جاھان ئاگېنتلىقى 21-مارت خەۋىرى؛ لەگلەك تورى تەرجىمىسى: مىسىر ئارمىيە باياناتچىسى گېنىرال مۇھەممەد سەمىر، فېيىسبۇك ھىساباتىدا ئېلان قىلغان باياناتىدا، مىسىر ئارمىيسىنىڭ 1-فېۋرالدىن 19-مارتقىچە بولغان ئارلىقتا غەززە رايۇنىدىن مىسىرنىڭ شىمال سىناي رايۇنىغا سوزۇلغان 194 تونىلنى تاقىۋەتكەنلىكىنى ئاشكارىلىدى.
بۇ تونىللاردىن ئىككىسىنىڭ ئىستىراتىگىيەلىك ئەھميەتكە ئىگە ئىكەنلىكى ۋە تونىللارنىڭ بىرىدە 4 دانە تانكا ئاتار ئوقى بىلەن مىڭ كىلوگرام پارتلاتقۇچ ماددا بايقالغانلىقى بىلدۈرۈلدى.
غەززەدە دېموكراتىك سايلام بىلەن غەلبە قازانغان خاماس ھەرىكىتى باشقۇرۇش ھۇقۇقىنى تاپشۇرۋالغاندىن كېيىن ، 2007-يىلىدا رەفاھ چېگرا ئېغىزى سودا-سېتىق ئۈچۈن كىرىپ-چىقىشقا تاقىۋېتىلگەن ئىدى. ئىسرائىلىيە قامىلى ۋە يۇقارقى چېگرا ئېغىزىنىڭ تاقىلىشى بىلەن پەلەستىنلىكلەر نورمال ئېھتىياجىنى قامداش ئۈچۈن تونىل قېزىشقا باشلىغان.
مىسىردا 2013-يىلىدىكى ھەربىي ئۆزگىرىش بىلەن ھاكىمىيەت بېشىغا چىققان يېڭى ھۆكۈمەت تەرىپىدىن تاقىۋېتىلگەن غەززە-مىسىر ئارىسىدىكى نۇرغۇن تونىللاردىن، يىمەكلىك، دورا، ھايۋانات، ماشىنا قاتارلىق غەززە خەلقىنىڭ زۆرۈر ئېھتىياجلىرى يەتكۈزۈلەتتى.