﯩﻖ ﺗﯩﻠﺪﯨﻜﻰ ﺗﻪﻟﻪﭘﭙﯘﺯﺩﺍ ﺋﺎﺯﺭﺍﻕ ﭘﻪﺭﻗﻠﻪﻧﺴﯩﻤﯘ، ﺋﻪﻣﻤﺎ ﻳﯧﺰﯨﻖ ﺗﯩﻠﯩﺪﺍ ﭘﻪﻗﻪﺕ ﭘﻪﺭﻗﻠﻪﻧﻤﻪﻳﺪﯗ. ﺋﯘﻧﺪﺍﻗﺘﺎ ﻳﯧﺰﯨﻖ ﺗﯩﻠﯩﺪﺍ ﭘﻪﻗﻪﺕ ﭘﻪﺭﯨﻘﻠﻪﻧﻤﻪﻳﺪﯨﻐﺎﻥ ﺑﯩﺮ ﺳﯚﺯ ﻗﺎﻧﺪﺍﻕ ﻗﯩﻠﯩﭗ ﺑﯩﺮ-ﺑﯩﺮﯨﮕﻪ ﺯﺍﺩﯨﻼ ﺋﻮﺧﺸﯩﻤﺎﻳﺪﯨﻐﺎﻥ ﺋﯩﻜﻜﻰ ﺧﯩﻞ ﻣﻪﻧﯩﮕﻪ ﺋﯩﮕﻪ ﺑﻮﻟﯘﭖ ﻗﺎﻟﯩﺪﯗ؟ ﺗﯧﺨﯩﻤﯘ ﺋﻮﭼﯘﻕ ﺋﯧﻴﺘﻘﺎﻧﺪﺍ، ﭘﻪﺭﺯﻩﻧﺖ ﻣﻪﻧﯩﺴﯩﺪﯨﻜﻰ ﺑﺎﻻ ﻗﺎﻧﺪﺍﻕ ﻗﯩﻠﯩﭗ ﺋﺎﭘﻪﺕ ﻣﻪﻧﯩﺴﯩﺪﯨﻜﻰ «ﺑﺎﻻ» ﻏﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ ؟
ﺑﯘ ﺳﯘﺋﺎﻟﻐﺎ ﻗﻮﺭﯗﻕ ﻧﻪﺯﯨﺮﯨﻴﯩﯟﻯ ﻗﺎﺭﺍﺷﻼﺭﺩﯨﻦ ﺟﺎﯞﺍﺏ ﺋﯩﺰﺩﯨﮕﻪﻧﺪﯨﻦ ﻛﯚﺭﻩ، ﺗﯚﯞﻩﻧﺪﯨﻜﻰ ﺋﻪﻣﻪﻟﯩﻲ ﻣﯩﺴﺎﻟﻐﺎ ﻗﺎﺭﺍﭖ ﺑﺎﻗﺎﻳﻠﻰ :
ﻗﻮﺷﻨﯩﻤﯩﺰﻧﯩﯔ ﺑﺎﻟﯩﺴﻰ ﺑﯩﺮ ﻳﯧﺮﯨﻢ ﻳﺎﺷﻼﺭﻏﺎ ﻛﯩﺮﮔﻪﻧﺪﻩ ﺋﺎﻳﯩﻐﻰ ﭼﯩﻘﯩﭗ ﻣﯧﯖﯩﺸﻘﺎ ﺑﺎﺷﻠﯩﻐﺎﻧﯩﺪﻯ. ﺑﺎﻻ ﺗﻮﻟﯩﻤﯘ ﺗﯧﻤﻪﻥ ﺑﻮﻟﻐﺎﭼﻘﯩﻤﯩﻜﯩﻦ، ﮬﻪ ﺩﯨﺴﯩﻼ ﻣﯧﯖﯩﺸﻘﺎ، ﻳﯘﮔﺮﻩﺷﻜﻪ ﺋﯩﻨﺘﯩﻠﯩﭙﻼ ﺗﯘﺭﺍﺗﺘﻰ. ﻟﯧﻜﯩﻦ ﺋﺎﺗﺎ-ﺋﺎﻧﯩﺴﻰ ﮬﻪﺩﺩﯨﺪﯨﻦ ﺋﺎﺭﺗﯘﻕ ﻛﯚﻳﯜﻧﮕﻪﭼﻜﻪ ﻳﯩﻘﯩﻠﯩﭗ ﭼﯜﺷﯜﺷﯩﺪﯨﻦ ﺋﻪﻧﺴﯩﺮﻩﭖ، ﺑﺎﻟﯩﻨﯩﯔ ﻳﯧﻨﯩﺪﯨﻦ ﻧﯧﺮﻯ ﻛﻪﺗﻤﻪﻳﺘﺘﻰ. ﻧﺎﯞﺍﺩﺍ ﻳﯩﻘﯩﻠﯩﭗ ﭼﯜﺷﺴﻪ،«ﯞﺍﻱ ﺋﯧﺴﯩﺖ ﺑﺎﻻﻡ!» ﺩﯦﮕﯩﻨﯩﭽﻪ ﻗﯘﭼﯩﻘﯩﻐﺎ ﺋﯧﻠﯩﭗ ﺗﻮﭘﯩﺴﯩﻨﻰ ﻗﯧﻘﯩﺸﺘﯘﺭﯗﭖ، ﻳﯩﻐﻠﯩﻤﯩﻐﺎﻥ ﺑﺎﻟﯩﻨﻰ ﭘﻪﭘﯩﻠﻪﭖ ﻛﯧﺘﻪﺗﺘﻰ. ﺑﻪﻙ ﺋﯩﭽﻰ ﻛﯚﻳﯜﭖ ﻛﻪﺗﻜﻪﻥ ﭼﺎﻏﻼﺭﺩﺍ «ﺑﺎﻻﻡ ﻗﺎﭼﺎﻧﻤﯘ ﭘﯘﻝ ﺧﻪﺟﻠﯩﮕﯘﺩﻩﻙ ﺑﻮﻻﺭ؟» ﺩﻩﭖ ﺗﻪﻗﻪﺯﺯﺍﺑﻮﻟﯘﭖ، ﻗﻮﻟﻠﯩﺮﯨﻐﺎ ﭘﯘﻝ ﺗﯘﺗﻘﯘﺯﯗﭖ ﻗﻮﻳﺎﺗﺘﻰ. ﭘﯘﻟﻨﻰ ﺋﻮﻳﻨﺎﭖ -ﺋﻮﻳﻨﺎﭖ ﺗﺎﺷﻠﯩﯟﻩﺗﺴﻪ، ﻳﻪﻧﻪ ﻳﺎﻧﭽﯘﻗﯩﻐﺎ ﺳﯧﻠﯩﭗ ﻗﻮﻳﺎﺗﺘﻰ. ﻧﻪﺗﯩﺠﯩﺪﻩ ﺑﯘ ﺑﺎﻻ ﺋﯜﭺ، ﺗﯚﺕ ﻳﺎﺷﻼﺭﻏﺎ ﻛﯩﺮﯨﭗ ﻗﺎﻟﻐﺎﻧﺪﯨﻤﯘ، ﻳﯩﻘﯩﻠﯩﭗ ﭼﯘﺷﺴﻪ ﻳﺎﻛﻰ ﺑﯩﺮﺳﻰ ﻛﯧﻠﯩﭗ ﻳﯚﻟﻪﭖ ﺗﯘﺭﻏﯘﺯﯗﭖ ﻗﻮﻳﻤﯩﻐﯩﭽﻪ ﻳﯩﻐﻼﭖ ﻳﺎﺗﯩﺪﯨﻐﺎﻥ ﺋﺎﺩﻩﺗﻰ ﻳﯧﺘﯩﻠﺪﯗﺭﺩﻯ .
ﮬﻪﺵ-ﭘﻪﺵ ﺩﯦﮕﯘﭼﻪ ﺑﺎﻻ ﺗﯚﺕ ﻳﺎﺷﻘﺎ ﻛﯩﺮﺩﻯ. ﺋﺎﻧﺎ ﺋﯘﻧﯩﯖﻐﺎ ﺷﯘ ﻗﻪﺩﻩﺭ ﻛﯚﻳﯘﻧﻪﺗﺘﯩﻜﻰ، ﺗﯧﺨﯩﭽﻪ ﭼﻮﯓ-ﻛﯩﭽﯩﻚ ﺗﻪﺭﻩﺗﻠﯩﺮﯨﻨﯩﯔ ﮬﻪﻣﻤﯩﺴﯩﺪﻩ ﺋﯘﻧﻰ ﺗﻮﺳﺎﺗﺘﻰ. ﻧﺎﯞﺍﺩﺍ ﺋﯘﻧﻰ ﺗﻮﺳﻤﯩﺴﺎ ﺑﺎﻟﯩﺴﻰ ﺋﯩﺸﺘﯩﻨﯩﻐﺎ ﭼﯩﻘﯩﺮﯨﯟﯦﺘﻪﺗﺘﯩﻜﻰ، ﮬﻪﺭﮔﯩﺰﻣﯘ ﺋﯚﺯﻯ ﺋﻮﻟﺘﯘﺭﯗﭖ ﺗﻪﺭﻩﺕ ﻗﯩﻠﻤﺎيتتى. ﺋﻮﺭﯗﻕ- ﺗﯘﻗﻘﺎﻥ، ﻗﻮﻟﯘﻡ-ﻗﻮﺷﻨﯩﻼﺭﻧﯩﯔ ﺋﯚﻳﯩﮕﻪ ﭼﯩﻘﯩﭗ ﻗﺎﻟﺴﺎ، ﺑﺎﻻ ﺑﺎﺭﻟﯩﻖ ﺋﯩﺸﻜﺎﭘﻼﺭﻧﯩﯔ ﺗﺎﺭﺗﻤﯩﻠﯩﺮﯨﻨﻰ ﺑﯩﺮ-ﺑﯩﺮﻟﻪﭖ ﺋﯧﭽﯩﭗ، ﺋﯩﭽﯩﺪﯨﻜﻰ ﻧﻪﺭﺳﯩﻠﻪﺭﻧﻰ ﺋﺎﺧﺘﯘﺭﯗﭖ ﺋﻮﯕﺘﻪﻱ-ﺗﻮﯕﺘﻪﻱ ﻗﯩﻠﯩﯟﻩﺗﺴﯩﻤﯘ، ﺋﺎﻏﺰﯨﺪﺍ ﺑﻮﻟﺴﯩﻤﯘ «ﮬﺎﻱ» ﺩﻩﭖ ﻗﻮﻳﻤﺎﻳﺘﺘﻰ. ﺋﻪﻛﺴﯩﭽﻪ ﺩﺍﺳﺘﯩﺨﺎﻧﺪﯨﻜﻰ ﻧﻪﺭﺳﯩﻠﻪﺭﻧﻰ ﺋﯧﻠﯩﭗ ﺑﺎﻟﯩﻨﯩﯔ ﻳﺎﻧﭽﯘﻗﯩﻐﺎ ﺗﯩﻘﯩﭗ:«ﻣﺎﻧﻰ ﺋﯧﻠﯩﭗ ﺑﯩﺮ ﺩﻩﻡ ﺧﺎﭘﺎ ﻗﯩﻠﻤﯩﻐﯩﻦ» ﺩﻩﭘﻼ ﻗﻮﻳﺎﺗﺘﻰ. ﺗﻮﻱ-ﺗﯚﻛﯘﻧﻠﻪﺭﮔﻪ ﺑﯧﺮﯨﭗ ﻗﺎﻟﺴﺎ، ﺋﻮﻳﻨﺎﯞﺍﺗﻘﺎﻥ ﺑﺎﻟﯩﺴﯩﻨﻰ ﺋﺎﺗﺎﻳﯩﻦ ﭼﺎﻗﯩﺮﯨﭗ: «ﮔﯚﺵ ﭘﺎﺭﭼﯩﻼﯞﺍﺗﻘﺎﻧﻨﻰ ﻛﯚﺭﻣﯩﺪﯨﯖﻤﯘ ؟ﻣﺎڭە، ﺑﯧﺮﯨﭗ ﮔﯚﺵ ﺑﯧﺮﯨﯔ ﺩﻩ!» ﺩﻩﻳﺘﺘﻰ .
ﺑﺎﻻ ﻳﻪﺗﺘﻪ ﻳﺎﺷﻘﺎ ﻛﯩﺮﯨﭗ ﻣﻪﻛﺘﻪﭘﻜﻪ ﺑﺎﺭﻏﺎﻧﺪﺍ ﺩﻩﺳﻠﯩﭙﯩﺪﻩ ﮬﻪﺭ ﻛﯜﻧﻰ ﺑﯩﺮ ﺳﻮﻡ ﺑﯧﺮﯨﭗ ﻳﻮﻟﻐﺎ ﺳﺎﻟﺪﻯ. ﺑﯘﻧﯩﯔ ﺑﯩﻠﻪﻥ ﺋﯘﻧﯩﯔ ﮔﯘﺩﻩﻙ ﻗﻪﻟﺒﯩﺪﻩ ﺑﯩﻠﯩﻢ ﺋﯧﻠﯩﺶ ﺋﯜﭼﯜﻥ ﺋﻪﻣﻪﺱ، ﺑﻪﻟﻜﻰ ﺋﺎﻧﯩﺴﯩﺪﯨﻦ ﭘﯘﻝ ﺋﯧﻠﯩﺶ ﺋﯘﭼﯘﻥ ﻣﻪﻛﺘﻪﭘﻜﻪ ﺑﯧﺮﯨﺸﻨﯩﯔ ﺋﯘﺭﯗﻗﻰ ﭼﯧﭽﯩﻠﺪﻯ. ﻛﯧﻴﯩﻦ ﺑﯘ ﺋﺎﺋﯩﻠﯩﻨﯩﯔ ﺋﯩﻘﺘﯩﺴﺎﺩﯨﻲ ﺋﻪﮬﯟﺍﻟﯩﺪﺍ ﻛﯜﺗﯜﻟﻤﯩﮕﻪﻥ ﺋﯚﺯﮔﯩﺮﯨﺶ ﻛﯚﺭﯛﻟﯘﭖ، ﺋﯩﻠﮕﯩﺮﯨﻜﻰ ﮬﻪﺭ ﻛﯘﻧﻰ ﺑﯩﺮ ﺳﻮﻡ ﺑﯧﺮﯨﺶ ﻣﺎﻧﺎ ﺋﻪﻣﺪﻯ ﺋﺎﺭﯨﻼﭖ-ﺋﺎﺭﯨﻼﭖ ﺑﯧﺮﯨﺸﻜﻪ ﺋﯚﺯﮔﯩﺮﯨﭗ ﻗﺎﻟﺪﻯ. ﺑﯩﺮﺍﻕ ﮬﻪﺭ ﻛﯘﻧﻰ ﺑﯩﺮ ﺳﻮﻡ ﺋﯧﻠﯩﺶ ﺋﺎﻟﻠﯩﻘﺎﭼﺎﻥ ﺭﯦﯧﻔﻠﯩﻜﯩﺴﻜﻪ ﺋﺎﻳﻠﯩﻨﯩﭗ ﻛﻪﺗﻜﻪﻥ ﺑﺎﻻ، ﭘﯘﻝ ﺑﯧﺮﯨﻠﻤﯩﮕﻪﻥ ﻛﯘﻧﻠﯩﺮﻯ ﻣﻪﻛﺘﻪﭘﻜﻪ ﺑﺎﺭﻣﯩﺪﻯ .
ﺑﺎﻻ ﺋﻮﻥ ﻳﺎﺷﻘﺎ ﻛﯩﺮﯨﭙﻤﯘ ﺋﯩﻜﻜﯩﻨﭽﻰ ﺳﯩﻨﯩﭙﺘﯩﻦ ﺋﺎﺷﺎﻟﻤﯩﻐﺎﭼﻘﺎ، ﺋﺎﻣﺎﻟﺴﯩﺰ ﮬﯜﻧﻪﺭﮔﻪ ﺑﻪﺭﺩﻯ. ﺩﻩﺳﻠﯩﭙﯩﺪﻩ ﺷﻮﭘﯘﺭ ﺑﻮﻟﯘﺷﻘﺎ ﻗﯩﺯﯨﻘﻘﺎﻥ ﺑﺎﻟﺴﻰ ﺷﻮﭘﯘﺭ ﺗﺎﻏﯩﺴﻰ ﺑﯩﻠﻪﻥ ﻳﯧﺮﯨﻢ ﻳﯩﻞ ﻣﯧﯖﯩﭗ ﺑﯧﻘﯩﭗ «ﺑﯩﺮﻩﺭ ﻗﯧﺘﯩﻤﻤﯘ ﺭﻭﻝ ﺑﻪﺭﻣﯩﺪﻯ» ﺩﻩﭖ ﻳﺎﻣﺎﻧﻼﭖ، «ﭘﺎﻛﯩﺰ ھۈﻧﻪﺭ ئۆﮔﯩﻨﯩﻤﻪﻥ» ﺩﻩﭖ ﺯﻩﺭﮔﻪﺭﭼﯩﻠﯩﻜﻜﻪ ﺷﺎﮔﯩﺮﺗﻠﯩﻘﻘﺎ ﻛﯩﺮﺩﻯ. ﺋﯩﻜﻜﻰ ﻳﯩﻞ ﺗﯘﺭﯗﭖ ﺑﯧﻘﯩﭗ «ﺯﻩﺭﮔﻪﺭ ﺩېگەن ﺋﯩﭽﻰ ﻗﻮﺗﯘﺭ ﺧﻪﻗﻜﻪﻥ، ﺋﯚﺯﯨﻨﯩﯔ ﺑﺎﻟﯩﻠﯩﺮﯨﻐﺎ ﺋﯚﮔﯩﺘﯩﭗ، ﺳﯩﺮﺗﺘﯩﻦ ھۈﻧﻪﺭﮔﻪ ﻛﯩﺮﮔﻪﻧﻠﻪﺭﮔﻪ ﺋﯚﮔﻪﺗﻤﻪﻳﺪﯨﻜﻪﻥ» ﺩﻩﭖ ﺋﯘﻧﯩﯖﺪﯨﻨﻤﯘ ﯞﺍﺯ ﻛﻪﭼﺘﻰ. ﻧﺎﯞﺍﻳﻠﯩﻖ، ﻳﺎﻏﺎﭼﭽﯩﻠﯩﻖ، ﺗﯚﻣۈﺭﭼﯩﻠﯩﻚ ﺩﯦﮕﻪﻧﻠﻪﺭﻧﻰ «ﻣﻪﻳﻨﻪﺕ ﮬﯜﻧﻪﺭ» ﺩﻩﭖ ﻳﺎﺭﺍﺗﻤﯩﺪﻯ. ﺋﺎﻣﺎﻟﺴﯩﺰ ﻗﺎﻟﻐﺎﻥ ﺋﺎﺗﺎ-ﺋﺎﻧﺎ ﻗﻪﺭﺯ ﺋﯧﻠﯩﭗ ﺩﯗﻛﺎﻥ ﺋﯧﭽﯩﭗ ﺑﯧﺮﯨﯟﯨﺪﻯ، ﺑﯜﮔﯜﻧﻰ ﻣﺎﻝ ﺳﺎﺗﻘﺎﻥ ﭘﯘﻟﻨﻰ ﺋﻪﺗﯩﺴﯩﮕﻪ ﺋﺎﺷﯘﺭﻣﺎﻱ ﺧﻪﺟﻠﻪﭖ، ئۈﭺ ﻳﯩﻠﺪﺍ 20 ﻣﯩﯔ ﺳﻮﻡ ﺩﻩﺳﻤﯩﻨﻰ ﭘﺎﻙ-ﭘﺎﻛﯩﺰ ﺗﯜﮔﻪﺗﺘﻰ .
ﺋﻪﻣﺪﻯ ﺋﯘ 17-18ﻳﺎﺷﻼﺭﻏﺎ ﻛﯩﺮﯨﭗ، ﭘﯘﻝ ﺧﻪﺟﻠﯩﮕۈﺩﻩﻙ ﺑﻮﻟﻐﺎﻧﯩﺪﻯ. ﺋﻪﭘﺴﯘﺳﻠﯩﻨﺎﺭﻟﯩﻘﻰ،«ﺋﻮﻏﻠﯘﻡ ﻗﺎﭼﺎﻧﻤﯘ ﭘﯘﻝ ﺧﻪﺟﻠﯩﮕﯘﺩﻩﻙ ﺑﻮﻻﺭ» ﺩﻩﭖ ﺗﻪﻗﻪﺯﺯﺍ ﺑﻮﻟﯘﭖ ﻛﯘﺗﻜﻪﻥ ﺋﺎﺗﺎ-ﺋﺎﻧﺎ، ﻣﺎﻧﺎ ﺋﻪﻣﺪﻯ ﺋﯘﻧﯩﯔ ﺧﻪﺟﯩﮕﻪ ﭘﯘﻝ ﺋۈﻟﮕۈﺭﺗﻪﻟﻤﻪﻱ ﻗﺎﻗﺸﺎﺷﻘﺎ ﺑﺎﺷﻠﯩﺪﻯ. ﺋﯩﻠﯩﻜﺘﯩﺮﻭﻧﻠﯘﻕ ﺋﻮﻳﯘﻧﭽﯘﻗﺨﺎﻧﯩﻐﺎ ﻗﺎﺗﺮﺍﻳﺪﯨﻐﺎﻥ ﺑﺎﻻ ﺑﺎﺭﺍ-ﺑﺎﺭﺍ ﺩﯨﺒﺎ (ﺩﯦﺴﻜﻮﺧﺎﻧﺎ)، ﺋﯩﺸﺮﻩﺗﺨﺎﻧﯩﻼﺭﺩﯨﻦ ﻛﻪﻟﻤﻪﻳﺪﯨﻐﺎﻥ ﺑﻮﻟﺪﻯ. ﺑﯩﺮ ﮬﯧﺴﺎﺑﺘﺎ ﻛﻪﻟﮕﯩﻨﯩﺪﯨﻦ ﻛﻪﻟﻤﯩﮕﯩﻨﻰ ﻳﺎﺧﺸﻰ ﺋﯩﺪﻯ. ﭼﯜﻧﻜﻰ ﺋﯘ ﻛﻪﻟﺴﯩﻼ ﭘﯘﻟﻨﯩﯔ ﻏﻪﯞﻏﺎﺳﻰ ﭼﯩﻘﯩﭗ، ﺑﯩﭽﺎﺭﻩ ﺋﺎﺗﺎ-ﺋﺎﻧﺎ ﺋﯘﻧﯩﯔ ﺗﻪﻟﯩﭙﯩﻨﻰ ﻗﺎﻧﺪﯗﺭﺍﻟﻤﺎﻱ، ﺋﯚﺯﯨﻨﯩﯔ ﺋﯚﻟﯩﻤﯩﻨﻰ ﺗﯩﻠﻪﭖ ﻛﯧﺘﻪﺗﺘﻰ. «ﺗﯩﻠﯩﺴﻪﯓ ﺗﺎﭘﺎﺭﺳﻪﻥ» ﺩﯦﮕﻪﻧﺪﻩﻙ، ﺑﯩﭽﺎﺭﻩ ﺋﺎﺗﺎ ﺋﯘﺯﺍﻗﻘﺎ ﻗﺎﻟﻤﺎﻱ ﻳﯜﺭﻩﻙ ﻛﯧﺴﯩﻠﻰ ﺑﯩﻠﻪﻥ ﺋﯚﻟﯜﭖ ﻛﻪﺗﺘﻰ. ﻛﯚﺗﯜﺭﯛﺷﻠﯘﻙ ﺋﺎﻧﺎ ﻳﯩﻐﻼﭖ-ﻗﺎﻗﺸﺎﭖ ﺋﯩﻜﻜﻰ ﻳﯩﻠﻨﻰ ﺋﯚﺗﻜﯘﺯﺩﻯ. ﺋﻮﻏﻠﯩﻨﻰ ﻳﺎﻣﺎﻥ ﻳﻮﻟﺪﯨﻦ ﻳﯧﻨﯩﭗ ﺋﺎﺩﻩﻡ ﺑﻮﻟﯘﭖ ﻗﺎﻻﺭ ﺩﻩﭖ ﺋﻮﻳﻼﭖ، ﺋﺎﺗﺎ ﻣﯩﺮﺍﺱ ﺋﯚﻳﻨﻰ ﺳﯧﺘﯩﭗ ﭘﯘﻟﯩﻐﺎ ﺋﻮﻏﻠﯩﻨﻰ ﺋﯚﻳﻠﻪﭖ ﺋﯚﺯﻯ ﻗﻮﺷﻨﺎ ﺋﻮﻟﺘﯘﺭﺩﻯ. ﺑﯩﺮﺍﻕ ﭘﯘﻝ ﺧﻪﺟﻠﻪﺷﻨﯩﻼ ﺋﯚﮔﯩﻨﯩﭗ، ﭘﯘﻝ ﺗﯧﭙﯩﺸﻨﻰ ﺯﺍﺩﯨﻼ ﺋۆﮔﻪﻧﻤﯩﮕﻪﻥ ﺑﺎﻻ ﻳﻪﻧﯩﻼ ﺋﺎﻧﯩﺴﯩﺪﯨﻦ ﭘﯘﻝ ﺳﻮﺭﺍﺷﻨﻰ ﺗﻮﺧﺘﺎﺗﻤﯩﺪﻯ. «ﭘﯘﻝ ﻳﻮﻕ» ﺩﯦﺴﻪ، ﮬﺎﺭﺍﻕ ﺋﯩﭽﯩﭗ ﻛﯧﻠﯩﭗ ﮬﻪﺗﺘﺎ ﺋﺎﻧﯩﺴﯩﻨﯩﯔ ﻛﺎﻧﯩﻴﯩﻐﺎ ﭘﯩﭽﺎﻗﻨﻰ ﺗﯩﺮﻩﭖ ﺗﯘﺭﯗﭖ، ﺋﺎﺧﯩﺮﻩﺗﻠﯩﻜﻰ ﺋۈﭼۈﻥ ﭼﺎﭘﯩﻨﯩﻨﯩﯔ ﺋﻪﺳﺘﯩﺮﯨﮕﻪ ﺗﯩﻜﯩﭗ ﺳﺎﻗﻼﭖ ﻛﻪﻟﮕﻪﻥ ﭘﯘﻟﻨﯩﻤﯘ ﺋﯧﻠﯩﭗ ﻛﻪﺗﺘﻰ .....
ﺑﯘ ﺩﯗﻧﻴﺎﺩﺍ ﺋﺎﺩﻩﻣﻠﻪﺭﮔﻪ ﻛﯧﻠﯩﺪﯨﻐﺎﻥ ﺑﺎﻻ-ﻗﺎﺯﺍﻧﯩﯔ ﺗﯜﺭﻯ ﮬﻪﺭ ﺧﯩﻞ ﺑﻮﻟﺴﯩﻤﯘ، ﻟﯧﻜﯩﻦ ﺋﯚﻟۈﻣﺪﯨﻦ ﺋﺎﺭﺗﯘﻕ ﮬﯧﭽﻨﻪﺭﺳﻪ ﻳﻮﻕ. ﻣﯘﺷﯘ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺋﯚﺯﯨﻨﻰ ﻣﯩﯖﺒﯩﺮ ﺟﺎﭘﺎ-ﻣﯘﺷﻪﻗﻘﻪﺗﺘﻪ ﺑﯧﻘﯩﭗ ﭼﻮﯓ ﻗﯩﻠﻐﺎﻥ ﺋﺎﻧﯩﺴﯩﻨﯩﯔ ﮔﯧﻠﯩﻐﺎ ﭘﯩﭽﺎﻗﻨﻰ ﺗﯩﺮﻩﭖ ﺗﯘﺭﯗﭖ، ﺋﺎﺧﯩﺮﻩﺗﻠﯩﻚ ﺋﯜﭼﯜﻥ ﻳﯩﻐﻘﺎﻥ ﭘﯘﻟﻨﯩﻤﯘ ﺑﯘﻻﭖ ﻛﻪﺗﻜﻪﻥ ﯞﻩ ﺋﯚﺯ ﺋﺎﻧﯩﺴﯩﻨﻰ ﻗﺎﯕﻘﯩﺮ ﻗﺎﻗﺸﯩﺘﯩﭗ ﺯﻩﺭﺩﯨﮕﯚﺵ ﻗﯩﻠﯩﭗ ﺋﺎﻟﻪﻣﺪﯨﻦ ﻛﻪﺗﻜۈﺯﮔﻪﻥ ﺑﺎﻟﯩﻨﻰ ﺑﺎﻻ-ﻗﺎﺯﺍ ﺩېسىمۇ ﺋﺎﺯﻟﯩﻖ ﻗﯩﻠﯩﺪﯗ ﺋﻪﻟﯟﻩﺗﺘﻪ .
ﺋﻪﻣﺪﻯ ﭘﻪﺭﺯﻩﻧﺖ ﻣﻪﻧﯩﺴﯩﺪﯨﻜﻰ ﺑﺎﻻ ﻗﺎﻧﺪﺍﻕ ﻗﯩﻠﯩﭗ ﺋﺎﭘﻪﺕ ﻣﻪﻧﯩﺴﯩﺪﯨﻜﻰ «ﺑﺎﻻ» ﻏﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ؟ ﺩﯦﮕﻪﻥ ﮬﯧﻠﯩﻘﻰ ﺳﻮﺋﺎﻟﻐﺎ ﻗﺎﻳﺘﯩﭗ ﻛﻪﻟﺴﻪﻙ، ﻳوﻗﯘﺭﯨﻘﻰ ﺋﻪﻣﻪﻟﯩﻲ ﺧﺎﺗﯩﺮﯨﺪﯨﻦ ﺷﯘﻧﻰ ﻛﯚﺭﯛﯞﯨﻠﯩﺸﻘﺎ ﺑﻮﻟﯩﺪﯗﻛﻰ، ﺑﺎﻻ ﺋﻪﺳﻠﻰ ﺑﯘ ﺩﯗﻧﻴﺎﻏﺎ ﭘﻪﺭﺯﻩﻧﺖ ﺑﻮﻟﯘﭖ ﺗﯘﻏﯘﻟﯩﺪﯗ. ﺋﻪﻣﻤﺎ ﺗﻪﺭﺑﯩﻴﯩﻠﻪﺵ ﺋﯘﺳﯘﻟﻰ ﺗﻮﻏﺮﺍ ﺑﻮﻟﻤﯩﺴﺎ، ﺟﯜﻣﻠﯩﺪﯨﻦ ﻛﯚﻳۈﻧۈﺵ ﺋﯧﺸﯩﭗ ﻛﻪﺗﺴﻪ، ﮬﻪﻣﺪﻩ ﺑﯘ ﺧﯩﻞ ﺋﻪﮬﯟﺍﻝ ﺋﯘﺯﺍﻗﻘﯩﭽﻪ ﺩﺍﯞﺍﻣﻼﺷﺴﺎ ﻳﺎﻛﻰ ﺑﯘﻧﯩﯔ ﺋﻪﻛﺴﯩﭽﻪ ﻛﯚﻳﯜﻧﯜﺵ ﮬﻪﻗﯩﻘﯩﻲ ﺑﻮﻟﻤﺎﻱ، ﻗﻮﺭﺳﯩﻘﯩﻐﺎ ﺋﺎﺵ-ﻧﺎﻥ، ﺋﯘﭼﯩﺴﻐﺎ ﻛﯩﻴﯩﻢ ﺑﯧﺮﯨﺶ ﺑﯩﻠﻪﻧﻼ ﺑﻮﻟﺪﻯ ﻗﯩﻠﯩﻨﺴﺎ، ﺑﺎﻻ ﺗﻪﺩﺭﯨﺠﻰ ﮬﺎﻟﺪﺍ «ﺑﺎﻻ» ﻏﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ. ﺗﯧﺨﯩﻤﯘ ﻛﻮﻧﻜﯩﺮﺗﻼﺷﺘﯘﺭﻏﺎﻧﺪﺍ، ﺋﯚﺯﻯ ﺋﻮﺭﻧﯩﺪﯨﻦ ﺗﯘﺭﺍﻻﻳﺪﯨﻐﺎﻥ ﺑﺎﻟﯩﻨﻰ ﺯﻭﺭﻻﭖ ﻳﯚﻟﻪﺵ ﺳﻪﺑﯩﻲ ﺑﺎﻟﯩﻐﺎ ﻧﯩﺴﺒﻪﺗﻪﻥ ﺗﯘﻧﺠﻰ ﺗﻪﻳﻴﺎﺭﻟﯩﻖ ﺩﻩﺭﺳﻰ ﺑﻮﻟﯘﭖ ﻗﺎﻟﺴﺎ، ﭘﯘﻟﻨﯩﯔ ﻗﺎﻧﭽﯩﻠﯩﻚ ﻗﺎﻥ-ﺗﻪﺭ ﺑﻪﺩﯨﻠﯩﮕﻪ ﻛﯧﻠﯩﺪﯨﻐﺎﻧﻠﯩﻐﯩﻨﻰ ﭼﯘﺷﻪﻧﺪﯗﺭﻣﻪﻱ ﺗﯘﺭﯗﭖ، ﺗﻪﻳﻴﺎﺭ ﭘﯘﻟﻨﻰ خەﺟﻠﻪﺷﻜﻪ ﺋۆگىتىش ﺑﺎﻟﯩﻨﻰ ﺑﯘﺯﯗﺷﻨﯩﯔ ﻣﯘﻗﻪﺩﺩﯨﻤﯩﺴﻰ ﺑﻮﻟﯩﺪﯗ. ﺑﺎﺷﻘﯩﻼﺭﻧﯩﯔ ﺋﯚﻳﯩﮕﻪ ﻛﯩﺮﮔﻪﻧﺪﻩ ﺷﯩﺮﻩ-ﺋﯩﺸﻜﺎﭘﻼﺭﻧﻰ ﺋﺎﺧﺘﯘﺭﯨﯟﺍﺗﻘﺎﻧﻠﯩﻘﯩﻨﻰ، ﺩﺍﺳﺘﯩﺨﺎﻧﺪﯨﻜﻰ ﻛﯚﺯﯨﮕﻪ ﭼﯩﺮﺍﻳﻠﯩﻖ ﻛﯚﺭﯗﻧﮕﻪﻥ ﻧﻪﺭﺳﯩﻠﻪﺭﻧﯩﯔ ﮬﻪﻣﻤﯩﺴﯩﻨﻰ ﺋﯧﻠﯩﭗ ﻳﺎﻧﭽﯘﻗﯩﻐﺎ ﺗﯩﻘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ﺗﯘﺭﯗﭖ ﮬﺎﻱ ﺩﯨﻤﻪﺳﻠﯩﻚ ﺑﺎﻟﯩﻨﻰ ﺋﻪﺩﻩﭖ-ﺋﻪﺧﻼﻗﺘﯩﻦ ﻳﯩﺮﺍﻗﻼﺷﺘﯘﺭﯨﺪﯗ .
ﺑﯘ ﻳﻪﺭﺩﻩ ﮬﻪﻣﻤﻪ ﻧﺎﺗوﻏﺮﺍ ﻗﯩﻠﯩﻘﻼﺭﻧﻰ ﺑﯩﺮ-ﺑﯩﺮﻟﻪﭖ ﺳﯚﺯﻟﻪﭖ ﺋﻮﻟﺘﯘﺭﻣﯘﺳﺎﻗﻤﯘ، ﻳﯘﻗﯘﺭﯨﺪﺍ ﻗﻪﻳﺖ ﻗﯩﻠﯩﻨﻐﺎﻧﻼﺭﺩﯨﻦ ﮬﯧﺲ ﻗﯩﻠﯩﺶ ﻣﯘﻣﻜﯩﻨﻜﻰ، ﺑﺎﻟﯩﻨﯩﯔ ﺗﻪﻗﺪﯨﺮﻯ ﺗﻪﺭﺑﯩﻴﯩﮕﻪ ﺑﺎﻏﻠﯩﻖ ﺑﻮﻟﯩﺪﯗ. ﯞﺍﮬﻪﻟﻪﻧﻜﻰ، ﺗﻪﺭﺑﯩﻴﻪ ﺑﯩﺮ ﻛۈﻧﺪﯨﻼ ﺋﻮﺭﯗﻧﻠﯩﺪﯨﻐﺎﻥ ﻧﻪﺭﺳﻪ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﮬﺎﻣﯩﻠﻪ ﺗﯚﺭﻩﻟﮕﻪﻧﺪﯨﻦ ﺑﺎﺷﻼﭖ ﺗﺎﻛﻰ ﺑﺎﻻ ﺑﺎﻻﻏﻪﺗﻜﻪ ﻳﯧﺘﯩﭗ ﻣﯘﺳﺘﻪﻗﯩﻞ ﻳﺎﺷﺎﺵ ﺋﯩﻘﺘﯩﺪﺍﺭﯨﻨﻰ ﮬﺎﺯﯨﺮﻟﯩﻐﯩﭽﻪ ﺋﯩﺰﭼﯩﻞ ﺩﺍﯞﺍﻣﻠﯩﺸﯩﺸﻰ ﻛﯧﺮﻩﻙ ﺑﻮﻟﻐﺎﻥ ﺟﺎﭘﺎﻟﯩﻖ ﺟﻪﺭﻳﺎﻥ. ﻳﺎﻣﺎﻥ ﻳﯧﺮﻯ ﺷﯘﻛﻰ، ﻛﯚﭘﻠﯩﮕﻪﻥ ﺋﺎﺗﺎ-ﺋﺎﻧﯩﻼﺭ ﺑﯘ ﺟﺎﭘﺎﻟﯩﻖ ﺟﻪﺭﻳﺎﻧﺪﺍ «ﺋﺎﺳﺎﻥ ﻛﯧﭽﯩﻚ» ﺋﯩﺰﺩﻩﭖ، ﺯﯨﺪﺩﯨﻴﻪﺗﺘﯩﻦ ﺋﯚﺯﯨﻨﻰ ﻗﺎﭼﯘﺭﯨﺪﯗ. ﺟﺎﯞﺏ ﺑﯩﺮﯨﺶ، ﮬﻪﻝ ﻗﯩﻠﯩﺶ ﻛﯧﺮﻩﻙ ﺑﻮﻟﻐﺎﻥ ﻣﻪﺳﯩﻠﯩﻠﻪﺭﮔﯩﻤﯘ ﻳﯧﺘﻪﺭﻟﯩﻚ ﺋﻪﮬﻤﯩﻴﻪﺕ ﺑﻪﺭﻣﻪﻱ، ﺋﻪﭘﻠﻪﭖ-ﺳﻪﭘﻠﻪﭖ ﺋﯚﺗۈﭖ ﻛﯧﺘﯩﯟﯨﺮﯨﺪﯗ. ﻛﯧﭽﻪ-ﻛﯧﭽﯩﻠﻪﭖ ﻗﺎﺭﺕ ﺋﻮﻳﻨﺎﺵ، ﮬﺎﺭﺍﻕ ﺋﯩﭽﯩﺶ، ﻣﺎﺟﻴﺎﯓ ﺋﻮﻳﻨﺎﺵ ﯞﻩ ﺑﺎﺷﻘﺎ ﺋﻪﺭﺯﯨﻤﻪﺱ ﺋﯩﺸﻼﺭﻏﺎ ﯞﺍﻗﯩﺖ ﭼﯩﻘﯩﺮﯨﺪﯗﻛﻰ، ﺑﺎﻟﯩﺴﻰ ﺑﯩﻠﻪﻥ ﺑﯩﺮﻩﺭ ﻳﯧﺮﯨﻢ ﺳﺎﺋﻪﺕ ﭘﺎﺭﺍﯕﻠﯩﺸﯩﺸﻘﺎ ﯞﺍﻗﯩﺖ ﭼﯩﻘﯩﺮﺍﻟﻤﺎﻳﺪﯗ. ﺋﺎﺧﯩﺮﯨﺪﺍ ﺋﺎﺗﺎ-ﺋﺎﻧﯩﺴﻰ ﺋﯩﮕﻪ ﺑﻮﻟﻤﯩﻐﺎﻥ ﺑﺎﻻ ﺑﯩﻠﯩﭗ-ﺑﯩﻠﻤﻪﻳﻼ ﺟﻪﻣﺌﯩﻴﻪﺗﺘﯩﻜﻰ ﻗﯘﻻﻕ ﻛﻪﺳﺘﯩﻠﻪﺭﮔﻪ ﺋﺎﺭﯨﻠﯩﺸﯩﭗ ﻗﺎﻟﯩﺪﯗ. ﺑﯘ «ﻗﺎﺯﺍﻧﻐﺎ ﻳﻮﻟﯘﻗﺴﺎﯓ ﻗﺎﺭﯨﺴﻰ ﻳﯘﻗﺎﺭ، ﻳﺎﻣﺎﻧﻐﺎ ﻳﻮﻗﯘﻗﺴﺎﯓ ﻳﺎﻟﯩﺴﻰ» ﺩﯦﮕﻪﻧﺪﯨﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ .
ﮔﻪﺭﭼﻪ ﺑﺎﻻ ﺗﻪﺭﺑﯩﻴﯩﻠﻪﺷﺘﯩﻜﻰ ﻣﻪﺳﺌﯘﻟﯩﻴﻪﺕ ﺋﺎﺗﺎ-ﺋﺎﻧﺎ، ﻣﻪﻛﺘﻪﭖ ﯞﻩ ﺟﻪﻣﺌﯩﻴﻪﺗﺘﯩﻦ ﺋﯩﺒﺎﺭﻩﺕ ﺋﯜﭺ ﺗﻪﺭﻩﭖ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﺴﯩﻤﯘ، ﺑﯘﻧﯩﯔ ﺋﯩﭽﯩﺪﻩ ﺋﺎﺗﺎ-ﺋﺎﻧﺎ ﺑﻮﻟﻐﯘﭼﯩﻨﯩﯔ ﻣﻪﺳﺌﯘﻟﯩﻴﯩﺘﻰ ﮬﻪﻣﻤﯩﺪﯨﻦ ﺋﯧﻐﯩﺮ، ﭼۈﻧﻜﻰ ﺑﺎﻻ ﻣﻪﻛﺘﻪﭖ ﯞﻩ ﺟﻪﻣﺌﯩﻴﻪﺗﺘﯩﻦ ﻛﯚﺯﻯ، ﻗﯘﻟﯩﻘﻰ ﺋﺎﺭﻗﯩﻠﯩﻖ ﯞﺍﺳﺘﯩﻠﯩﻖ ﺗﻪﺭﺑﯩﻴﻪ ﺋﺎﻟﺴﺎ، ﺋﺎﺗﺎ-ﺋﺎﻧﯩﺪﯨﻦ ﺋﺎﻕ ﺳﯜﺕ، ﺋﯩﻠﻠﯩﻖ ﻗﯘﭼﺎﻕ ﺋﺎﺭﻗﯩﻠﯩﻖ ﺑﯩﯟﺍﺳﺘﻪ ﺗﻪﺭﺑﯩﻴﻪ ﺋﺎﻟﯩﺪﯗ. ﻣﯘﺷﯘ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺑﺎﻟﯩﻨﯩﯔ ﭘﻪﺭﺯﻩﻧﺖ ﺑﻮﻟﯘﭖ ﭼﯩﻘﯩﺸﻰ ﻳﺎﻛﻰ «ﺑﺎﻻ» ﻏﺎ ﺋﺎﻳﻠﯩﻨﯩﭗ ﻗﯧﻠﯩﺸﻰ، ﺋﺎﺳﺎﺳﻪﻥ ﺋﺎﺗﺎ-ﺋﺎﻧﯩﻨﯩﯔ ﺗﻪﺭﺑﯩﻴﯩﻠﻪﺵ ﺋﯘﺳﯘﻟﯩﻐﺎ ﺑﺎﻏﻠﯩﻖ. ﺷﯘﯕﺎ ﺟﺎﭘﺎﻛﻪﺵ ﺋﺎﺗﺎ-ﺋﺎﻧﯩﻼﺭﻏﺎ ﻣﯘﺭﺍﺟﻪﺕ ﺷﯘﻛﻰ، ﺑﺎﻻﻡ ﺑﻪﺧﯩﺘﻠﯩﻚ ﺑﻮﻟﺴﯘﻥ ﺩېسەﯕﻼﺭ، ﺋﯘﻧﻰ ﺗﻪﺭﺑﯩﻴﻠﻪﺵ ﺩﺍﯞﺍﻣﯩﺪﯨﻜﻰ ﺗﻪﺑﯩﺌﻲ ﺯﯨﺪﺩﯨﻴﻪﺗﻠﻪﺭﺩﯨﻦ ﻗﺎﭼﻤﺎﯕﻼﺭ. ﺗﻪﺭﺑﯩﻴﻨﻰ ﺑﯩﺮﻩﺭ ﻛﯘﻥ، ﺑﯩﺮﻩﺭ ﺋﺎﻱ ﺑﯩﻠﻪﻧﻼ ﺑﻮﻟﺪﻯ ﻗﯩﻠﻤﺎﻱ ﮬﺎﻣﯩﻠﻪ ﺗﯚﺭﻩﻟﮕﻪﻧﺪﯨﻦ ﺗﺎﺭﺗﯩﭗ ﺗﺎﻛﻰ ﺑﺎﻻﯕﻼﺭ ﺋﯚﻳﻠﯘﻙ-ﺋﻮﭼﺎﻗﻠﯩﻖ ﺑﻮﻟﻐﺎﻧﻐﺎ ﻗﻪﺩﻩﺭ ﺋﯘﻧﯩﯖﻐﺎ ﺋﯩﻠﻤﯩﻲ ﻳﻮﺳﯘﻧﺪﺍ ﻛﯚﻳﯜﻧﯜﭖ، ﺗﻮﻏﺮﺍ ﺋﯘﺳﯘﻝ ﺑﯩﻠﻪﻥ ﺗﻪﺭﺑﯩﻴﯩﻠﻪﯕﻼﺭ. ﭘﻪﻗﻪﺕ ﺷﯘ ﭼﺎﻏﺪﯨﻼ ﺑﺎﻻ «ﺑﺎﻻ» ﺑﻮﻟﻤﺎﻱ، ﭘﻪﺭﺯﻩﻧﺖ ﺑﻮﻟﯘﭖ ﻳﯧﺘﯩﺸﯩﭗ ﭼﯩﻘﯩﺪﯗ .

مەنبە: ئىزدىنىش مۇنبىرى