شىنخۇا تورى، ئىسرائىلىيە تېلاۋىف، 18-مارت تېلېگراممىسى: ئىسرائىلىيە زۇڭلىسى نىتانىياخۇ 18-مارت تېلاۋىفتا ئۆزى رەھبەرلىك قىلغان لىكۇد گۇرۇھىنىڭ 20-نۆۋەتلىك ئىسرائىلىيە سايلىمىدا غەلبە قىلىدىغانلىقىنى جاكارلىغان. ئىسرائىلىيە مەركىزىي سايلام كومىتېتى سايلام نەتىجىسىنى تېخى ئېلان قىلمىغان.
نىتانىياخۇ كۇرد گۇرۇھىنىڭ سايلام رىقابىتى باش ئىشتابىدا بايانات ئېلان قىلىپ مۇنداق دېگەن: ئەلرايىنى تەكشۈرۈشتە كۆرسىتىلىشىچە، لىكۇد گۇرۇھى ناھايىتى زور غەلبىنى قولغا كەلتۈرىدۇ، بۇ نەتىجىنىڭ قولغا كېلىشى ئاسانغا چۈشمىدى. ئۇ يەنە تېزلا ‹‹ مۇقىم بولغان ›› بىرلەشمە ھۆكۈمەت تەشكىل قىلىدىغانلىقى توغرىسىدا ۋەدە بەرگەن.
يەھۇدى قىساسچىلىرى ئىتتىپاقىنىڭ رەھبىرى خېرزوگمۇ شۇ كۈنى تېلاۋىفدىكى سايلام رىقابىتى باش ئىشتابىدا بۇ ئىتتىپاقنىڭ سايلامدا ‹‹ ئادەمنىڭ ئەقلى يەتمەيدىغان نەتىجە ›› نى قولغا كەلتۈرىدىغانلىقىنى جاكارلىغان . ئۇ سايلام نەتىجىسى رەسمىي ئېلان قىلىنغاندىن كېيىن بىرلەشمە ھۆكۈمەت قۇرۇشقا كۈچ چىقىرىدىغانلىقىنى بىلدۈرگەن.
ئىسرائىلىيە پارلامېنت سايلىمىغا بېلەت تاشلاش 17-مارت سەھەردە باشلىنىدىغان بولۇپ، جەمئىي 24 سىياسىي پارتىيە پارلامېنتتىكى 120 ئورۇننى تالىشىدىكەن. سايلامدىن بۇرۇنقى ئەلراينى تەكشۈرۈش نەتىجىسىدە كۆرسىتىلىشىچە، ئوتتۇرا ئوڭچىل لىكۇد گۇرۇھىنى قوللاش نىسبىتى ئوتتۇرا سولچىل يەھۇدىلار قىساسچىلىرى ئىتتىپاقىدىن تۆۋەن بولغان.
ئىسرائىلىيەدىكى ئۈچ تېلېۋىزىيە ئىستانسىسىنىڭ 17-مارت كەچ بېلەت تاشلاش ئاخىرلاشقاندىن كېيىن ئېلان قىلغان ئەلرايىنى تەكشۈرۈشىگە قارىغاندا، لىكۇد گۇرۇھى بىلەن يەھۇدى قىساسچىلىرى ئىتتىپاقىنىڭ پارلامېنتتا ئېرىشكەن ئورنى ئاساسەن دېگۈدەك ئوخشاشكەن. بۇنىڭ ئىچىدە ئىككى تېلېۋىزىيە ئىستانسىسى ئېلان قىلغان تەكشۈرۈشتە لىكۇد گۇرۇھى بىلەن يەھۇدى قىساسچىلىرى ئىتتىپاقىنىڭ ھەر ئىككىسى 27 ئورۇنغا ئېرىشكەن. يەنە بىر تېلېۋىزىيە ئىستانسىسى ئېلان قىلغان تەكشۈرۈشتە لىكۇد گۇرۇھى 28 ئورۇنغا، يەھۇدى قىساسچىلىرى ئىتتىپاقى 27 ئورۇنغا ئېرىشكەن .
بۇ قېتىمقى پارلامېنت سايلىمىدا ھېچقايسى سىياسىي پارتىيە كابېنت تەشكىللەشتە ئېھتىياجلىق بولغان 61 ئورۇنغا ئېرىشەلمىگەن، مەيلى لىكۇد گۇرۇھى ياكى يەھۇدى قىساسچىلىرى ئىتتىپاقى كابېنت تەشكىللەش ھوقۇقىغا ئېرىشسۇن، ھەممىسى باشقا سىياسىي پارتىيەلەر بىلەن بىرلەشمە ھۆكۈمەت تەشكىل قىلىشقا ئېھتىياجلىق ئىكەن.
ئالدىنقى نۆۋەتلىك سايلام تەجرىبىلىرىگە قارىغاندا، ئەلراينى تەكشۈرۈش ۋە ھۆكۈمەتنىڭ بېلەت ھېسابلاش نەتىجىسىدە پەرق ئانچە چوڭ ئەمەسكەن.
سايلام نەتىجىسى ئېلان قىلىنغاندىن كېيىنكى بىر ھەپتە ئىچىدە، ئىسرائىلىيە زۇڭتۇڭى رىۋلىن پارلامېنتتىكى ھەر قايسى پارتىيە-گۇرۇھلار بىلەن سايلام نەتىجىسىنى مەسلىھەتلىشىپ، پارلامېنتتىكى ئەڭ چوڭ پارتىيەنىڭ رەھبىرىگە 42 كۈن ئىچىدە يېڭى بىر نۆۋەتلىك ھۆكۈمەتنى تەشكىللەش ھوقۇقىنى بېرىدىكەن ھەمدە ئۇنى ھۆكۈمەتنىڭ زۇڭلىقىغا تەيىنلەيدىكەن. ئەگەر بۇ پارتىيەنىڭ كابېنت تەشكىللىشى ئوڭۇشلۇق بولمىسا، باش ئاساسلىق سىياسىي پارتىيەلەر داۋاملىق ئىچكى كابېنت تەشكىللەيدىكەن.