مېنىڭ كۆزۈم قارىغۇ بۇلۇپ قالارمۇ؟ 45 ياشلىق پەن خانىم دوختۇرغا جىددىيلەشكەن ھالدا شۇنداق دېدى. ئون يىل ئاۋال ئۇنىڭ كۆزى قىل قان قۇرۇت كېسىلى بۇلۇپ قالغان بۇلۇپ، بىر نەرسىلەرنىمۇ ئېنىق كۆرەلمەيتى.ئۇ بۇرۇن بۇلارنى خىزمەتتە چارچاپ كەتكەنلىكتىن كىلىپ چىققان ، بىر ئاز ئارام ئالساملا ياخشى بۇلۇپ قالىمەن دەپ ئويلاپ قالغان. بىراق كىم ئويلىغان دەيسىز كۆزىنىڭ ئىچىدىكى قىل قان قۇرۇتلار پەقەتلا ئازلىمىدى، بىر نەرسىە كۆرگەندە بىردەم ياخشى بىر دەم ياخشى ئەمەس بۇلۇپ ھازىرغىچە كەلگەن، بەزىدە پەقەتلا كۆرمەيدۇ.

تەكشۈرۈش ئارقىلىق پەن خانىمنىڭ كۆزىدە « بىرىكتۈرگۈچى پەردىنىڭ قاناتسىمان ئۆسمىسى »پەيدا بۇلۇپ قالغان . كېسەل ۋاقتى ئۇزۇن ۋە دەرىجىسى ئېغىر بولغانلىقتىن ئۆسمىمۇ ناھايتى تېزلىك بىلەن ئۆسۈشكە باشلىغان ، ئۆسمە ئاللىقاچان كۆرۈش پەرسىگە ھۇجۇم قىلىپ كۆز قارچۇقىنى تۇسۇۋالغان، شۇڭا كۆرۈش قۇۋىتى بارغانسىرى ناچارلاپ كەتكەن. بىرىكتۈرگۈچى پەردىنىڭ قاناتسىمان ئۆسمىسى بۇ ئاتالغۇ ئاڭلىماققا بىر قەدەر غەلىتە ئاڭلىنىدۇ، ئەمىليەتتىمۇ كۆز كېسەللىكلىرى ساھەسىدە ئىنتايىن ئاز ئۇچىرايدۇ. بۇ خىل كېسەللىكنىڭ دەسلەپكى ۋاقتىدا ئاغرىمايدۇ،قىچىشمايدۇ، ئالاھىدە ئىپادىسى يوق. كۆپىنچە كىشىلەرنىڭ كۆزىدە قىزىل سىزىقچىلار پەيدا بۇلۇپ قالىدۇ، بەزىدە بىر نەرسە كۆرگەندە سەل تۇتۇق بۇلۇپ قالىدۇ، بۇنداق ۋاقىتتا كىشىلەر كۆزۈم چارچاپ كەتتى ، ياخشى ئارام ئالساملا ياخشى بۇلۇپ كىتىدۇ دەپ ئويلايدۇ. ساقلاپ كۆرۈش قۇۋىتى ئاجىزلاپ كۆرەلمىگىدەك دەرىجىگە يەتكەندە ئاندىن دوختۇرغا كۆرۈنىدۇ، بىراق بۇ ۋاقتتا ئۇلار ئاللىقاچان كېچىككەن بۇلىدۇ.

ئەسكەرتىشكە بولىدىغىنى، بۇ كېسەلگە گىرىپتار بولغۇچىلار ئاساسلىق سىرتلارغا خىزمەت قىلغۇچىلار ، ئۇزاق مۇددەتلىك كۈچلۈك قۇياش نۇرى ئاستىدا ياشايدىغانلار، ئۇزاق مۇددەتلىك تېرىلغۇ بىلەن شۇغۇللانغۇچىلارنىڭ كېسەللىك قوزغىلىشى نىسپىتى بىر قەدەر يۇقىرى . بىراق ،مۇھىت بۇلغىنىشى قاتارلىق ئامىللارمۇ كۆز قۇۋىتىنى چىكىندۈرۋېتىدىغان ئامىللارنىڭ بىرى . ئەڭ ئاساسلىقى بولسا بۈگۈنكى كۈنلۈكتىكى ھەرخىل ئېلىكتۇرۇنلۇق مەھسۇلاتلار مەسىلەن: ھازىرقى كىشلەرنىڭ ھەممىسى دېگۈدەك تېلفۇن ، كومپىيوتىر قاتارلىقلارنىڭ ئېكرانى ئادەمنىڭ كۆزىگە بىۋاستە زىيانلىق ، شۇڭىلاشقا ئادەتتىكى تۇرمۇشىمىزدا كۆزىمىزنى ئاسىراشقا ئەھمىيەت بىرىشىمىز كېرەك ، ئېكرانغا قارىغان ۋاقىتتا كۆزىنى يۇمۇپ ئېچىپ بىرىش، كۆز ئاسىراش ھەركەتلىرىنى ئىشلەپ بىرىش ئارقىلىق كۆزنىڭ ھارغىنلىقىنى تۈگۈتىشىمىز كېرەك.