جۇڭگو خەۋەر مەركىزى تورى خەۋىرى لەگلەك تورى تەرجىمىسى .گوۋۇيۈەن زۇڭلىسى لى كېچىياڭ ئاسىيا ئەللىرى ئىتتىپاقىنىڭ نۆۋەتچى رەئىس دۆلىتى بېرما فېدېراتسىيە جۇمھۇرىيىتى زۇڭتۇڭىنىڭ تەكلىپىگە بىنائەن شۇ جاي ۋاقتى 2014-يىلى 11-ئاينىڭ 13-كۈنى كەچ مەخسۇس ئايروپىلان بىلەن نايبىدو خەلقئارا ئايرودرومىغا يېتىپ بېرىپ ،17 -قېتىملىق جۇڭگو شەرقىي جەنۇبىي ئاسىيا ئەللىرى ئىتتىپاقى رەھبەرلەر يىغىنى ،17-قېتىملىق شەرقىي جەنۇبىي ئاسىيا ئەللىرى ئىتتىپاقى ۋە جۇڭگو ياپونىيە كورىيە رەھبەرلەر يىغىنى ،9-نۆۋەتلىك شەرقىي ئاسىيا باشلىقلار يىغىنىغا قاتناشتى .ھەم بېرمىدا رەسمىي زىيارەتتە بولدى بېرما ھۆكۈمىتىنىڭ يۇقىرى دەرىجىلىك ئەمەلدارلىرى ،جۇڭگونىڭ بېرمىدا تۇرۇشلۇق باش ئەلچىسى ياڭ خۇلەن ،جۇڭگونىڭ شەرقىي جەنۇبىي ئاسىيا ئەللىرى ئىتتىپاقىدا تۇرۇشلۇق باش ئەلچىسى ياڭ شۇپىڭ قاتارلىقلار ئايرودرومغا چىقىپ كۈتۈۋالدى .
لى كېچىياڭ مۇنداق دېدى :‹ئېلىمىز شەرقىي جەنۇبىي ئاسىيا ئەللىرى ئىتتىپاقىنىڭ ئەڭ چوڭ قوشنىسى شۇنداقلا ئەڭ ئاكتىپ ھەمراھلىق ھەمراھى ،مەن شەرقىي ئاسىيا ھەمكارلىقى رەھبەرلەر يىغىنىغا قاتناشقان مەزگىلدە ،ھەر قايسى تەرەپلەر بىلەن جۇڭگو شەرقىي جەنۇبىي ئاسىيا ئەللىرى ئىتتىپاقى مۇناسىۋىتى ۋە شەرقىي ئاسىيا ھەمكارلىقىنى ئىلگىرى سۈرۈش توغرىسىدا پىكىر ئالماشتۇرۇپ ،جۇڭگو بىلەن شەرقىي جەنۇبىي ئاسىيا ئەللىرى ئىتتىپاقىنىڭ ئىستىراتېگىيىلىك ھەمراھلىق مۇناسىۋىتىنى يەنىمۇ چوڭقۇرلاشتۇرۇپ ،شەرقىي ئاسىيا ھەمكارلىقى تىنچلىقى مۇقىملىقى ۋە تەرەققىياتىنى ئىلگىرى سۈرۈشنى كۈتۈۋاتىمەن ،جۇڭگو بىلەن بېرما ئۆز ئارا ئىشىنىپ ئۆز ئارا ياردەم بېرىدىغان يېقىن قوشنىلار ،ھەمراھلىق مۇناسىۋىتى ئۇزاق تارىخقا ئىگە .مەن بېرما رەھبىرى بىلەن ئىككى تەرەپ مۇناسىۋىتى ھەم ئورتاق كۆڭۈل بۆلۈدىغان مەسىلىلەر توغرىسىدا چوڭقۇر پىكىر ئالماشتۇرۇپ بېرما بىلەن سىردىشىپ يېڭى دەۋىردە ھەر قايسى ساھەلەردىكى ئۆز ئارا مەنپەت يەتكۈزۇپ ھەمكارلىشىشنى بىرلىكتە پىلانلاپ ۋە ئىلگىرى سۈرۈپ جۇڭگو بېرما ئومۇميۈزلۈك ھەمكارلىق مۇناسىۋىتىنى يېڭى پەللىگە كۆتۈرۈشنى ئۈمىد قىلىمەن ›.
زىيارەت مەزگىلىدە لى كېىچىياڭ بېرما رەھبەرلىرى بىلەن يېڭى ۋەزىيەتتە جۇڭگو بېرما مۇناسىۋىتىنى ئىلگىرى سۈرۈش توغرىسىدا چوڭقۇر پىكىر ئالماشتۇرىدۇ ، ئىككى تەرەپ يەنە خەلق تۇرمۇشى ساھەسىدىكى ھەمكارلىق ھۆججەتلىرىنى ئىمزالايدۇ .لى كېچىياڭ مۇنداق دېدى :‹ شەرقىي ئاسىيا ئەللىرىنىڭ ئۆتكەن نەچچە ئون يىلدا تېز سۈرئەتتە تەرەققىي قىلىشىدىكى تۈپ سەۋەپ تىنىچ مۇقىم رايون مۇھىتى بولغانلىقىدا ، بۇ شەرقىي ئاسىيا دىكى ھە رقايسى ئەل خەلقلىرىنىڭ ئورتاق تىرىشچانلىقنىڭ نەتىجىسى ،ھەر قايسى تەرەپلەر سىياسىي بىخەتەرلىك ۋە ئىقتىسادىي تەرەققىياتتىن ئىبارەت ئىككى چاقنى تەڭ چۆرگىلىتىش چىڭ يۆنىلىشىنى پۇختا ئىگىلەپ رايون تىنچلىقى ۋە خاتىرجەملىكنى ئىلگىرى سۈرۈپ دۇنيادا خىرىسقا پائال تاقابىل تۇرۇپ ئىقتىساد جەمئىيەت قاتارلىق ساھەلەردىكى ھەمكارلىقنى چوڭقۇرلاشتۇرۇشى كېرەك .جۇڭگو ئىزچىل شەرقىي ئاسىيا رايوندىكى تىنچلىق ۋە مۇقىملىقنى قوغدايدىغان كۈچ .جۇڭگو تىنىچ تەرەققىيات يولىدا تەۋرەنمەي چىڭ تۇرىدۇ ،بۇ رايوندىكى دۆلەتلەر بىلەن بىرلىكتە ئاسىيادىكى مەنپەئەت ئورتاق گەۋدىسى مەسئۇلىيەت ئورتاق گەۋدىسى ،ۋە تەقدىر ئورتاق گەۋدىسى قۇرۇشنى خالايدۇ .جۇڭگو شەرقىي جەنۇبىي ئاسىيا ئەللىرى ئىتتىپاقىغا ئەزا دۆلەتلەر بىلەن بالدۇرراق ئىناق قوشنىدارچىلىق ،دوستلۇق ھەمكارلىق شەرتنامىسى تۈزۈشنى ،بۇ رايوندىكى تېخىمۇ كۆپ دۆلەتلەر بىلەن ئىناق قوشنىدارچىلىق دوستلۇق مۇناسىۋىتى ئورنىتىش ھەققىدىكى قانۇن ھۆججەتلىرىنى تۈزۈشنى شۇنداقلا رايون ئەمەلىيىتىگە ئۇيغۇن كېلىدىغان بىخەتەرلىك ئىدىيىسى ۋە قۇرۇلمىسىنى مۇزاكىرە قىلىشنى خالايدۇ ›.
لى كېچىياڭ جۇڭگونىڭ جەنۇبىي دېڭى مەسىلىدىكى پرىنسىپال مەيدانىنى شەرھلىدى ،ئۇ مۇنداق دېدى :‹ جەنۇبىي دېڭىز ۋەزىيىتى ئومۇمەن مۇقىم ،دېڭىزدا يۈرۈش بىخەتەرلىكى ۋە ئەركىنلىكى كاپالەتكە ئىگە ،جۇڭگو بىلەن شەرقىي جەنۇبىي ئاسىيا ئەللىرى ئىتتىپاقىدىكى دۆلەتلەر جەنۇبىي دېڭىزدىكى ھەر قايسى تەرەپلەرنىڭ خىتابنامىسىنى ئومۇميۈزلۈك ئەمەلىيلەشتۈرۈپ ،دېڭىزدىكى ئەمەلىي ھەمكارلىقنى ئىلگىرى سۈرۈپ ،زىچ ئۈنۈملۈك سۆزلىشىش ۋە ئالاقىنى باشلىدى . بىز جەنۇبىي دېڭىز مەسىلىسىنى بىر تەرەپ قىلىشتىكى قوش يول تەسەۋۇرىنى ئايدىڭلاشتۇرۇپ پائال كېڭىشىپ ،كېڭىشىش ئاساسىدا جەنۇبىي دېڭى زھەرىكەت ئۆلچىمىنى بالدۇرراق تۈزۈشكە قوشۇلدۇق ،ھەم دەسلەپكى نەتىجىگە ئېرىشتۇق .جۇڭگو ئالاقىدار دۆلەتلەرنىڭ ئورتاق ئېچىش ئۈستىدە پائال ئىزدىنىپ ئىختىلاپلىرىنى ئۈنۈملۈك ھەل قىلىپ كونترول قىلىشنى تەشەببۇس قىلىدۇ ›.
لى كېچىياڭ مۇنداق دېدى :‹شەرقىي ئاسىيانىڭ تەرەققىيات ھەمكارلىقىدا مۇھىمى ئىقتىسادنىڭ بىر گەۋدىلىشىىشنى تېزلىتىش كېرەك .بۇنىڭ ئۈچۈن تۆۋەندىكى نۇقتىلىق ساھەلەردىكى ھەمكارلىقنى ئىلگىرى سۈرۈش كېرەك ›.
لەگلەك تورى ئۈندىدار سالونىنى قۇشىۋېلىڭ ئىزدەش نومۇرى :LEGLEK