«بۈگۈنكى ئامېرىكا» گېزىتىنىڭ خەۋىرىگە قارىغاندا، كالىفورنىيە شىتاتلىق نازارەت قىلىپ باشقۇرۇش ئورگانلىرى بەلگىلىمە چىقىرىپ، شوپۇرسىز ھەيدىلىدىغان ماشىنىلارنى ئىشلىتىشنى ۋە چوڭ يوللاردا شوپۇرسىز ھەيدىلىدىغان ماشىنىلارنىڭ ئادەمسىز يۈرۈشىنى چەكلىگەن. بۇ چەكلەش بۇيرىقى گۇگېل شىركىتىنى ئىنتايىن ئۈمىدسىزلەندۈرگەن. كالىفورنىيە شىتاتلىق ماشىنا باشقۇرۇش مەركىزى تەكلىپ بېرىپ، بارلىق شوپۇرسىز ھەيدىلىدىغان ماشىنىلارغا رول، تورموز پىدالى ۋە ماي تەپكىسى ئورنىتىشنى تەلەپ قىلغان، ھەمدە "شوپۇرسىز ھەيدىلىدىغان ماشىنا مەخسۇس خادىمى" نىڭ ھەر ۋاقىت ماشىندا ئولتۇرۇشىنى ۋە زۆرۈر تېپىلغاندا ماشىنىنى كونترول قىلىشنى بەلگىلىگەن.

      گۇگېل شىركىتى سېنزور ئورۇنلاشتۇرۇلغان لېكساس SUV تىپلىق شوپۇرسىز ھەيدىلىدىغان ماشىنىنى نەچچە يىل سىناق قىلىنغاندىن كېيىن، ئاخىر ئۆزىنىڭ ئىككى كىشىلىك شوپۇرسىز ھەيدىلىدىغان ماشىنىسىنى لاھىيىلەپ چىققان، ھەمدە ئاخىرىدا رول، ماي تەپكىسى تورموز پىدالى قاتالىقلارنى ئېلىۋېتىشنى پىلانلىغان. گۇگېل شىركىتىنىڭ شوپۇرسىز ھەيدىلىدىغان ماشىنا تۈرى بولسا گۇگېل شىركىتىنىڭ ئانا شىركىتى Alphabet نىڭ مەخپى تەجىربىخانىسىنىڭ بىر تەتقىقات تۈرى. بۇ تۈر بەلكىم  مۇستاقىل شىركەت بولۇپ قۇرۇلۇپ چىقىشى مۇمكىن. كېلەر يىلى لاس ۋىگاستا ئۆتكۈزۈلىدىغان CES كۆرگەزمىسىدە شوپۇرسىز ھەيدىلىدىغان ماشىنا تېخنىكىسى ۋە نازارەت قىلىپ باشقۇرۇش مەسىلىسى مۇھىم تېمىغا ئايلىنىشى مۇمكىن.