سۈبھى تور ژۇرنىلى 1-سان، كۆرۈشكە ئالدىراڭ!
ئەسسالامۇ ئەلەيكۇم،تورداشلار!شەرقى شىمال پىداگوكىكا ئۇنىۋېرسىتىتىدىكى ئوقۇغۇچىلارنىڭ تىرىشچانلىقى ،شۇنداقلا ئىلىمخۇمار قېرىنداشلىرىمىزنىڭ قوللاپ قۇۋۋەتلىشى ئارقىسىدا،ئاز بولمىغان تىرىشچانلىقلار بەدىلىگە سۈبھى تور ژۇرنىلىنىڭ 1-سانى رەڭلىك ۋە رەڭسىز ئىككى خىل نۇسخىدا سىلەر بىلەن يۈز كۆرۈشتى.ئالدى بىلەن بۇ سان ژۇرنالغا ئۆزىنىڭ ئىجادىي،يېڭىچە تېمىلىرىنى ئەۋەتىپ بىزنى قوللىغان قېرىنداشلىرىمىزغا چىن كۆڭلىمىزدىن رەھمەت ئېيتىمىز، شۇنداقلا بۇندىن كىيىن داۋاملىق ئۆزىنىڭ تېتىملىق تېمىلىرى بىلەن ژۇرنىلىمىزنى تەمىنلەپ تۇرىشىنى ئۈمىد قىلىمىز.
سەمىمىي ئەسكەرتىش:بىز ۋە ئاپتورلارنىڭ ئەمگىكىگە ھۆرمەت قىلىڭ، ژۇرنىلىمىزدىكى ئەسەرلەر ھەممىسى شەخسنىڭ ئىجادىي ئەسەرلىرى بولۇپ، خالىغانچە كۆچۈرۈپ باشقا تور بېكەتلەرگە چاپلاشقا،ئۆزگەرتىپ قالايمىقان پايدىلىنىشقا بىردەك يول قويۇلمايدۇ. ئەگەر بىزنى قوللاي دېسىڭىز، بۇ ژۇرنالنى تارقىتىڭ،ئەسەر ئەۋەتىڭ،تەكلىپ-پىكىر بېرىڭ،لايىھىلەش، تەھرىرلەش ئىشلىرىغا ياردەم قىلىڭ.
ئەسەر ئەۋەتكۈچىلەر مۇشۇ مۇنبەردىكى ›سۈبھى تور ژۇرنىلى‹ سەھىپىسىگە ، ياكى سۈبھى ئېلىكترونلۇق خەت ساندۇقى (svbhii@163.com) غا ئەۋەتىڭ.
ژۇرنالنىڭ چۈشۈرۈش مەنزىلى: رەڭلىك نۇسخىنى چۈشۈرۈش
سالام، بۇرادەر.
ژۇرنالنى تەپسىلىي كۆرۈپ چىقتىم. دەسلەپتە ھېس قىلغانلىرىم مۇنداق:
1. تاللانغان ئەسەرلەر ناھايتى ئەتراپلىق بوپتۇ. تۇنجى قەدەمدىلا بۇنچىلىك مۇۋەپپەقىيەتلىك قىلماق ئاسان ئەمەس.
2. سەھىپىلەرنىڭ ئورۇنلاشتۇرۇلىشىمۇ دىققىتىمنى تارتتى.
ئەمدى مېنىڭ ژۇرنال ھەققىدىكى تەۋسىيەيىم ۋە پىكىرىم تۆۋەندىكىچە:
1. بۇ خەيرلىك ئىش باشلانغان ئىكەن، ئۈزۈلۈپ قالمىسۇن. شۇڭا، دەسلەپكى لايىھە ۋە پىلان ئىنتايىن مۇھىم. ئالدى بىلەن ژۇرنالنىڭ بەت لايىھەسىنى تېخىمۇ ئېسىل ئىشلەڭلار. رەڭ ئەمەس يېزىقنىڭ كۆركەملىكى گەۋدىلەنسۇن.
2. بەت تىزىشتا ھەربىر چوڭ ئەسەر چوقۇم باش بەتتىن باشلانسۇن. خەت نومۇرىنى مۇۋاپىق كىچىكلىتىڭلار. مۇمكىن بولسا ھەر بىر ئەسەر باشلانغان جايغا رەسىم ۋە ئاپتور ھەققىدىكى قىسقا ئىزاھ قىستۇرۇڭلار.
3. ژۇرنالنىڭ كوررېكتورلۇق ھالقىسىدا ناھايتى ئېغىر مەسىلە ساقلىىنىپتۇ . بۇنىڭغا ئەھمىيەت بېرىڭلار. تورلاردا ئىشلەتكىلى بولىدىغان كوررېكتورلۇق سېستىمىلىرىدىن پايدىلانساڭلارمۇ، ئىملاسى ياخشى بۇرادەرلەر كۆرۈپ بەرسىمۇ بولىدۇ. يېزىقنىڭ توغرا بولۇشى ژۇرنالچىلىقتا بەك مۇھىم.
4. ژۇرنالنىڭ چوڭ-كىچىكلىكىنى ئۆلچەمگە ئەكىلىڭلار. ياكى 16 فورمات بولسۇن، ياكى 32 فورمات بولسۇن. بۇ ئوقۇرمەنلەرگە تېخىمۇ يېقىشلىق تۇيغۇ بېرىدۇ.
قالغان تەرەپلەردە تەشۋىقاتقا بەكرەك كۈچىسەڭلار. ئىشلىرىڭلار خەيرىلىك بولغۇسى.
ۋەئەلەيكۇم ئەسسالام ، ئالدى بىلەن قىممەتلىك ۋاقتىڭىزنى چىقىرىپ ژۇرنىلىمىزنى ئوقۇپ تەكلىپ پىكىر قالدۇرغىنىڭىزغا كۆپ تەشەككۈر،ناھايىتىمۇ ئورۇنلۇق تەكلىپ پىكىرلەرنى بېرىپىسىز ، كېيىنكى ساندا بىز چوقۇم مۇشۇ تەرەپلەرنى كۆزدە تۇتۇشقا ئالاھىدە ئەھمىيەت بېرىمىز، كۈچىمىزنىڭ يېتىشىچە تىرىشچانلىق كۆرسىتىمىز. سىزدەك ئاكىلىرىمىزنىڭ قوللاپ يېتەكلىشى ، تەكلىپ پىكىرلىرىلا بولىدىكەن ژۇرنىلىمىزنى ئوتتۇردا ئۈزۈلدۈرۈپ قويماسلىققا ئىشەنچىم كامىل .