سانجى خۇيزۇ ئاپتونوم ئوبلاستىنىڭ ئەسەبىيلىكنى تۈگىتىش توغرىسىدىكى تەشۋىقات – تەربىيە خىزمىتىنى ئىلگىرى سۈرۈش يىغىنى 16 – فېۋرال گۇچۇڭ ناھىيەسىدە ئۆتكۈزۈلدى.

ئىگىلىنىشىچە، سانجى خۇيزۇ ئاپتونوم ئوبلاستى ئەسەبىيلىكنى تۈگىتىشنى ئەڭ گەۋدىلىك، ئەڭ جىددىي خىزمەت قاتارىدا چىڭ تۇتۇپ، زەربە بېرىشتىمۇ، تەربىيەلەپ يېتەكلەشتىمۇ قاتتىق قول بولۇپ، ‹‹بەش ئاچقۇچ››نى چىڭ تۇتۇپ، ھەر خىل سىياسەتنى تەڭ يولغا قويۇشقا ئەھمىيەت بېرىپ، تەربىيەلەپ يېتەكلەش، مەدەنىيەتنى يېتەكچى قىلىش، قاقشاتقۇچ زەربە بېرىش ۋە تۈزەش جەھەتتە بىرتۇتاش پىلانلاشقا كۈچ سەرپ قىلىپ، ياخشى ۋەزىيەت يارىتىپ، باسقۇچلۇق نەتىجىلەرنى قولغا كەلتۈرگەن.

گۇچۇڭ ناھىيەسى بايلىقلارنى بىرىكتۈرۈپ، مېخانىزمنى مۇكەممەللەشتۈرۈپ، تەشۋىق – تەربىيەنى كەڭ قانات يايدۇرۇش خىزمەت ئەندىزىسىنى بەرپا قىلغان؛ ماناس ناھىيەسى تەشەببۇسكارلىق بىلەن ھۇجۇمغا ئۆتۈپ، مىللەتلەر ئىتتىپاقلىقىدا ئىلغار تىپ تۇرغۇزۇش پائالىيىتىنى قانات يايدۇرغان؛ سانجى شەھىرى تەشۋىقات، ئىدىيەۋى تەربىيە، مەدەنىيەت ۋە ئاساسىي قاتلامنىڭ ئۇلىنى مۇستەھكەملەش خىزمىتىنى كۈچەيتكەن؛ فۇكاڭ شەھىرى مەدەنىيەتنى دىن سورۇنلىرىغا كىرگۈزۈش، دىنىي زاتلارنىڭ ئىگىلىك تىكلەپ بېيىشىغا ياردەم بېرىش قاتارلىق خىزمەتلەرنى ياخشى ئىشلەپ، ئەسەبىيلىكنى تۈگىتىش توغرىسىدىكى تەشۋىقات – تەربىيە خىزمىتىنى چوڭقۇر ئىلگىرى سۈرگەن.

يىغىندا مۇنۇلار كۆرسىتىلدى: سانجى خۇيزۇ ئاپتونوم ئوبلاستىدىكى ھەر دەرىجىلىك تارماقلار بۇنىڭدىن كېيىن ‹‹بەش ئاچقۇچ››نى ياخشى قوللىنىشتا چىڭ تۇرۇپ، ئۇنىڭدىن ھەقىقىي ياخشى پايدىلىنىپ، ئەسەبىيلىكنى تۈگىتىشنىڭ قۇلۇپىنى ئېچىشى؛ زامانىۋى مەدەنىيەتنى يېتەكچى قىلىشتا چىڭ تۇرۇپ، دىن ئەسەبىيلىكى ئىدىيەسىگە قەتئىي قارشى تۇرۇشى؛ ‹‹ئادەملەرگىچە ئەمەلىيلەشتۈرۈش، ئەسقاتىدىغان بولۇش، ئۈنۈملۈك بولۇش››تا چىڭ تۇرۇپ، تەربىيەنىڭ قاراتمىلىقى، ئۈنۈمدارلىقىنى ھەقىقىي كۈچەيتىشى؛ تەڭ تۇتۇپ، تەڭ باشقۇرۇشتا چىڭ تۇرۇپ، كەڭ كۆلەمدە تەشۋىق قىلىش، كەڭ دائىرىدە لېكسىيە سۆزلەش پائالىيىتى ئەندىزىسىنى بەرپا قىلىپ، مۇتلەق ئۈستۈنلۈكنى قولغا كەلتۈرۈشى كېرەك.

يىغىنغا قاتناشقان ۋەكىللەر گۇچۇڭ ناھىيەسىنىڭ شىدى بازىرى چوزا كەنتىنىڭ مەدەنىيەت پائالىيەت مەركىزىنى ئېكسكۇرسىيە قىلدى، ئەسەبىيلىكنى تۈگىتىش توغرىسىدىكى لېكسىيەنى ئاڭلىدى، ئاممىۋى مەدەنىيەت پائالىيىتىنى كۆردى.