ۋاڭيى تەنتەربىيىسى خەۋىرى لەگلەك تورى تەرجىمىسى

بېيجىڭ ۋاقتى 12-ئاينىڭ 7-كۈنى كەچتە جۇڭگۇ ئەرلەر كەسپى ۋاسكىتبول بىرلەشمە مۇسابىقىسىنىڭ 16-ئايلانمىسى ئېلىپ بېرىلدى. شىنجاڭ ئۇچار يولۋاس كوماندىسى مېھمان مەيداندا شەندوڭ كوماندىسىنى يۇقىرى نومۇر پەرقى بىلەن مەغلۇپ قىلدى. بىرىنچى كونترولدا جوۋ چىنىڭ قالتىس ئىپادىسى بىلەن شىنجاڭ كوماندىسى ئالدىغا ئۆتۈپ كەتتى. ئىككىنچى كونترولدا چەتئەللىك ئەزالار تېلفىر بىلەن بىلاچىر ئۆز كارامىتىنى نامايەن قىلدى. شىنجاڭ كوماندىسى ناھايىتى تېزلا نونۇر پەرقىنى 20 گە يەتكۈزدى. ھەم ئاخىرىغىچە ساقلاپ كەلدى. ئاخىرىدا شىنجاڭ كوماندىسى 112-88 نومۇر بىلەن شەندوڭ كوماندىسىنى قىرغىن قىلدى. شەندوڭ كوماندىسى بولسا ئۇدا ئۈچ مەيدان مەغلۇپ بولدى.

ساھىبخان كوماندا شەندوڭ تەرەپتىكى سانلىق مەلۇمات: جېت 27 نومۇر ئالدى. ۋۇ كې 13 نومۇر، 10 گاردىن قايتقان توپ ئالدى. ساۋ جېنخۇا 10 نومۇر ئالدى. ئۇنىڭ باشقا ھېچقايسى ئەزا 10 نومۇرغا چىقالمىدى. چەتئەللىك ئەزاسى لادۇرى مۇ ئاران 7 نومۇر 4 گاردىن قايتقان توپ ئالدى. 

شىنجاڭ كوماندىسىدىن بىلاچىر 23 نومۇر ئالدى. 11 قېتىم گاردىن قايتقان توپ ئالدى. 3 قېتىم ياردەمچى پاس بەردى. 2 قېتىم توپ تارتىۋالدى. جوۋ چى 19 نومۇر ئالدى. 9 گاردىن قايتقان توپ ئالدى. 6 قېتىم قارشى تەرەپكە قالپاق كەيگۈزدى. تېلفىر 22 نومۇر ئالدى. 4 گاردىن قايتقان توپ ئالدى. 7 قېتىم ياردەمچى پاس بەردى. سۇ ۋېي 12 نومۇر ئالدى. لىيۇ شۇنەن، شرئەلىجان، قىرانبېك ئۈچىلىسى 9 نومۇر ئالدى. 

شەندوڭ كوماندىسىدىن ئاساسلىق ئەزا سۈپىتىدە مەيدانغا چىققان توپچىلار: ساۋ جېنخۇا. لى جىڭيۈ. تاۋ خەنلىن. دىڭيەن يۈخاڭ. جېت. 

شىنجاڭ كوماندىسىدىن ئاساسلىق ئەزا سۈپىتىدە مەيدانغا چىققان توپچىلار:لىيۇ ۋېي. شىرئەلىجان. قىرانبېك. بىلاچىر. جوۋ چى.

مۇسابىقە ئورۇنلاشتۇرڭشى بويىچە 12-ئاينىڭ 10-كۈنى چارشەنبە شىنجاڭ كوماندىسى يەنە مېھمان مەيداندا چىڭداۋ كوماندىسى بىلەن مۇسابىقىلىشىدۇ.