دۇبەي گېزىتىنىڭ خەۋىرىگە قارىغاندا، شۇيەر ۋاقتى 1-ئاينىڭ 19-كۈنى بىر ساقچى بۇلتۇر يوللىغان بىر ۋىدېيو سەۋەبلىك سوتقا تارتىلغان.

بۇ گېزىتتە ۋېدىيونىڭ تېمىسى «بۇ پاسپورتنى كۆيدۈرىۋېتەيمۇ، ئورنىغا قويۇپ قويايمۇ» ئىكەنلىكى يېزىلغان.

گېزىتتە يېزىلىشىچە، ساقچىنىڭ ئىسمى J.M. ئىكەن. ئۇ ئۆزىنىڭ بەش قېتىم ئالتۇن توپ ساھىبى بولغان مېسسىنىڭ شەخسىيتىگە دەخلى تەرۇز قىلغانلىقىنى ئېتىراپ قىلغان. لېكىن بۇنىڭ بىر چاقچاق ئىكەنلىكىنى ئېيتقان.

ئەسلى ئىش مۇنداق بولغان: بۇ ساقچى مېسسى بىلەن بىر پارچە سۈرەتكە چۈشۈۋالماقچى بولغان، لېكىن مېسسىنىڭ ئۇزاق ئايروپىلان سەپىردە ھېرىپ كەتكەنلىكىنى بىلگەن. ئۇنىڭ ئېيتىشىچە، ئۇ مېسسىنىڭ قوغدىغۇچىسىنىڭ ئىجازىتى بىلەن مېسسىنىڭ پاسپورتىنى ئېلىپ، ۋىدېيو يوللىغان.

مەزكۇر ساقچى بۇ توغرىسىدا: «مەن پاسپورت باشقۇرۇش سۇپىسىغا بېرىپ، مېسسىنىڭ پاسپورتىنىڭ شۇ جايغا قويۇلغانلىقىنى كۆردۈم. شۇڭا مەن پاسپورتنى ئېلىپ، ئۆزۈمنى سىنغا ئالدىم. مېسسىنىڭ قوغدىغۇچىسى شۇ يەردە بار ئىدى، ئۇنىڭدىن مېسسىنىڭ پاسپورتى بىلەن رەسىمگە چۈشۈۋالسام بولامدۇ، دەپ ئىنگلىزچە سورىسام، ئۇ قوشۇلغانتى» دېگەن.

مەزكۇر ساقچى 2007-يىلىدىن باشلاپ دۇبەيدە سەقچى بولغان، ئۇ ۋىدېيونىڭ بۇنچە تېز تارقىلىپ كەتكىنىنى ئۆزىنىڭ تېخى بىلمەيدىغىنىنى ئېيتقان. ئۇ مۇشۇ ئاينىڭ ئاخىرىدا جازالىنىدىكەن.

مېسسى ئەينى چاغدا دۇبەيگە 2015-يىللىق دۇنيا پۇتبول مۇراسىمىغا قاتناشقىلى بارغان ھەم شۇ يىللىق ئەڭ مۇنەۋۋەر پۇتبولچى شەرىپىگە ئېرىشكەن.