يۈننەن ئۆلكىسى كۇنمىڭ شەھىرى، پەنلوڭ رايونىنىڭ مىڭتوڭ باشلانغۇچ مەكتىپىدە دەسسىلىش ۋەقەسى يۈز بەرگەندىن كېيىن، مائارىپ مىنىستىرلىقى ئۇشتۇمتۇت ۋەقەنى جىددىي بىر تەرەپ قىلىش مېخانىزمىنى دەرھال يولغا قويۇپ، پۈتۈن ئۆلكىدىكى مائارىپ تارماقلىرىدىن ئالاقىدار تارماقلارغا پائال ماسلىشىپ، يارىلانغان ئوقۇغۇچىلارنى پۈتۈن كۈچ بىلەن قۇتقۇزۇش، ۋەقەنىڭ سەۋەبىنى تىزدىن ئېنىقلاش ھەمدە جەمئىيەتكە ۋاقتىدا ئېلان قىلىشىنى تەلەپ قىلدى.

مائارىپ مىنىستىرلىقى مۇنۇلارنى بىلدۈردى: ھەر دەرىجىلىك تۈرلۈك مەكتەپلەر بۇ قېتىمقى ۋەقەدىن ساۋاق ئېلىپ، مەكتەپلەرنىڭ بىخەتەرلىك خىزمىتىنى ھەقىقىي كۈچەيتىپ، مۇشۇنداق ۋەقەلەرنىڭ قايتا يۈز بېرىشنىڭ قاتتىق ئالدىنى ئېلىش لازىم.

26-سېنتەبىر سائەت 14 تە يۈننەن ئۆلكىسى كۇنمىڭ شەھىرى مىڭتوڭ باشلانغۇچ مەكتىپىدە دەسسىلىش ۋەقەسى يۈز بېرىپ، ئالتە ئوقۇغۇچى قازا قىلدى، 26 ئوقۇغۇچى يارىلاندى.