ئەنگلىيە ‹‹ھەركۈنلۈك پوچتا گېزىتى››نىڭ 4-ئاينىڭ22-كۈندىكى خەۋرىگە ئاساسلانغاندا، ئەنگلىيە تۆتىنجى قانىلدا ‹‹ھېچكىم دېلو مەلۇم قىلمايدىغان  دۇنيا››دەپ ئاتىلدىغان ھۆججەتلىك فىلىم قۇيۇلماقچىكەن. بۇ فىلم  تايلاندلىق بالىلارنىڭ باش قىسمى زەخمىلنىش خەۋپىگە تەۋەككۈل قىلىپ ھەتتا ئۆلۈپ كىتىش خەتىرمۇ بولغان كەسپى مۇسابىقىلارگە قاتنىشدىغانلىقنى ئاشكارلىغان. بۇ  بالىلار ئائىلىسنىڭ يۈكىنى يىنىكلىتىپ نامراتلىقتىن قۇتۇلۇش ئۈچۈن، پۇلنى دەپ مۇسابىقىلەرگە قاتنىشدىكەن، ئەڭ كىچىكنىڭ  يېشى ئارانلا 7 ياش ئىكەن. 

بۇ خىل بالىلار قاتنىشدىغان مۇسابىقىلەردە، بالىلارنىڭ باش قىسمىنىڭ زەخمىلنىش مۇمكىنچىلىكى بار بۇلۇپ، ئەمما چوڭ ئادەملەر دوغا تىكىش ئارقىلىق ئوتتۇردىن پايدا ئالدىكەن.ئۇلارنىڭ ئائىلە ئەزالىرىمۇ بالسىغا زور بېسىم سالدىكەن،چۈنكى بالسى يەڭسلا كۆپ پۇلغا ئېرشىپ نامراتلىقتىن قۇتۇلدىكەن. تۆتىنجى قانالنىڭ مۇخبىرى مارىي ئوچىيا  11 ياشلىق چامباشچى نات ساناراكنىڭ قەدىمىگە ئەگىشىپ  بالىلار چامباشچىلىق مۇسابىقسىنىڭ ئارقا كۆرنۈشنى ئېچىپ  بەرگەن. 

ساناراك تايلاندنىڭ شىمالىدىكى ئەڭ ياخشى چامباشچى بالىلارنىڭ بىرى . ئۇنىڭدىن نىمە ئۈچۈن مۇسابىقىگە قاتنىشدىغانلىقى سورالغاندا ئۇ مۇنداق دەپ جاۋاب بەرگەن: ‹‹چۈنكى مەن پۇل ئۇتالايمەن، ھەمدە كەنىتتە نامىم چىقىدۇ››.ساناراك ھازىر ئۇنىڭ ئۈچۈن رىقابەت ئەڭ كەسكىن بولغان مۇسابىقىگە تەييارلىق قىلۋاتقان بۇلۇپ، پات ئارىدا 12 ياشلىق چىمپىيون بىلەن مۇسابىقىگە چۈشدىكەن. ساناراك مۇسابىقىگە قاتناشسىلا بەلگىلىك ھەققە ئېرشەلەيدىكەن، بىراق كۆپ پۇل ئۇتماقچى بولسا پۇرسەت دوغا تىكىشتىن كىلدىكەن. پۈتۈن كەنىت ساناراكقا بېسىم قىلۋاتقان بۇلۇپ ، خۇددى ئۇ مۇسابىقىدە يېڭۋالسا ئۇلارمۇ بىر ئۆلۈش ئالدىغاندەك. 

30مىڭدىن ئارتۇق  بالىلار تايلاندتا كەسپى چامباشچىلىق مۇسابىقىلىرگە قاتنىشۋاتقان بۇلۇپ، تايلاند گۇمپىسى دۇنيادىكى ئەڭ چىدامچان چامباشچىلىق دەپ قارالماقتا. ئۇلار بەزى ۋاقىتتا 4 فوندىسىتېرلىڭ ئۈچۈنمۇ مۇسابىقىگە چۈشدىكەن. يەڭگۈچى ئۆينىڭ تۈۋرۈكىگە ئايلىنىپ ھەتتا شۇ جايدا نام چىقىرىپ قەھرىمانغا ئايلىنىدىكەن. ئوچىيانىڭ دىيشىچە‹‹قورامىغا يەتكەنلەرلا چامباشچىلىققا قاتنىشدىغان بۇلۇپلا قالماستىن، ئاران يەتتە ياشقا كىرگەن بالىلارمۇ پۇلنى دەپ مۇسابىقىگە چۈشدىكەن. 

200گە يېقىن مۇسابىقىگە چۈشكەن بالىلار بىلەن نورمال بالىلار سېلىشتۇرما قىلنىپ تەكشۈرۈلگەندە ، كۆپلىگەن چامباشچىلاردا نورمالسىزلىق بايقالغان. ئوچىيانىڭ دىيشىچە، بۇ چامباشچىلارنىڭ چوڭ مېڭسىدىكى زەخمە بىلەن قاتناش ۋەقەسىدە كۆرۈلدىغان زەخمە ئوخشاش ئىكەن، ئەمما تايلاندتىكى ئائىلىلەر يەنىلا بالىلىرنىڭ مۇسابىقىگە قاتنىشىشىغا رۇخسەت قىلدىكەن. ئوچىيا :‹‹تايلاند گۇمپىسى بىر خىل تۇرمۇش ئۇسۇلى ، تايلاندتا قىزغىن قارشى ئېلنىشقا ئېرشىدۇ، خۇددى ئەنگلىيەلىكلەر پۇتبولنى ياخشى كۆرگەنگە ئوخشاش .تايلاند تا نۇرغۇن چامباشچىلىق ئائىلىلىرى بار بۇلۇپ ،ئۇلار 

ئەۋلادمۇ-ئەۋلاد چامباشچىلىقنى پەخىرلىك ھىس قىلىدۇ.ئەگەر سىز مۇسابىقىدە يېڭۋالسىڭىز سىز ئېرشىدىغان شان-شەرەپ چەكسىز بۇلىدۇ.››