سىنا تورى خەۋىرى، لەگلەك تورى تەرجىمىسى: 

جۇڭشىن تورى 5-ئاينىڭ 4-كۈنى تېلىگىراممىسى: رۇسىيە سۈنئىي ھەمراھ تورى خەۋىرگە ئاساسلانغاندا، نېپال ساقچى تەرەپ مۇنداق دىگەن: 4-ئاينىڭ 25-كۈنى يۈز بەرگەن كۈچلۈك يەر تەۋرەشتىن كىيىن 7300 دىن ئارتۇق ئادەم قازا قىلغان.

نېپال ساقچى تەرەپنىڭ ماتېرىيالىغا ئاساسلانغاندا، ھازىرغىچە كەم دېگەندە 7356 ئادەم قازا قىلىپ 14366دىن ئارتۇق ئادەم يارىلانغان.

شۇنىڭ بىلەن بىر ۋاقىتتا نېپال بىر ھۆكۈمەت ئەمەلدارى مۇنۇلارنى بىلدۈردى: قاتتىق يەر تەۋرەشتە قازا قىلغانلارنىڭ سانى يەنىمۇ ئۆرلەيدۇ.

نېپال ھۆكۈمىتى 2-ماي مۇنۇلارنى بىلدۈرگەن: ھازىر يەر تەۋرەشتە ھايات قالغانلارنى بايقاش مۇمكىن ئەمەس؛ شۇنى دەپ تۇرۇشىغا 101 ياشلىق ياشانغان ئادەمنىڭ قۇتقۇزۋېلىنغان خەۋىرى كەلگەن.شۇ جاي ۋاقتى 2015-يىلى 5-ئاينىڭ 3-كۈنى،نېپالدا قوتقۇزۇۋېلىنغان بوۋاي شۇ جايدىكى دوختۇرخانىدا داۋالانماقتا.101 ياشلىق بوۋاي يەر تەۋرەپ بىر ھەپتىدىن كىيىن قۇتقۇزۇۋېلىنغان بۇلۇپ، ئۆرۈلۈپ كەتكەن ئۆينىڭ خىش-كېسەك پارچىلىرى ئارىسىدىن تېپىلغان.

بۇنىڭدىن باشقا يەر تەۋرەش پايتەخت كاتموندودىكى ئاھالە بىناسى ۋە قەدىمىي ئىبادەتخانلارنىڭ ئۆرۈلۈشىنى كەلتۈرۈپ چىقارغان.