فرانسىيە ئاخبارات ئاگېنتلىقىنىڭ خەۋىرىگە قارىغاندا، ئوكرائىنانىڭ شەرقىي قىسمىدىكى خاركوۋ شەھىرىدە، شۇ يەر ۋاقتى 1-مارت روسىيەنى قوللاش يۈزسىدىن ئېتراز بىلدۈرۈش پائالىيىتى يۈز بەرگەن، پائالىيەت يۈز بېرىپ ئۇزاق ئۆتماي زوراۋانلىق توقۇنۇشىغا ئايلىنىپ كەتكەن، نامايىشچىلار يەرلىك ھۆكۈمەت بىناسىغا باستۇرۇپ كىرمەكچى بولغان، نەچچە ئون ئادەم توقۇنۇشتا يارىلانغان.
خەۋەرلەرگە قارىغاندا، تەخمىنەن 20 مىڭدەك نامايىشچى ئامما خاركوۋدا روسىيەنى قوللاش پائالىيىتى ئېلىپ بېرىپ، يېڭىدىن تەخىتكە چىققان ئوكرائىنا يېڭى ھۆكۈمىتىگە ئېتراز بىلدۈرگەن، ئارقىدىن، تەخمىنەن 300 ئادەم يەرلىك ھۆكۈمەت بىناسىغا ھۇجۇم قىلىپ، تاش ۋە گرانات ئاتقان. «بۈگۈنكى روسىيە» تېلېۋىزىيە ئىستانسىنىڭ يەنە بىر خەۋىرىگە قارىغاندا، نامايىشچىلار ھۆكۈمەت بىناسىغا باستۇرۇپ كىرگەن ھەمدە قوللىرىغا روسىيە دۆلەت بايرىقىنى كۆتۈرىۋالغان. باشقا خەۋەرلەرگە قارىغاندا، ھازىرغىچە ئوكرائىنادىكى مېلىتوپول، يېۋپاتورىيا ۋە مارىئۇپول قاتارلىق شەھەرلەردە بەزىلەر روسىيە دۆلەت بايرىقىنى لەپىلدىتىپ، روسىيەنى قوللايدىغانلىقىنى بىلدۈرگەن.