ئەنگلىيىنىڭ ‹كۈندىلىك پوچتا گېزىتى› خەۋەر قىلىنىشىچە، ئامېرىكا تېننېسسى شتاتىدىكى بىر جۈپ ئەر-ئايال ئافرىقا سېررالېئون دارىلتامدىن بىر قېتىمدىلا سەككىز يېتىم-يېسىر بالىلارنى بېقىۋالغان بولۇپ، شۇ يەرلىكلەرنىڭ تارىختىكى بىر قېتىمدا يېتىم-يېسىرلارنى بېقىۋېلىش سانىدا رېكورت ياراتتى.
ھەيلى بىلەن مايكول ئەر-ئايال دەسلەپتە ئىككى-ئۈچ بالىنى بېقىۋېلىشنى ئويلىغان، لېكىن سېررالېئون دارىلتامىغا كەلگەندىن كېيىن، يەتتە ئوغۇل بىر قىز بالىنى بېقىۋېلىشنى قارار قىلغان، بۇ بالىلارنىڭ ھەممىسى بىر قورساق قېرىنداشلاردىن بولۇپ 16~4 ياشلار ئەتراپىدا ئىكەن.بۇ بىر جۈپ ئەر-ئايال ئائىلىنىڭ يېڭى ئەزالىرىنى كۈتۈۋېلىش ئۈچۈن gofundme تورىدىن توپلىغان 16000 ئامېرىكا دوللىرى (تەخمىنەن 100مىڭ يۈەن خەلق پۇلى) ئارقىلىق تۆت ھوجرىلىق ئۆيىنى كېڭەيتىپ ياسىغان. يەرلىكتىكى ئاق كۆڭۈل كىشىلەر يەنە ئۇلارغا كىيىم-كېچەك ۋە قوش قەۋەتلىك كارىۋات ئىئانە قىلغان.
بېقىۋېلىش رەسمىيىتى 2010-يىلى ئىمزالانغان بولۇپ ئەڭ دەسلەپكى رەسمىيەتلەردە كۆپ ۋاقىت سەرپ بولمىغان، لېكىن بۇ بالىلار سېررالېئوندا پاسپورت ۋە ۋىزا بېجىرىش زۆرۈر بولغاچقا ئۈچ يىل جەريانىدىن كېيىن 2013-يىلى 3-ئايدا ئاخىرى ئامېرىكىدىكى يېڭى ئۆيىگە كۆچۈپ كەلگەن. 31 ياشلىق جۇنىس خانىم ئۆزىنىڭ ئوقۇتقۇچىلىق خىزمىتىدىن ئىستىپا بېرىپ پۈتكۈل ۋاقتىنى بۇ چوڭ ئائىلىگە سەرپ قىلىۋېتىپتۇ.
ئۇنىڭ دېيىشىچە ‹ تۇرمۇشىمىزدا ئالەمشۇمۇلچە ئۆزگىرىش بولدى، گەرچە ھەر كۈنلۈك ئۆي ئىشلىرىدىن بىكا بولالمىساممۇ لېكىن مەن ئىنتايىن خوشال، ھازىرقى تۇرمۇشۇمدىن ئىنتايىن مىننەتدار›، ئەڭ چوڭ ئۆزگىرىش يېمەك-ئىچمەك جەھەتتە بولۇپ جۇنىس خانىم كۆپىنچە ۋاقىتلىرىنى ئاشخانا ئۆيدە ئۆتكۈزىدىكەن. پەقەت بىر قېتىملىق ناشتىلىققىلا 36 تۇخۇم، 900 گرام ئۈچەي تەييارلايدىكەن، ئىككى ھەپتىدىلا 22.65 كىلوگرام گۈرۈچ تۈگەيدىكەن.
دەسلەپتە بۇ بالىلار مەدەنىيەت پەرقىگە كۆنەلمىگەن بولسىمۇ لېكىن ئۆزلىرىنىڭ يېڭى ئۆيىگە كۆنۈپ قالغانىدى، جۇنىس ئەر-ئايال ئىككەيلەننىڭ دېيىشىچە بۇ بالىلارنىڭ كەلگۈسىدە ئامېرىكىدا قېلىشى ياكى ئافرىقىغا قايتىشى ئۆز ئىختىيارلىقىدا ئىكەن.
لەگلەك تور- تېخنىكا گۇرپپىسى : نەشىر ھوقۇقى لەگلەك تورىغا مەنسۇپ
ئېلان ھەمكارلىق تېلفۇنى : 18699111370 , 8555159-0991
Copyright ©2013-2015 by www.leglek.com all rights reserved