تۈركىيە تۈنۈگۈن ئامېرىكا بىلەن چېگرا دائىرىسىدىكى ھەربىي بازىسىنى ئېچىۋېتىش كېلىشىمى ئىمزالىغانلىقىنى ئىنكار قىلىپ، خەلقئارا جەمئىيەتنى چۆچۈتتى. بۇندىن بۇرۇن ئامېرىكا تۈركىيە 12-ئۆكتەبىر زور قارار چىقىرىپ، ئامېرىكىنى ئۆز ئىچىگە ئالغان ئىراق ۋە شام ئىسلام دۆلىتى ئەسەبىي تەشكىلاتىغا قارشى ئىتتىپاققا ئەزا دۆلەتلەرنىڭ تۈركىيەنىڭ ھەربىي بازىسىدىن پايدىلىنىپ، بۇ تەشكىلاتقا ھاۋادىن زەربە بېرىشىگە ھەمدە تۈركىيەدە يەر يۈزى ئۇرۇش قىسمى خادىملىرىنى تەربىيەلەشكە قوشۇلغانلىقىنى جاكارلىغان ئىدى.

ئامېرىكا تاراتقۇلىرى يەنە مۇنداق دېدى: ئۇرۇش پاتقىقىغا پېتىپ قالغان قوشنا دۆلەت تۈركىيە ئىزچىل تۈردە كۆزىتىش پوزىتىسىيەسى تۇتۇپ كەلدى، يېقىندىكى يول قويۇش تەدبىرى بۆسۈش دەپ قارالدى. بەزى تەھلىلچىلەر مۇنداق دەپ قارىدى: تۈركىيە بىلەن ئامېرىكىنىڭ زىددىيەتلىك گەپ-سۆزلىرى ئامېرىكا رەھبەرلىكىدىكى ئىراق ۋە شام ئىسلام دۆلىتى ئەسەبىي تەشكىلاتىغا قارشى ئىتتىپاقىنىڭ قىيىنلىقىنى تولۇق پاش قىلدى، تۈنۈگۈن ئىراق ۋە شام ئىسلام دۆلىتى ئەسەبىي تەشكىلاتى سۈرىيە ۋە ئىراقتىن ئىبارەت ئىككى لىنىيەدە داۋاملىق ئىلگىرىلىدى.

يېقىنقى كۈنلەردىن بۇيان، ئامېرىكا ھۆكۈمىتى ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىش جەھەتتە تۈركىيەنىڭ تېخىمۇ ئىجابىي رول ئوينىشىنى ئۈمىد قىلدى. ئەنگلىيە رادىيو شىركىتى تۈنۈگۈن مۇنداق دېدى: ئامېرىكا پىرېزىدېنتىنىڭ دۆلەت بىخەتەرلىك ئىشلىرى ياردەمچىسى سۇسان رايىس يېقىندا ئامېرىكا بىلەن تۈركىيە ۋەكىللىرىنىڭ كېڭەشكەنلىكىنى، تۈركىيەنىڭ ئامېرىكىنىڭ تۈركىيەدە مۆتىدىل بولغان سۈرىيەدىكى ھۆكۈمەتكە قارشى تەشكىلاتنىڭ ئەزالىرىنى تەربىيەلەپ، ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشتىكى قوراللىق كۈچكە ئايلاندۇرۇشقا قوشۇلغانلىقىنى ئىسپاتلىدى.

تۈركىيەنىڭ بىر ھۆكۈمەت ئەمەلدارى 12-ئۆكتەبىر مۇنۇلارنى ئىسپاتلىدى: تۈركىيە سۈرىيەدىكى ئۆكتىچى ئەربابتىن 4 مىڭ كىشىنى تۈركىيەدە ئامېرىكىنىڭ ھەربىي مەسلىھەتچىلىرى ھەمدە تۈركىيە ئالاھىدە قىسمى ئوقۇتقۇچىلىرىنىڭ تەربىيەلىشىگە قوشۇلدى. تەربىيە ئالغۇچىلار ئالدى بىلەن تۈركىيەنىڭ ئاخبارات تارمىقىنىڭ تەكشۈرۈشىدىن ئۆتىدۇ. ئامېرىكا بىرلەشمە ئاگېنتلىقىنىڭ تۈنۈگۈنكى خەۋىرىگە قارىغاندا، تۈركىيەنىڭ بۇ قېتىم ئېچىۋېتىدىغان بىرقانچە ھەربىي بازىسى تۈركىيەنىڭ ئەڭ جەنۇبىدىكى ئىنجىرلىك ھاۋا ئارمىيەسى بازىسىنى ئۆز ئىچىگە ئالىدىكەن. بۇ بازا سۈرىيە بىلەن چېگرىلىنىدۇ، جۇغراپىيەلىك ئورنى ئىنتايىن مۇھىم، ئىراق ۋە شام ئىسلام دۆلىتى ئەسەبىي تەشكىلاتىغا ھاۋادىن زەربە بېرىشتىكى چوڭ لاگېر قىلىشقا بولىدۇ.

كىشىنىڭ ئەقلى يەتمەيدىغىنى شۇكى تۈنۈگۈن تۈركىيە ھۆكۈمەت تەرەپ ئامېرىكىنىڭ گېپىنى ئىنكار قىلدى. تۈركىيە باش مىنىستىرى داۋۇت ئوغلى مۇنداق دېدى: ئامېرىكىغا ئىنجىرىك ھەربىي بازىسىنى ئېچىۋېتىش كېلىشىمى ھاسىل قىلىنمىدى. ئىسمىنى ئاشكارىلاشنى خالىمىغان بىر تۈركىيە ئەمەلدارى مۇنۇلارنى ئاشكارىلىدى: ئىنجىرىك ھەربىي بازىسىنى ئېچىۋېتىش، تۈركىيەدە مۇساپىرلار بىخەتەرلىك رايونى قۇرۇش قاتارلىق ئىشلار يەنىلا كېڭىشىش ئىچىدە تۇرماقتا.

ئىگىلىنىشىچە، ئامېرىكا بۇندىن بۇرۇن تۈركىيە بىلەن پائال كېڭەشكەن، تۈركىيەنى تېخىمۇ كۆپ ھەرىكەت قوللىنىشقا كۆندۈرمەكچى بولغان. سۇسان رايىس مۇنداق دېدى: تۈركىيە كۆپ خىل شەكىللەر بىلەن تۆھپە قوشسا بولىدۇ. تاراتقۇلار مىسال قىلىپ مۇنداق دېدى: چەتئەللىك غازاتچى ئۇنسۇرلارنىڭ ئەسەبىي تەشكىلاتى كىرىشى ھەمدە ئەسەبىي تەشكىلاتنىڭ نېفىت ئېكسپورت يولىنى ئۈزۈپ قويۇشىنىڭ ئالدىنى ئېلىش قاتارلىق جەھەتلەردە تۈركىيە كۆرۈنەرلىك رول ئوينايدۇ. 12-ئۆكتەبىر ئامېرىكىنىڭ دۆلەت مۇداپىئە مىنىستىرى خاگىل تۈركىيەنىڭ دۆلەت مۇداپىئە مىنىستىرى يىلماز بىلەن تېلېفونلىشىپ، تۈركىيەنىڭ ياردىمىگە رەھمەت ئېيتتى ھەمدە تۈركىيەنىڭ مۇساپىرلار ئىشلىرى ھەمدە چېگرا بىخەتەرلىك مەسىلىسىدە مەسئۇلىيەتچان پوزىتسىيە تۇتقانلىقىنى ماختىدى.

فرانسىيە ئاگېنتلىقى تۈنۈگۈن مۇنداق دېدى: گەرچە ئوباما ھۆكۈمىتى بۇندىن بۇرۇن ئامېرىكا ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشتە يەر يۈز قىسمى چىقارمايدۇ دەپ قايتا-قايتا تەكىتلىگەن بولسىمۇ، لېكىن 12-ئۆكتەبىر ئامېرىكا ھەربىي تەرەپنىڭ يۇقىرى قاتلىمى بۇ مەسىلىگە قوشۇلمايدىغانلىقىنى يەنە بىر قېتىم بىلدۈردى. ئامېرىكا شىتاپ باشلىقلىرى بىرلەشمە كېڭىشىنىڭ رەئىسى دېنمپىسى شۇ كۈنى مۇنداق دېدى: ئامېرىكىنىڭ ئىراقتىكى ھەربىي مەسلىھەتچىلىرى بۇندىن كېيىنكى يەر يۈزى ھەربىي ھەرىكىتىدە تېخىمۇ بىۋاسىتە رول ئوينىشى مۇمكىن. ئۇ مۇنداق دەپ قارىدى: كەلگۈسىدە ئىراق ھۇجۇم باسقۇچىغا كىرگەندە يەر يۈزىدە بىر قانچە مەيدان ئۇرۇش قىلىشتا توغرا كېلىدۇ.

بۇنىڭ ئىچىدە موسولنى ئىگىلەش ئۇرۇشى ھەل قىلغۇچ ئۇرۇش . ئۇ مۇنداق دېدى: ئۇرۇش مۇرەككەپ بولغانلىقتىن، شۇ چاغدا بىز ھازىرقىغا ئوخشىمايدىغان ياردەم شەكلىنى قوللىنىمىز. ئامېرىكىنىڭ سابىق دۆلەت مۇداپىئە مىنىستىرى پانېيتا مۇنداق دېدى: ئىراق ۋە شام ئىسلام دۆلىتى ئەسەبىي تەشكىلاتىنى تېخىمۇ ئۈنۈملۈك يوقىتىش ئۈچۈن زۇڭتۇڭ تېخىمۇ كۆپ تەرەپلەرنىڭ پىكىرىنى ئاڭلىشى كېرەك.

فرانسىيە ئاگېنتلىقى مۇنداق دەپ قارىدى: ئىراقنىڭ يەر يۈزى قىسمىنىڭ ئۇرۇش ئىقتىدارى بىر قەدەر ئاجىز، بۇ ئامېرىكا ئارمىيەسىنىڭ تېخىمۇ بىۋاسىتە شەكىل قوللىنىپ، ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشىدىكى ئامىللارنىڭ بىرى بولۇشى ئېھتىمالغا ناھايىتى يېقىن.