ياۋروپادا يېقىندىن بۇيان يۈز بەرگەن ئاياغ ئاستى قىلىش ۋەقەلىرىنىڭ ھەممىسىدە دېگۈدەك مۇساپىرلاردىن گۇمان قىلىنغاچقا، مۇساپىرلارغا قارشى كەيپىيات قوزغالغان. شياڭگاڭ «ئەدەبىي توپلام گېزىتى»نىڭ 21-يانۋاردىكى خەۋىرىگە قارىغاندا، دانىيە جەنۇبىدىكى شەھەر بۇددىي ھوللىيدىكى كېچىلىك دۇكانلار يېڭىدىن تىل بەلگىلىمىسى يولغا قويغان بولۇپ، دۇكانغا كىرگەن خېرىدارلارنىڭ ئىنگلىزچە، نېمىسچە ياكى دانىشچە بىلىشىنى تەلەپ قىلغان.

       خەۋەردە دېيىلىشىچە، بۇ كېچىلىك دۇكان گەرچە 1997-يىلى مۇشۇنىڭغا ئوخشايدىغان بەلگىلىمە چىقارغان. بىراق ھازىر سەزگۈر ۋاقىت بولغاچقا، ئۇنىڭ بۇ بەلگىلىمىسى يەنە بىر نۆۋەتلىك تالاش - تارتىش پەيدا قىلغان ھەمدە باشقىلارنى كەمسىتتى، دەپ ئەيىبلەنگەن. كېچىلىك دۇكاننىڭ خوجايىنى ئەھۋالنى چۈشەندۈرۈپ، بۇنداق بەلگىلىمە چىقىرىشىتىكى مەقسەتنىڭ خېرىدارلارنىڭ ئورتاق تىل قوللىنىشىغا كاپالەتلىك قىلىش، ئۇلارنى بىخەتەرلىك تۇيغۇسىغا كەلتۈرۈش ھەمدە كېچىلىك دۇكاندىكى خىزمەتچىلەر بىلەن پىكىر ئالماشتۇرۇشقا قولايلىق بولۇش ئۈچۈن يولغا قويۇلغانلىقىنى، بەلگىلىمىنىڭ مۇساپىرلارغا قارىتىلمىغانلىقىنى ئېيتقان.

        بىراق، خەلقئارا ئالاھىدە كەچۈرۈم تەشكىلاتىنىڭ دانىيەدىكى باياناتچىسى بۇ قىلمىشنى تەنقىدلەپ: «بۇ بەلگىلىمە شۈبھىسىزكى مۇساپىرلارغا قارىتىلغان» دېگەن. بەزى كېچىلىك دۇكان خېرىدارلىرى تىل بەلگىلىمىسى يول قويۇش ئىرقىي كەمسىتكەنلىك، تىل بىلمىگەن خېرىدارلارنى بايقۇت قىلىش تۇيغۇسىغا كەلتۈرۈپ قويىدۇ، دەپ قارىغان.