تېڭشۈن پەن - تېخنىكىسى : لەگلەك تورى تەرجىمىسى 8 – ئاينىڭ 27 – كۈنى، ئۈندىدار ئورگان تەرەپ ئاممىۋىي سۇپا تىزىملاتقۇچىلارغا قولايلىقلاشتۇرۇش ئۈچۈن، بۈگۈندىن ئىتىبارەن تىزىملىتىش ئۇسۇلىنى ئۆزگەرتىپ، مەشغۇلاتلارنى ئاددىيلاشتۇردى. ئىلگىرىكى بىر كىملىككە كۆپ بولغاندا 2 ھىسابات ئېچىش چەكلىمىسىنى تەڭشەپ،بىر كىملىك بىلەن كۆپ بولغاندا 5 ھىسابات ئاچقۇزۇشنى يولغا قويدى.

يېڭى تىزىملىتىش ئۇسسۇلىدا، ئاممىۋېي سۇپىلار ئومۇمىي جەھەتتىن ھۆكۈمەت، ئاخبارات ۋاستىلىرى، كارخانا، شەخىس ۋە باشقا تۈرلەر قاتارلىقلارغا ئايرىلىدۇ. ھەرقايسى تۈرلەر بويىچە ھىسابات ئاچقۇزغۇچىلاردىن، شۇ تۈرنىڭ تەلىپى بويىچە مۇناسىپ ئىسپاتلار تەلەپ قىلىنىدۇ. بۇنىڭلىق بىلەن تىزىمغا ئالدۇرۇش مەزمۇنلىرى ۋە تەمىنلەش تەلەپ قىلىنىدىغان ئىسپاتلار ئازايتىلىدۇ.

ئورگان تەرەپنىڭ چۈشەندۈرىشىچە، ئىلگىرى ئاكونت ئاچقۇزۇش بىر قەدەر مۇرەككەپ بولۇپ، تولدۇرۇشقا تېگىشلىك مەزمۇن ۋە كىتەرلىك ئىسپاتلار كۆپ بولۇپ كەتكەن، يەنە كېلىپ، ئاكونتىنى دەلىللىمەكچى بولغانلاردىن ئوخشاش ئىسپاتلارنى قايتا تاپشۇرۇش تەلەپ قىلىنىدىغان ئەھۋاللار ساقلانغان. يېڭى تىزىملىتىش سېخمىسىدا قەدەم باسقۇچلار ئاددىيلاشتۇرۇلۇپ، ئىشلەتكۈچىلەرنىڭ ھىسابات ئاچقۇزىشى قولايلىلاشتۇرۇلغان.

يېڭىچە تىزىملىتىش ئۇسسۇلىدا ئاممىۋېي سۇپا تۈرى ئېنىق ئايرىلغاندىن كېيىن ئوخشىمىغان تۈرلەرگە خاس ئۆزگىچە مۇلازىمەتلەرنى تەمىنلەشكە پايدىسى بولىدۇ. مەسىلەن: ھازىرغىچە يولغا قويۇلغان ئۈندىدار دەلىللەش، ئۈندىداردا پۇل تۆلەش، ئىقىم باشقۇرۇش، ئىلان باشقۇرۇش، ئۈندىدار مىكرو دۇكىنى قاتارلىق مۇلازىمەتلەرنى تەمىنلەشتە، ئاممىۋېي سۇپىنىڭ تۈرىگە ئاساسەن ئاكتىپ ھەمكارلىق ئورنىتىدۇ. ئوخشىمغان تۈردىكى ئاممىۋېي سۇپىلارغا مۇناسىپ ھالدا ئوخشاش بولمىغان ئاساسىي ئۇچۇرلار كۆرسىتىلىدۇ، ئورگان تەرەپنىڭ بۇ ھەقتىكى تەپسىلىي چۈشەندۈرۈشى مۇنداق:

شەخس تۈردىكى ئاممىۋىي سۇپا ھىساباتىنىڭ ئاساسلىق ئۇچۇرلىرى ئىگە تەرەپ تىزىملاتقاندا تولدۇرغان ئۇچۇرلار ۋە تەمىنلىگەن كىملىك ئۇچۇرلىرى بولىدۇ.
كارخانا تۈرىدىكى ئاممىۋېي سۇپىلارنىڭ ئاساسىي ئۇچۇرلىرى تىزىملاتقاندا تولدۇرغان ۋە تەمىنلىگەن تىجارەت كېنىشكا ئۇچۇرلىرى بولىدۇ.

ھۆكۈمەت، ئاخبارات ۋاستىلىرى، باشقا تۈردىكى ئاممىۋېي سۇپىلارنىڭ ھىسابات ئۇچۇرلىرى تىزىملاتقاندا تولدۇرغان ۋە تەمىنلىگەن تەشكىلىي ئورگان ئۇچۇرلىرى بولىدۇ.

ئىلگىرى تىزىملاتقان ۋە دەلىللەشتىن ئۆتكۈزمىگەن ئاممىۋېي سۇپا ئابونىتلىرى ئاممىۋېي سۇپا تۈرىنى ئۆزگەرتمەكچى بولسا، بىر قېتىملىق ئۇچۇر ئۆزگەرتىش پۇرسىتى بېرىلىدۇ. دەلىللەشتىن ئۆتكەن ئاممىۋېي سۇپا ئابونتلىرىنىڭ كەسىپ تۈرى ۋە ئاساسلىق ئۇچۇرلىرىنى ئۆزگەرتىشىگە بولمايدۇ.