يېقىندىن بۇيان نۇرغۇن تورداشلار 12306 تورىنىڭ تەكشۈرۈش نومۇرىنىڭ غەلىتە ئىكەنلىكىنى سۆزلەشكەن. ۋاقتىدا تەكشۈرۈش نومۇرىنى كىرگۈزەلمىگەچكە، بېلەت ئالالماسلىق ئەھۋالى كۆرۈلىدىكەن. بۇ خىل ئەھۋالغا قارىتا، نۇرغۇن تور ئالدامچىلىرى، بۇ پۇرسەتنى قولدىن بەرمەي، پۇل تاپماقچى بولغان. 21-دېكابىر، چاڭشا شەھىرىدىكى ئىستىمالچىلار جەمئىيىتى شەھەر ئاھالىسى شىياۋ سۇدىن كەلگەن ئەرزنى تاپشۇرۋالغان، بۇياقنىڭ دېيىشىچە، توردىن بېلەت سېتىۋالماقچى بولغاندا، ئالدامچىلارغا ئۇچرىغان بولۇپ، بېلەت پۇلىنى بېرىپ بولغاندا، قارشى تەرەپنىڭ تېلېفون ئالمىغانلىقىنى ئېيتقان.17-دېكابىر، شىياۋسۇ 12306 تور بېكىتىدىن كېلەر يىلى 2-ئاينىڭ 14-كۈنىدىكى بېلەتنى سېتىۋالماقچى بولغان، لېكىن تەكشۈرۈش نومۇرىنى كىرگۈزۈشكە ئامالسىز قالغان. قارىسا بېلەت سېتىلىپ تۈگەي دەپ قالغان، ئۇ جىددىيلىشىپ، توردىن ئىزدىگەن، شۇنىڭ بىلەن باشقا بىرى توردىن بېلەت ئېلىپ بېرەلەيدىغانلىقىنى ئېيتقان. يەنى كىملىك نومۇرىنى ئەۋەتسىلا، پۇل تۆلەپ بېلەت ئېلىپ بېرىدىغانلىقىنى، لېكىن پۇلنى ئالدىن ئەۋەتىدىغانلىقىنى، ھەم بېلەتنىڭ ئادەتتىكى بېلەتلەرىن 100 يۈەن قىممەت ئىكەنلىكىنى ئېيتقان.

      18-دېكابىر، شىياۋسۇ قارشى تەرەپ ئەۋەتكەن ئۇچۇرنى تاپشۇرىۋالغان بولۇپ، ئۇ بېلەتنى ئالغانلىقىنى ئېيتقان. ھەم بېلەتنى سۈرەتكە تارتىپ ئەۋەتكەن. ھەم ئۇنىڭ بېلەت پۇلى 437 يۈەننى تۆلىۋېتىشىنى ئېيتقان. شىياۋسۇ پۇلنى تۆلەپ بىر نەچچە سائەتتىن كېيىنلا، ئۇلار شىياۋسۇنى قارا تىزىملىككە كىرگۈزۋەتكەن. ئۇ تېلېفون ئۇرسا، ئۇلار ئۇنىڭ شىياۋسۇ ئىكەنلىكىنى بىلىپلا تېلېفوننى قويىۋەتكەن. ئۇ دوستلىرىغا ھاۋالەت قىلىپ، بېلەتنىڭ راست يالغانلىقىنى تەكشۈرتكەن، نەتىجىدە بېلەت كومپىيوتۇردا ياسالغان بوپ چىققان.

ئىستېمالچىلار ئەرز شىكايەت مەركىزىدىكى مەسئۇل خادىم مۇنداق دەيدۇ:  ئىستېمالچىلار توردىن بېلەت سېتىۋالغاندا، چوقۇم كۆزىنى يوغان ئېچىپ، داڭلىق، ئىشەنچىلىك، ھەم ھوقۇق بېرىلگەن رەسمىي تور بېكەتلەردىن بېلەت سېتىۋېلىڭ، ھەرگىز، توردىن بېلەت ئەپ بېرىمەن دېگەندەك ئالدامچىلارغا ئىشەنمەسلىكنى ئەسكەرتىدۇ.