ﺷﯧﺌﯩﺮﻧﻰ　ﺑﺎﻳﻘﺎش  

ﻓﺮاﻧﺴﯩﻴﯩﻠﯩﻚ　ﮬﻪﻳﻜﻪﻟﺘﯩﺮاش　رودﯦﻦ:　«ﮔﯜزەﻟﻠﯩﻚ　ﮬﻪﻣﻤﻪ　ﻳﻪردە　ﺑﺎر.　ﻛﯚزﯨﻤﯩﺰﮔﻪ　ﮔﯜزەﻟﻠﯩﻚ　ﻛﻪم　ﺋﻪﻣﻪس،　ﺑﻪﻟﻜﻰ　ﺑﺎﻳﻘﺎش　ﻛﻪم»　دﯦﮕﻪن.　ﺋﯘﻧﺪاﻗﺘﺎ،　رودﯦﻦ　ﺋﯧﻴﺘﻘﺎن　ﮔﯜزەﻟﻠﯩﻜﻨﻰ　ﺑﺎﻳﻘﯩﻴﺎلاﻳﺪﯨﻐﺎن　ﻛﯚز　ﻗﺎﻧﺪاق　ﺑﻮﻟﯩﺪۇ؟　ﻣﺎﻧﺎ　ﺑﯘ　ﺑﯩﺰ　ﺗﯚۋەﻧﺪە　ﺋﺎﻳﺪﯨﯖلاﺷﺘﯘرﯨﺪﯨﻐﺎن　ﺳﻮﺋﺎل.　ﺷﯧﺌﯩﺮﻧﻰ　ﺑﺎﻳﻘﺎش　ﺋﯜﭼﯜن　ﺗﯚۋەﻧﺪﯨﻜﯩﺪەك　ﺷﻪرت　-　ﺷﺎراﺋﯩﺘلار　ﮬﺎزﯨﺮﻟﯩﻨﯩﺸﻰ　ﻛﯧﺮەك.　

1.　ﻣﯘﮬﻪﺑﺒﻪﺗﻜﻪ　ﺗﻮﻟﯘپ　ﺗﺎﺷﻘﺎن　ﻗﻪﻟﺐ　ﺑﻮﻟﯘش

ﮬﯩﻨﺪى　ﺷﺎﺋﯩﺮى　ﺗﺎﮔﻮرﻧﯩﯔ:　«ﺋﻪي،　ﮔﯜزەﻟﻠﯩﻚ،　ﻣﯘﮬﻪﺑﺒﻪﺗﺘﯩﻦ　ﺋﯚزۈﯕﻨﻰ　ﺋﯩﺰدە»　دﯦﮕﻪن　ﺑﯩﺮ　ﺋﯧﻐﯩﺰ　ﮔﯧﭙﻰ　ﺷﯧﺌﯩﺮﻧﯩﯔ　ﭘﺎﻳﻘﯩﻠﯩﺸﻰ　ۋە　ﺋﯘﻧﯩﯔ　ﻣﯘﮬﻪﺑﺒﻪت　ﺑﯩﻠﻪن　ﺑﻮﻟﻐﺎن　ﺑﺎﻏﻠﯩﻨﯩﺸﯩﻨﻰ　ﻛﯚرﺳﯩﺘﯩﭗ　ﺑﯧﺮەﻟﻪﻳﺪۇ.　ﻣﯘﮬﻪﺑﺒﻪت　ﺋﯩﻨﺴﺎﻧلارﻧﯩﯔ　ﺋﻪڭ　ﺋﯩﭙﺘﯩﺪاﺋﯩﻲ،　ﺋﻪڭ　ﺗﯜﭘﻜﻰ،　ﺷﯘﻧﺪاﻗلا　ﺋﻪڭ　ﺋﻮﻣﯘﻣﯩﻲ　ﺑﯩﺮ　ﺧﯩﻞ　ﮬﯧﺴﺴﯩﻴﺎت　ﺋﯩﭙﺎدﯨﺴﯩﺪۇر.　

ﺷﺎﺋﯩﺮلارﻧﯩﯔ　ﺋﯚزﻟﯜك　ﺋﯧﯖﻰ　ﻛﯜﭼﻠﯜك　ﺑﻮﻟﯘپ،　ﺋﯘلار　ﺋﯚزﻟﯩﺮﯨﻨﻰ　ﻗﻪدﯨﺮﻟﻪﻳﺪۇ،　ﺋﺎﻳﺎﻳﺪۇ،　ﺳﯚﻳﯩﺪۇ　ۋە　ﺋﯚزﻟﯩﺮﯨﮕﻪ　ﺋﯩﺸﯩﻨﯩﺪۇ.　

ﺋﻪﻣﻤﺎ،　ﮬﻪﻗﯩﻘﯩﻲ　ﺷﺎﺋﯩﺮ　ﺋﯚزﯨﻨﯩلا　ﺳﯚﻳﯜپ،　ﺑﯩﺮ　ﺋﺎدەﻣﮕﯩلا　ﻣﯘﮬﻪﺑﺒﻪت　ﺑﻪرﺳﻪ　ﺑﻮﻟﻤﺎﻳﺪۇ.　ﺋﯘ　ﻣﯘﮬﻪﺑﺒﻪﺗﻠﯩﻚ　ﻗﻪﻟﺒﻰ　ﺑﯩﻠﻪن　ﺋﺎﻟﻪﻣﻨﻰ　ﻗﯘﭼﺎﻗﻠﯩﺸﻰ　ﻛﯧﺮەك.　روﺳﯩﻴﻪ　ﺷﺎﺋﯩﺮى　ﻧﯩﻜﺮاﺳﻮف　ﺑﯩﺮ　ﺷﯧﺌﯩﺮﯨﺪا:　

«ﻛﯩﻤﯩﻜﻰ　ﺗﯘرﺳﺎ　ﻗﺎراپ　ﺋﯩﯖﺮاپ　ﻳﺎﺗﺴﺎ　ﻗﯧﺮﯨﻨﺪﯨﺸﻰ،　

ﻛﯩﻤﯩﻜﻰ　ﻳﻮق　ﻗﻪﻟﺒﯩﺪە　ﻣﯘﮬﻪﺑﺒﻪﺗﻨﯩﯔ　ﺋﺎﺗەﺸﻰ،

ﻛﯩﻤﯩﻜﻰ　ﺋﺎﻟﺘﯘن　ﺋﯜﭼﯜن　ﺑﯩﺮاۋلارﻏﺎ　ﺳﺎﺗﺴﺎ　ﺋﯚزﯨﻦ،　

ﺋﻪﻳﻴﯘﮬﻪﻧﻨﺎس　ﺷﺎﺋﯩﺮ　ﺋﻪﻣﻪس،　ﺷﺎﺋﯩﺮ　ﺋﻪﻣﻪس　ﺑﯘ　ﻛﯩﺸﻰ!»　دەپ　ﻳﺎزﻏﺎن.

ﺋﯩﻨﺴﺎﻧﯩﻴﻪت　ﺋﯜﭼﯜﻧﻤﯘ،　ﺗﻪﺑﯩﺌﻪت　ﺋﯜﭼﯜﻧﻤﯘ　ﺷﯘﻧﺪاق،　ﭼﯩﻦ　ﺷﺎﺋﯩﺮلار　ﺗﻪﺑﯩﺌﻪﺗﻨﯩﯔ　ﺑﺎﻟﯩﻠﯩﺮى　ﺑﻮﻟﯘپ،　ﺋﯘلار　ﺗﻪﺑﯩﺌﻪﺗﻜﻪ　ﺷﯘﻗﻪدەر　ﺋﺎﻣﺮاق،　ﻓﺮاﻧﺴﯩﻴﯩﻠﯩﻚ　رەﺳﺴﺎم　ﺧﯘﺋﺎن　ﻣﯧﺮﻟﻮ:　«دەرەﺧﻨﻰ　ﻛﯚزﯨﺘﯩﯟاﺗﻘﺎن　ﭼﯧﻐﯩﻤﺪا،　ﺋﯘ　ﻣﻪن　ﺑﯩﻠﻪن　ﻣﯘﯕﺪﯨﺸﯩﯟاﺗﻘﺎﻧﺪەك،　ﺋﯘﻧﯩﯖﺪﯨﻤﯘ　ﻛﯚز　ﺑﺎردەك،　ﻛﯩﺸﯩﻠﻪر　ﺑﯩﻠﻪن　ﺳﯩﺮدﯨﺸﺎلاﻳﺪﯨﻐﺎﻧﺪەك　ﺑﯩﻠﯩﻨﯩﺪۇ.　دەرەﺧﺘﯩلا　ﺋﻪﻣﻪس،　ﮬﻪﺗﺘﺎﻛﻰ　ﺑﯩﺮ　ﺗﺎل　ﺗﺎﺷﺘﯩﻤﯘ　ﻣﯘﮬﻪﺑﺒﻪت　ﺑﻮﻟﯩﺪۇ»　دﯦﮕﻪﻧﯩﺪى.　ﻗﻪﻟﺒﯩﺪە　ﻣﯘﮬﻪﺑﺒﻪت　ﻳﺎﻟﻘﯘﻧﻰ　ﺋﯚﭼﻤﯩﮕﻪن　ﺋﺎدەم　ﺗﯘرﻣﯘش　ۋە　ﺗﻪﺑﯩﺌﻪت　دۇﻧﻴﺎﺳﯩﺪﯨﻦ　ﻳﯧﯖﻰ　-　ﻳﯧﯖﻰ　ﻧﻪرﺳﯩﻠﻪرﻧﻰ　داۋاﻣﻠﯩﻖ　ﺑﺎﻳﻘﺎپ　ﺗﯘرﯨﺪۇ.　

ﺗﺎﺳﺎدﯨﭙﻪن　ﺑﺎﻳﻘﯩﻠﯩﭗ　ﻗﺎﻟﻐﺎن　ﺑﯘ　ﺷﯧﺌﯩﺮلار　ﻧﻪق　ﺑﯘ　ﺋﺎدەﻣﻠﻪرﻧﯩﯔ　ﮬﺎﻳﺎﺗﻘﺎ　ﺑﻮﻟﻐﺎن　ﻗﯩﺰﻏﯩﻨﻠﯩﻘﯩﻨﯩﯔ　ﻣﯧﯟﯨﺴﻰ　ﺋﻪﻣﻪﺳﻤﯘ؟　دﯦﻤﻪك،　ﺷﯧﺌﯩﺮﻧﯩﯔ　ﺑﺎﻳﻘﯩﻠﯩﺸﻰ　ﺗﯧﮕﻰ　-　ﺗﻪﻛﺘﯩﺪﯨﻦ　ﺋﯧﻴﺘﻘﺎﻧﺪا،　ﺷﺎﺋﯩﺮﻧﯩﯔ　ﻣﯘﮬﻪﺑﺒﻪﺗﻠﯩﻚ　ﻗﻪﻟﺒﯩﺪﯨﻦ　ﭼﯩﻘﯩﺪۇ.　ﺑﯩﺮ　ﻗﯩﺰ　ﺟﯘداﻟﯩﻖ　دەردﯨﺪﯨﻦ　ﺋﯚرﺗﯩﻨﯩﭗ　ﻗﻮﺷﺎق　ﻗﺎﺗﺴﺎ　ﻗﺎﺗﯩﺪۇﻛﻰ،　ﺑﯩﺮ　ﺑﯧﺨﯩﻞ　ﮬﻪرﮔﯩﺰﻣﯘ　ﻳﻮﻗﺎﺗﻘﺎن　ﻣﺎل　- دۇﻧﻴﺎﻟﯩﺮى　ﺋﯜﭼﯜن　ﻧﺎﺧﺸﺎ　ﺋﯧﻴﺘﻤﺎﻳﺪۇ.　ﺳﻪۋەﺑﻰ،　ﻗﯩﺰدا　ﺳﺎپ　ۋە　ﺳﺎداﻗﻪﺗﻤﻪن　ﻛﯚﯕﯜل　ﺑﺎر،　ﺑﯧﺨﯩﻠﻨﯩﯔ　ﻛﯚﯕﻠﻰ　ﺑﻮﻟﺴﺎ　ﺋﺎﻟﻠﯩﺒﯘرۇن　ﻗﯧﺘﯩﭗ　ﻣﯘزﻏﺎ　ﺋﺎﻳﻠﯩﻨﯩﭗ　ﻛﻪﺗﻜﻪن،　ﺷﯘﯕﺎ　ﺷﺎﺋﯩﺮلار　ﻛﯚﯕﻠﯩﻨﻰ　ﺑﯘلاق　ﺳﯜﻳﯩﺪەك　ﭘﺎك،　ﺑﺎﮬﺎردﯨﻜﻰ　ﺋﺎﭘﺘﺎﭘﺘﻪك　ﺋﯩﻠﻠﯩﻖ،　دﯦﯖﯩﺰدەك　ﺗﯧﺮەن　ﺗﯘﺗﯘﺷﻰ　ﻛﯧﺮەك.　دۇﻧﻴﺎﻏﺎ　ﺗﻮﻟﯘپ　ﺗﺎﺷﻘﺎن　ﻣﯘﮬﻪﺑﺒﻪت　ﺑﯩﻠﻪن　ﻗﺎرﯨﻐﺎﻧﺪا　ﺋﻪﻗﯩﻞ　ﻛﯚزﯨﻤﯘ　ﭘﻪﻳﺪا　ﺑﻮﻟﯩﺪۇ - دە،　ﮔﯜزەﻟﻠﯩﻜﻨﻰ　ﺑﺎﻳﻘﺎش　ﺗﻪﺳﻜﻪ　ﭼﯜﺷﻤﻪﻳﺪۇ.　

2.　ﺑﺎﻟﯩلارﭼﻪ　ﭘﺎك　ﻗﻪﻟﺐ　ﺑﻮﻟﯘش

ﺳﻮۋﯦﺖ　ﺋﯩﺘﺘﯩﭙﺎﻗﻰ　ﻳﺎزﻏﯘﭼﯩﺴﻰ　ﭘﺎﺋﯘﺳﺘﻮۋﯨﺴﻜﯩﻲ　ﻣﯘﻧﺪاق　دﯦﮕﻪن:　«ﺗﯘرﻣﯘش　ۋە　ﺋﻪﺗﺮاﭘﯩﻤﯩﺰدﯨﻜﻰ　ﺟﯩﻤﻰ　ﺷﻪﻳﺌﯩﻠﻪرﮔﻪ　ﺑﻮﻟﻐﺎن　ﺷﯧﺌﯩﺮﯨﻲ　ﺗﯘﻳﻐﯘﻟﯩﺮﯨﻤﯩﺰ　ﺑﺎﻟﯩﻠﯩﻖ　ﺑﯩﺰﮔﻪ　ﺋﺎﺗﺎ　ﻗﯩﻠﻐﺎن　ﺋﻪڭ　ﺑﯜﻳﯜك　ﺳﻮۋﻏﺎ　ﺋﯩﻜﻪن.　ﺋﻪﮔﻪر　ﻛﯩﻤﺪە　ﻛﯩﻢ　ﺋﯘزاق　ﮬﻪم　ﻣﯘﺷﻪﻗﻘﻪﺗﻠﯩﻚ　ﻳﯩﻠلار　ﻗﻮﻳﻨﯩﺪا　ﺋﺎﺷﯘ　ﺳﻮۋﻏﯩﻨﻰ　ﻳﯩﺘﺘﯜرۈﭘلا　ﻗﻮﻳﻤﯩﺴﺎ،　ﺋﯘ　ﻛﯩﺸﻰ　ﻳﺎ　ﻳﺎزﻏﯘﭼﻰ　ﺑﻮﻟﯘپ　ﭼﯩﻘﯩﺪﯨﻜﻪن،　ﻳﺎ　ﺷﺎﺋﯩﺮ.　ﺗﯧﮕﻰ　-　ﺗﻪﻛﺘﯩﺪﯨﻦ　ﻗﺎرﯨﻐﺎﻧﺪا،　ﺋﯘ　ﺋﯩﻜﻜﯩﺴﯩﻨﯩﯔ　ﺋﺎرﯨﺴﯩﺪا　ﭼﻮڭ　ﭘﻪرق　ﻳﻮق.»

ﺑﯘﻧﯩﯖﺪا　ﺋﯘﺳﺘﻮۋﯨﺴﻜﯩﻲ　ﺷﯧﺌﯩﺮﻧﻰ　ﺑﺎﻳﻘﺎش　ﺋﯜﭼﯜن　ﻳﻪﻧﻪ　ﺑﯩﺮ　ﺷﻪرت　−　ﺑﺎﻟﯩلارﭼﻪ　ﺳﺎپ　ﻗﻪﻟﺐ　ﺑﻮﻟﯘﺷﻨﻰ　ﺋﻮﺗﺘﯘرﯨﻐﺎ　ﻗﻮﻳﻐﺎن.　ﻣﯘﺷﯘﻧﯩﯖﻐﺎ　ﺋﻮﺧﺸﺎش　ﻛﯚزﻗﺎراﺷلار　ﻧﯘرﻏﯘن　ﻳﺎزﻏﯘﭼﻰ　ۋە　ﻧﻪزەرﯨﻴﻪﺷﯘﻧﺎﺳلاردﯨﻤﯘ　ﺑﻮﻟﻐﺎن.　ﻓﺮاﻧﺴﯩﻴﻪ　ﻳﺎزﻏﯘﭼﯩﺴﻰ　داﺋﻮدﯦﺖ:　«ﺷﺎﺋﯩﺮ　ﺋﺎدەﻣﻠﻪرﮔﻪ　ﺑﺎﻟﯩلارﭼﻪ　ﻛﯚز　ﺑﯩﻠﻪﻧﻤﯘ　ﻗﺎرﯨﻴﺎلاﻳﺪﯨﻐﺎن　ﺋﺎدەم»　دﯦﮕﻪن.　

ﺑﺎﻟﯩلارﭼﻪ　ﻗﻪﻟﺒﻨﯩﯔ　ﺋﯘﻟﯘﻏﻠﯘﻗﻰ　ﺋﯘﻧﯩﯔ　راﺳﺘﭽﯩﻞ،　ﺑﯩﻐﯘﺑﺎر　ﺑﻮﻟﻐﺎﻧﻠﯩﻘﯩﺪا.　ﺑﺎﻟﯩلار　ﮬﯩﻴﻠﻪ - ﻣﯩﻜﯩﺮ،　ﻳﺎﻟﻐﺎﻧﭽﯩﻠﯩﻘﺘﯩﻦ　ﺧﺎﻟﯩﻲ،　ﺋﯘلار　ﺷﻪﻳﺌﯩﻠﻪرﻧﻰ　رﯦﺌﺎل　ﻧﯘﻗﺘﯩﺪﯨﻦ　ﺋﻪﻣﻪس،　ﺧﯩﻴﺎﻟﯩﻲ　ﻧﯘﻗﺘﯩﺪﯨﻦ　ﻛﯚزﯨﺘﯩﺸﻜﻪ　ﺋﺎﻣﺮاق.　ﺷﯘﯕلاﺷﻘﺎ،　ﭼﻮﯕلار　ﺑﺎﻳﻘﯩﻤﯩﻐﺎن　ﺷﻪﻳﺌﯩﻠﻪردﯨﻦ　ﮔﯜزەﻟﻠﯩﻜﻨﻰ　ﺑﺎﻳﻘﯩﯟاﻟﯩﺪۇ.　ﻣﻪﺳﯩﻠﻪن،　ﺳﯘ　ﺗﺎﻣﭽﯩﭗ　ﺗﯘرﻏﺎن　ﺟﯜﻣﻪﻛﻜﻪ　رﯦﺌﺎل　ﻧﯘﻗﺘﯩﺪﯨﻦ　ﻗﺎرﯨﻐﺎن　ﺋﺎدەم:　«ﻛﯩﻤﯘ　ﺑﯘ　ﺟﯜﻣﻪﻛﻨﻰ　ﭼﯩﯔ　ﺋﻪﺗﻤﯩﮕﻪن،　ﮬﯘ　ﺑﯩﻐﻪرەز!»　ﻳﺎﻛﻰ　«ﺟﯜﻣﻪك　ﺑﯘزۇﻟﯘپ　ﻗﺎﭘﺘﯘ.　رﯦﻤﻮﻧﺖ　ﻗﯩﻠﺪۇرﯨﺪﯨﻐﺎن　ﺋﯩﺶ　ﭼﯩﻘﺘﻰ-دە»　دەﻳﺪۇ.　ﺑﯘ　ﺋﻪﻟﯟەﺗﺘﻪ　ﺷﯧﺌﯩﺮ　ﺋﻪﻣﻪس،　ﮬﻪﺗﺘﺎ　ﺋﯘﻧﻰ:　

«ﻳﻮﻟﺪاﺷلار،　ﻳﻮﻟﺪاﺷلار،

ﮔﻪﭘﻜﻪ　ﻗﯘلاق　ﺳﯧﻠﯩﯖلار،　

ﺳﯘﻧﻰ　ﺋﯧﻠﯩﭗ　ﭼﯧﻠﻪﻛﻜﻪ،　

ﺟﯜﻣﻪﻛﻨﻰ　ﭼﯩﯔ　ﺋﯧﺘﯩﯖلار»　دەپ　ﻗﻮﺷﺎﻗﻘﺎ　ﻗﺎﺗﺴﯩﻤﯘ　ﺑﻪرﯨﺒﯩﺮ　ﺷﯧﺌﯩﺮ　ﺋﻪﻣﻪس.　ﮬﺎﻟﺒﯘﻛﻰ،　ﺗﻮﻗﻘﯘز　ﻳﺎﺷﻠﯩﻖ　ﺑﯩﺮ　ﻗﯩﺰ　ﺗﻮﺧﺘﯩﻤﺎي　ﺗﺎﻣﭽﯩﯟاﺗﻘﺎن　ﺟﯜﻣﻪﻛﻨﻰ　ﻛﯚرۈپ:　«ﻧﯧﻤﯩﺸﻘﺎ　ﻳﯩﻐلاۋﯦﺮﯨﺴﻪن؟　ﺳﯧﻨﻰ　ﻛﯩﻢ　ﺑﻮزەك　ﻗﯩﻠﺪى؟»　دﯦﺴﻪ　ﮔﻪرﭼﻪ　ﺋﯘﻧﯩﯖﺪا　رﯨﺘﯩﻢ،　ﻗﺎﭘﯩﻴﻪ　ﺑﻮﻟﻤﯩﺴﯩﻤﯘ،　ﺋﯘﻧﯩﯖﺪا　ﺷﯧﺌﯩﺮﯨﻲ　ﺋﯧﻠﯧﻤﯧﻨﺖ　ﺑﺎر،　ﻣﺎﻧﺎ　ﺑﯘ　ﮬﻪﻗﯩﻘﻲ　ﺷﯧﺌﯩﺮ،　ﭼﯜﻧﻜﻰ　ﺑﯘ　ﻗﯩﺰ　ﺋﯩﺴﺘﯧﻤﺎل　ﺑﻮﻳﯘﻧﺘﯘرۇﻗﯩﺪﯨﻦ　ﭘﯜﺗﯜﻧﻠﻪي　ﺧﺎﻟﯩﻲ　ﺑﻮﻟﻐﺎﭼﻘﺎ،　ﺑﯘ　ﺟﯜﻣﻪﻛﻜﻪ　ﮔﯜزەﻟﻠﯩﻚ　ﻛﯚزﯨﺪە　ﻗﺎرﯨﻴﺎﻟﯩﻐﺎن.　دەل　ﻣﯘﺷﯘﻧﺪاق　ﺑﻮﻟﻐﺎﻧﺪا،　ﺋﺎﻧﺪﯨﻦ　ﭼﻮﯕلار　ﺑﺎﻳﻘﯩﻤﯩﻐﺎن　ﻧﻪرﺳﯩﻠﻪرﻧﻰ　ﺑﺎﻳﻘﯩﻐﯩﻠﻰ　ﺑﻮﻟﯩﺪۇ.　ﺑﯘ　ﺋﯩﻜﻜﻰ　ﺋﯧﻐﯩﺰ　ﺳﯚز　ﻳﻪﻧﻪ　ﺋﯘ　ﻗﯩﺰﻧﯩﯔ　ﺋﺎق　ﻛﯚﯕﯜﻟﻠﯜﻛﯩﻨﯩﻤﯘ　ﻧﺎﻣﺎﻳﺎن　ﻗﯩﻠﻐﺎن　ﺑﻮﻟﯘپ،　ﺋﯘ　ﺟﺎﻧﺴﯩﺰ　ﺑﯩﺮ　ﺷﻪﻳﺌﯩﮕﻪ　ﺋﺎدﯨﻤﯩﻲ　ﮬﯧﺴﺴﯩﻴﺎت　ﺑﯩﻠﻪن　ﻣﯘﺋﺎﻣﯩﻠﻪ　ﻗﯩﻠﻐﺎن.　

ﺋﻪﻣﻪﻟﯩﻴﻪﺗﺘﻪ،　ﻧﯘرﻏﯘن　ﺑﯜﻳﯜك　ﺳﻪﻧﺌﻪﺗﻜﺎرلارﻧﯩﯔ　ﮬﻪﻣﻤﯩﺴﻰ　«ﻗﯧﺮى　ﺑﺎلا»لاردۇر.　ﺋﯘلار　ﺑﺎﻟﯩلار　ﺑﯩﻠﻪن　ﺑﯩﺮ　ﻗﺎﺗﺎرﻏﺎ　ﺗﯩﺰﯨﻨﯩﭗ　ﺗﯘرۇﺷﻨﻰ　ﻧﻮﻣﯘس　ﺋﻪﻣﻪس،　ﺑﻪﻟﻜﻰ　ﺷﻪرەپ　دەپ　ﺑﯩﻠﮕﻪن.　ﺋﯚزﻟﯩﺮﯨﻨﯩﯔ　ﻛﻪﻳﭙﯩﻴﺎت　ۋە　ﺋﻮي　-　ﭘﯩﻜﯩﺮﻟﯩﺮﯨﻨﻰ　ﺋﺎﻣﺎﻟﻨﯩﯔ　ﺑﺎرﯨﭽﻪ　ﺑﺎﻟﯩلارﻏﺎ　ﺑﺎﻏﻠﯩﻐﺎن.　

3.　ﺗﯘرﻣﯘﺷﻨﻰ　ﺋﯩﻨﭽﯩﻜﻪ　ﻛﯚزﯨﺘﯩﺸﻜﻪ　ﻣﺎﮬﯩﺮ　ﺑﻮﻟﯘش

分享到：