فىلىپپىن ئاپەتتىن قۇتقۇزۇش كومىتىتىنىڭ بىلدۈرۈشىچە، فىلىپپىننىڭ ئوتتۇرا قىسمىدا ئاز دېگەندە 730 مىڭ ئادەم تارقاقلاشتۇرۇلغان، بۇنىڭ ئىچىدە 240 مىڭ ئادەمنىڭ ئۆيى ئۆرۈلۈپ كەتكەن ياكى سۇ بېسىپ كەتكەن بولۇپ ھازىرمۇ قۇتقۇزۇش مەركىزى سىرتىدا ياردەم ساقلاۋېتىپتۇ.

      فىلىپپىنغا ھۇجۇم قىلغان تەيفېڭ بورىنى «يەسىمەنگۈل» ھازىرغىچە 17 ئادەمنىڭ ئۆلۈشىنى كەلتۈرۈپ چىقاردى، فىلىپپىن زۇڭتۇڭى ئاكىنو 18-دىكابىر دۆلەتنىڭ «ئاپەت ھالىتى»گە كىرگەنلىكىنى جاكارلىدى.

       بۇ يىلقى 27-قېتىملىق تەيفېڭ بورىنى «يەسىمەنگۈل» 12-ئاينىڭ 14-كۈنى فىلىپپىننىڭ ئوتتۇرا قىسىم رايونىدا قۇرۇقلۇققا چىققان بولۇپ، 17-دېكابىر تىروپىك بەلۋاغ تۆۋەن بېسىمىغا ئاجىزلاشقان، بۇ جەرياندا فىلىپپىندىكى ئون نەچچە ئۆلكە ئاپەتكە ئۇچرىغان. 12-ئاينىڭ 14-كۈنىدىن 16-كۈنىگىچە ئاپەت ئەڭ ئېغىر بولغان شەرقتىكى مىندورو، سوسوگون، ئالباي، شىمالدىكى سامار قاتارلىق تۆت ئۆلكە ئارقا-ئارقىدىن ئاپەت ھالىتىگە كىرگەنلىكىنى ئېلان قىلغان. فىلىپپىن دۆلەتلىك ئاپەتتىن قۇتقۇزۇش كومىتېتى 18-دېكابىر ئېلان قىلغان ئەڭ يېڭى ئاپەت ئەھۋالىدا كۆرسىتىلىشىچە، تەيفېڭ بورىنى «يەسىمەنگۈل» جەمئىي 17 ئادەمنىڭ ئۆلۈشىنى، 20 ئادەمنىڭ يارىلىنىشىنى ۋە ئۈچ ئادەمنىڭ يوقاپ كېتىشىنى كەلتۈرۈپ چىقارغان، ھازىرغا قەدەر ئاپەتكە ئۇچرىغان 19 ئۆلكە-شەھەردە جەمئىي 220 مىڭدىن ئارتۇق ئادەم پاناھلىنىش ئورنى سىرتىدا قۇتقۇزۇشنى كۈتۈۋېتىپتۇ. ئاپەتكە ئۇچرىغان ھەرقايسى ئۆلكىلەردە جەمئىي 132 مىڭدىن ئارتۇق ئۆي زىيانغا ئۇچرىغان بولۇپ، ئاساسىي ئەسلىھە ۋە يېزا ئىگىلىكتىن بولغان زىيان 935 مىليون پىسوغا يەتكەن.

    فىلىپپىن زۇڭتۇڭ مەھكىمىسى 18-دىكابىر زۇڭتۇڭ ئاكىنونىڭ شۇ كۈنى 1186-نومۇرلۇق زۇڭتۇڭ بۇيرۇقىغا قول قويۇپ دۆلەتنىڭ رەسمىي ھالدا «ئاپەت ھالىتى»گە كىرگەنلىكىنى جاكارلىغانلىقىنى، بۇ ئارقىلىق ئاپەتكە ئۇچرىغان رايونلاردىكى ئاپەتتىن قۇتقۇزۇش، قايتا قۇرۇش قاتارلىق خىزمەتلەرگە قولايلىق يارىتىشنى مەقسەت قىلغانلىقىنى بىلدۈرگەن.

   ئاكىنو زۇڭتۇڭ بۇيرىقىدا ئاپەتكە ئۇچرىغان رايونلاردىكى ئاساسىي تۇرمۇش بۇيۇملىرى ۋە تاۋارلارنىڭ باھاسىنى قاتتىق كونترول قىلىش، ھەرقايسى دەرىجىلىك ھۆكۈمەتلەرنىڭ تېزدىن لاھىيە تۈزۈپ چىقىپ ئاپەتتىن قۇتقۇزۇش، ياردەم بېرىش ۋە قايتا قۇرۇش ئىشلىرىنى ئېلىپ بېرىش، ئاپەت رايونلىرىغا ئەڭ ئاساسلىق بولغان ماددىي ئەشيالار ۋە مۇلازىمەتلەرنى يەتكۈزۈش قاتارلىقلارنى تەلەپ قىلغان.

    ئاكىنو بۇيرۇقىدا يەنە قانۇن ئىجرا قىلىش ئورگانلىرى ۋە ھەربىي تەرەپنىڭ بارلىق ئىمكانىيەتلىك تەدبىرلەرنى قوللىنىپ ئاپەت رايونىنىڭ ئامانلىق ئىشلىرىغا كاپالەتلىك قىلىشىنى تەلەپ قىلغان.