جاھان ئاگېنتلىقى 20-ئاپرېل خەۋىرى؛ لەگلەك تورى تەرجىمىسى: فىنلاندىيەدىكى سايلامدا ئەڭ كۆپ ئاۋازغا ئېرىشكەن ئۆكتىچى «مەركەز پارتىيسى» رەھبىرى سىپىلا، بىرلەشمە ھۆكۈمەت قۇرۇش ۋەزىپىسىنى ئۈستىگە ئالىدىغانلىقى ۋە بۇ دائىرىدە 3 سىياسى پارتىيە بىلەن كۆرىشىدىغانلىقىنى بىلدۈردى.
مەركەز پارتىيسى رەھبىرى جۇھا سىپىلا، سايلامدىن كېيىن غەلبە قىلغانلىقىنى جاكارلاپ، يېڭى بىرلەشمە ھۆكۈمەت قۇرۇش ۋەزىپىسىنى ئۈستىگە ئالغانلىقىنى ۋە كۆپ ئاۋازغا ئېرىشكەن مۇھاپىزەتچىلەر ۋە دېموكراتچىلاردىن ئىبارەت 3 چوڭ سىياسىي پارتىيە رەھبەرلىرى بىلەن ئۇچرىشىدىغانلىقىنى بىلدۈردى.
سىپىلا سىياسەتكە قەدەم قويغىلى 4 يىل بولغان بولۇپ، ئۇ قۇرۇلماقچى بولغان بىرلەشمە ھۆكۈمەتتىكى ئەڭ مۇھىم ئالاھىدىلىكنىڭ ھەر قايسى تەرەپلەر ئارىسىدىكى ئىشەنچ ئىكەنلىكىنى تەكىتلەپ، مۇھاپىزەتچى باش مىنىستىر ئالىكساندىر ستۇبنىڭ رەھبەرلىكىدىكى ھازىرقى بىرلەشمە ھۆكۈمەتتىكى ئەڭ ئېغىر مەسىلىنىڭ ئۆز-ئارا ئىشىنىشمەسلىك ئىكەنلىكىنى بىلدۈردى.
سىپىلا، فىنلاندىيەنىڭ 3 يىلدىن بۇيان داۋاملىشىۋاتقان ئىقتىسادى چېكىنىش سەۋەبىدىن قىيىن ئەھۋالدا ئىكەنلىكىنى، دۆلەتنى بۇرۇنقى ھالىتىگە قايتۇرۇش ئۈچۈن 10 يىل ۋاقىت كېتىدىغانلىقىنى ئېيتتى.
فىنلاندىيەدە ئۆتكۈزۈلگەن سايلامدا بىلەتنىڭ 99.9% سانىلىپ بولدى، بۇنىڭ نەتىجىسىگە ئاساسەن ئەڭ كۆپ ئاۋازغا يۈزدە 21.2% نىسبەت بىلەن ئۆكتىچى مەركەز پارتىيىسى ئېرىشتى. باش مىنسىتىر ئالىكساندىر ستۇب رەھبەرلىكىدىكى مىللى بىرلەشمە پارتىيىسى 18.2% نىسبەتتە سايلامدا مەغلۇب بولدى، ئالىكساندىر، مەركەز پارتىيسىنىڭ غەلبە قىلغانلىقىنى تەبرىكلىدى. سايلامدا ئىككىنجىلىككە ئېرىشكەن فىن پارتىيىسى پارلامېنتتا 38 ئورۇنغا، دېموكرات پارتىيسى 34 ئورۇنغا ئىگە.

لەگلەك تورى ئۈنىدىدار سالونىنى قوشۇۋېلىڭ! ئىزدەش نامى: LEGLEK