ﺷﯧﺌﯩﺮدﯨﻦ ﮬﯘزۇرﻟﯩﻨﯩﺶ

ﺷﯧﺌﯩﺮﻳﻪت دۇﻧﻴﺎﺳﻰﮬﻪﻗﯩﻘﻪت، ﻣﯘﮬﻪﺑﺒﻪت ۋە ﭘﺎﺳﺎﮬﻪت دۇﻧﻴﺎﺳﯩﺪۇر. ﺷﯧﺌﯩﺮ ﻣﯘﮬﻪﺑﺒﻪت ﺗﺎرﯨﺪﯨﻦ ﭼﯧﻜﯩﻠﮕﻪن ﮬﺎﻳﺎﺗﻠﯩﻖ ﻧﺎۋاﺳﯩﺪۇر. ﻛﯩﺸﯩﻠﻪر ﺷﯧﺌﯩﺮ ﻛﯚﻛﯩﺪە ﭘﻪرۋاز ﻗﯩﻠﻐﺎن ﭼﯧﻐﯩﺪا ﮔﺎھ ﻣﯘﯕﻠﯩﻨﯩﭗ، ﮔﺎھ ﮬﯘزۇرﻟﯩﻨﯩﺪۇ؛ ﮔﺎھ ﭘﻪرﯨﺸﺎن ﺑﻮﻟﯘپ، ﮔﺎھ ﭼﯚﭼﯜﻳﺪۇ... ﺗﯩﻠﺴﯩﻤﺎت ﺋﺎﻟﯩﻤﯩﺪە ﻏﺎﻳﻪت زور ﺑﻪدﯨﺌﯩﻲ ﺳﯧﮭﺮﯨﻲ ﻗﯘدرەﺗﻜﻪ ﺋﻪﺳﯩﺮ ﺑﻮﻟﯩﺪۇ. ﻗﻪﻟﺒﻰ ۋە ﺟﯩﺴﻤﻰ ﻧﺎزۇك ﺑﯩﺮ ﺧﯩﻞ ﺳﯧﺰﯨﻤلار ﺋﯩﻠﻜﯩﺪە ﻟﻪرزﯨﮕﻪ ﻛﯧﻠﯩﺪۇ.

ﺷﯧﺌﯩﺮدﯨﻦﮬﯘزۇرﻟﯩﻨﯩﺶ ﺋﺎﺳﺎﺳﻪن ﻣﯘﻧﺪاق ﺋﯜچ ﺑﺎﺳﻘﯘﭼﻘﺎ ﺑﯚﻟﯜﻧﯩﺪۇ: ﺷﯧﺌﯩﺮﯨﻲ ﺗﯩﻠﻨﯩﯔ ﻏﯩﺪﯨﻘﻠﯩﺸﻰ ← ﺋﯩﻤﺎﮔﻨﯩﯔ ﺟﯩﻠﯟﯨﻠﯩﻨﯩﺸﻰ ← ﻣﻪﻧﻪ ﻗﺎﺗﻠﯩﻤﯩﻐﺎ ﺷﯘﯕﻐﯘش. ﺑﯘﻧﯩﯔ ﺋﯩﭽﯩﺪە ﺷﯧﺌﯩﺮﯨﻲ ﺗﯩﻞ ﻣﯩﺴﺎﻟﻰ دەرﻳﺎ ﺑﻮﻟﺴﺎ، ﺋﯩﻤﺎگ ﻗﻮﻟﯟاق، ﻣﻪﻧﻪ ﻗﺎرﺷﻰ ﻗﯩﺮﻏﺎﻗﺘﯘر.

1. ﺷﯧﺌﯩﺮﯨﻲ ﺗﯩﻠﻨﯩﯔ ﻏﯩﺪﯨﻘﻠﯩﺸﻰ

ﺷﺎﺋﯩﺮ ﺷﯧﺌﯩﺮﻳﺎزﻏﺎﻧﺪا ﺋﯩﺪﯨﻴﻪ ۋە ﮬﯧﺴﺴﯩﻴﺎﺗﯩﻨﻰ ﺋﯩﭙﺎدﯨﻠﻪش ﺋﯜﭼﯜن ﺗﯩﻞ - ﻳﯧﺰﯨﻘﻘﺎ ﻣﻮﮬﺘﺎج ﺑﻮﻟﯩﺪۇ؛ ﺋﻮﻗﯘرﻣﻪن ﺷﯧﺌﯩﺮﻧﻰ ﺋﻮﻗﯘش ﺋﯜﭼﯜن ﺋﺎۋۋال ﺗﯩﻞ - ﻳﯧﺰﯨﻖ ﺑﯩﻠﻪن دوﻗﯘرۇﺷﯩﺪۇ. ﺷﯘﯕﺎ، ﺷﯧﺌﯩﺮدﯨﻦ ﮬﯘزۇرﻟﯩﻨﯩﺶ ﺋﯜﭼﯜن ﺋﺎﻟﺪى ﺑﯩﻠﻪن ﺗﯩﻞ - ﻳﯧﺰﯨﻘﻨﯩﯔ ﻣﻪﻧﯩﺴﯩﻨﻰﺋﺎﻳﺪﯨﯖلاﺷﺘﯘرۇۋﯦﻠﯩﺶ ﻛﯧﺮەك.

ﺑﯩﺮاق، ﺷﯧﺌﯩﺮدﯨﻦﮬﯘزۇرﻟﯩﻨﯩﺶ ﺋﯜﭼﯜن ﻳﺎﻟﻐﯘز ﻳﯧﺰﯨﻖ ﺋﯚﺗﻜﯩﻠﯩﺪﯨﻦ ﺋﯚﺗﯜﺷلا ﻛﯘﭘﺎﻳﻪ ﻗﯩﻠﻤﺎﻳﺪۇ. ﺑﯘﻧﯩﯔ ﺋﯜﭼﯜن ﭼﻮﻗﯘم ﺷﯧﺌﯩﺮﯨﻲ ﺗﯩﻠﻐﺎ ﺋﺎلاﮬﯩﺪە ﺳﻪزﮔﯜر ﺑﻮﻟﯘﺷﻘﺎ، ﺷﯧﺌﯩﺮﻧﯩﯔ ﺑﺎش - ﺋﺎﺧﯩﺮﯨﻨﻰﺑﯩﺮﻟﻪﺷﺘﯜرۈپ ﻣﻪﻟﯘم ﺑﯩﺮ ﺳﯚزﻧﯩﯔ ﺋﺎلاﮬﯩﺪە ﻣﯘﮬﯩﺘﺘﯩﻜﻰ ﻣﻪﻧﯩﺴﯩﻨﻰ ﺑﺎﻳﻘﺎﺷﻘﺎ ﻣﺎﮬﯩﺮ ﺑﻮﻟﯘش ﻛﯧﺮەك. ﻣﻪﺳﯩﻠﻪن، ﺷﯧﺌﯩﺮلارﻧﻰ ﺋﻮﻗﯘﻏﯩﻨﯩﻤﯩﺰدا «ﻏﺎزان»، «ﻳﯧﺸﯩﻞ» دﯦﮕﻪﻧﺪەك ﺳﯚزﻟﻪرﻧﻰﺋﯘﭼﺮﯨﺘﯩﻤﯩﺰ. ﺋﺎدەﺗﺘﻪ ﺑﯘﻧﺪاق ﺋﺎﺗﺎﻟﻐﯘلار ﻳﺎﻟﻐﯘز ﺗﯘرﻏﺎﻧﺪا ﻟﯘﻏﻪت ﻣﻪﻧﯩﺴﯩﻨﻰﺑﯩﻠﺪۈرﺳﯩﻤﯘ، ﺋﻪﻣﻤﺎ ﺷﯧﺌﯩﺮﯨﻲ ﻣﯩﺴﺮالاردا ﻛﻪﻟﮕﻪﻧﺪە «ﻏﺎزان» «زﯦﺮﯨﻜﯩﺸﻠﯩﻚ ﺗﯘﻳﻐﯘ»، «ﺋﯜﻣﯩﺪﺳﯩﺰﻟﯩﻚ»، «ﺋﻪﻧﺪﯨﺸﻪ» ﻗﺎﺗﺎرﻟﯩﻖ ﻣﻪﻧﯩﻠﻪردە، «ﻳﯧﺸﯩﻞ» ﺑﻮﻟﺴﺎ «ﺋﯜﻣﯩﺪ»، «ﺧﯘﺷﺎﻟﻠﯩﻖ»، «ﺟﯘﺷﻘﯘﻧﻠﯘق» ﻗﺎﺗﺎرﻟﯩﻖ ﻣﻪﻧﯩﻠﻪردە ﻛﯧﻠﯩﭗ، ﺑﯩﺰﮔﻪ ﺑﺎﺷﻘﯩﭽﻪ ﺷﯧﺌﯩﺮﯨﻲ ﺗﯘﻳﻐﯘ ﺋﺎﺗﺎ ﻗﯩﻠﯩﺸﻰ ﻣﯘﻣﻜﯩﻦ. ﺷﯘﯕﺎ، ﺷﯧﺌﯩﺮﯨﻲ ﺗﯩﻠﻨﯩﯔ ﺗﯘﻳﻐﯘﻧﻰ ﻏﯩﺪﯨﻘﻠﯩﺸﯩﺪﯨﻜﻰ ﺑﯘ ﺧﯩﻞ روﻟﯩﻐﺎ ﺋﺎلاﮬﯩﺪە ﺋﻪﮬﻤﯩﻴﻪت ﺑﯧﺮﯨﺶﻛﯧﺮەك.

ﻛﯚﭘﯩﻨﭽﻪﺷﺎﺋﯩﺮلارﻧﯩﯔ ﺷﯧﺌﯩﺮﻟﯩﺮﯨﺪﯨﻜﻰ ﺧﺎس ﺳﯩﻤﯟوﻟﻠﯘق ﺋﯩﻤﺎﮔلارﻧﻰ ﻗﺎﻳﺘﺎ - ﻗﺎﻳﺘﺎ ﻗﯧﺘﯩﺮﻗﯩﻨﯩﭗﻗﺎزﻏﺎﻧﺪﯨلا، ﺋﯘﻧﯩﯔ ﺋﯩﭽﻜﻰ ﻣﻮل ﻣﻪﻧﻪ ﻗﺎﺗﻠﯩﻤﯩﻐﺎ ﻳﯧﺘﯩﭗ ﺑﺎرﻏﯩﻠﻰ ﺑﻮﻟﯩﺪۇ.

2. ﺋﯩﻤﺎﮔﻨﯩﯔ ﺟﯩﻠﯟﯨﻠﯩﻨﯩﺸﻰ

ﺷﯧﺌﯩﺮدا ﺗﯩﻞ - ﻳﯧﺰﯨﻖ ﺋﯘﭼﯘرﻟﯩﺮﯨﻐﺎ ﺋﯩﮕﻪ ﺑﻮﻟﯘش ﺑﯩﻠﻪﻧلا ﺷﯧﺌﯩﺮﯨﻴﻪت ﭘﺎدﯨﺸﺎﮬﻠﯩﻘﯩﻨﯩﯔ ﻗﻮۋۇﻗﯩﺪﯨﻦ ﻛﯩﺮﮔﯩﻠﻰﺑﻮﻟﻤﺎﻳﺪۇ. ﺑﯩﺰ ﭘﻪﻗﻪت ﺋﯘﭼﯘرلارﻧﻰ ﻳﯩﭗ ﺋﯘﭼﻰ ﻗﯩﻠﯩﭗ ﺗﯘرۇپ ﺋﯘﻧﯩﯖﻐﺎ ﺑﺎﻏﻠﯩﻨﯩﺸﻠﯩﻖﺋﯩﻤﺎﮔلارﻧﻰ ﺟﯩﻠﯟﯨﻠﻪﻧﺪۈرﮔﻪﻧﺪە ﺋﺎﻧﺪﯨﻦ ﭘﺎﺳﺎﮬﻪت ﮔﯜﻟﺸﯩﻨﻰ ﺋﺎﻟﺪﯨﻤﯩﺰدا ﻧﺎﻣﺎﻳﺎن ﺑﻮﻟﯩﺪۇ. ﻣﯘﻧﺪاﻗﭽﻪ ﺋﯧﻴﺘﻘﺎﻧﺪا، ﺷﯧﺌﯩﺮ ﺋﻮﻗﯘﻏﺎﻧﺪا ﺧﻪﺗﻠﻪرﻧﻰ ﺋﻮﻗﯘش ﺑﯩﻠﻪن ﺑﯩﻠﻠﻪ، ﺷﯘ ﺧﻪﺗﻠﻪردە ﺋﻪﻛﺲ ﺋﻪﺗﻜﻪن ﻛﯚرۈﻧﯜﺷﻨﯩﻤﯘ ﺗﻪڭ ﺗﻪﺳﻪۋۋۇر ﻗﯩﻠﯩﺶ ﻛﯧﺮەك.

ﺋﯩﻤﺎگ ﮔﻪرﭼﻪ ﺗﯩﻞ زﯦﻤﯩﻨﯩﺪا ﺋﯜﻧﺴﯩﻤﯘ، ﺋﻪﻣﻤﺎ ﺗﯩﻠﻨﯩﯔ ﭼﻪﻛﻠﯩﻤﯩﺴﯩﺪﯨﻦ ﮬﺎﻟﻘﯩﭗ ﭼﯧﭽﻪك ﺋﺎﭼﯩﺪۇ. ﺑﯘ، ﺋﻮﻗﯘرﻣﻪﻧﻨﯩﯔ ﺧﯩﻴﺎﻟﯩﺪﯨﻜﻰ ﻗﺎﻳﺘﯩﻠﯩﻤﺎ ﺋﯩﺠﺎدﯨﻴﻪﺗﻜﻪ ﻣﯘﻣﻜﯩﻨﭽﯩﻠﯩﻚ ﻳﺎرﯨﺘﯩﭗ ﺑﯧﺮﯨﺪۇ. ﻳﻪﻧﻰﺋﻮﻗﯘرﻣﻪﻧﻨﯩﯔ ﺧﯩﻴﺎل ﺋﯧﻜﺮاﻧﯩﺪا ﮔﺮاﻣﻤﺎﺗﯩﻜﯩﻠﯩﻖ ﻗﺎﺋﯩﺪە - ﻗﺎﻧﯘﻧﯩﻴﻪﺗﻠﻪر ﺑﻮﻳﯩﭽﻪﺗﯩﺰﯨﻠﻐﺎن، ﺑﻪﻟﮕﯩﻠﯩﻚ ﺗﺎۋۇش ۋە ﻣﻪﻧﯩﻠﻪرﮔﻪ ﺋﯩﮕﻪ ﺳﯚز - ﺋﯩﺒﺎرﯨﻠﻪر ﻧﺎﻣﺎﻳﺎن ﺑﻮﻟﻤﺎﺳﺘﯩﻦ، ﮬﯧﺴﺴﯩﻲ رەﯕﺪارﻟﯩﻘﻘﺎ ﺗﻮﻳﯘﻧﻐﺎن ﺑﯩﺮ ﻗﺎﺗﺎر ﺋﯩﻤﺎﮔلار ﺟﯩﻠﯟﯨﻠﯩﻨﯩﺪۇ. ﺋﻮﻗﯘرﻣﻪﻧﻨﯩﯔﺗﻪﺳﻪۋۋۇر ﻛﻪﭘﺘﯩﺮى ﺗﯩﻞ ﻗﻪﭘﯩﺴﯩﺪﯨﻦ ﻗﯘﺗﯘﻟﻐﺎن ﺑﻮﻟﻐﺎﭼﻘﺎ، ﺋﯘلار ﺷﯧﺌﯩﺮ ﻛﯚﻛﯩﺪە ﺋﻪرﻛﯩﻦﻗﺎﻧﺎت ﻗﺎﻗﯩﺪۇ. ﺷﺎﺋﯩﺮﻧﯩﯔ ﻣﯩﺴﺮالارﻏﺎ ﺗﻪرﮔﻪن ﺋﯘرۇﻗﻰ ﻛﯚﻛﻠﻪپ، ﺑﺎراﻗﺴﺎﻧلاپ رەﯕﮕﺎرەڭ ﭘﻮرەﻛﻠﻪرﻧﻰ ﺋﺎﭼﯩﺪۇ. ﻣﻪﺳﯩﻠﻪن:

«ﺗﺎﻏﻤﯘ ﺗﺎﻏلاردﯨﻦ ﺋﯧﮕﯩﺰدۇر،

ﺋﺎﻳﻐﯩﺮ ﺑﯘلاﻗﻨﯩﯔﺗﺎﻏﻠﯩﺮى.

ﺋﯜﺳﺘﯩﮕﻪ ﻗﺎرلار ﻳﯧﻐﯩﭙﺘﯘر،

ﺋﺎﺳﺘﯩﺪا ﮔﯜل ﺑﺎﻏﻠﯩﺮى» دﯦﮕﻪن ﻗﻮﺷﺎق ﻗﺎرﯨﻤﺎﻗﻘﺎ ﺗﻮﻟﯩﻤﯘ ﺋﺎددﯨﻲ ﻛﯚرۈﻧﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﻣﻪﻧﻪﻗﺎﺗﻠﯩﻤﯩﻐﺎ ﺋﯩﭽﻜﯩﺮﯨﻠﻪپ ﻛﯩﺮﯨﺪﯨﻐﺎن ﺑﻮﻟﺴﺎق، ﺋﺎﺷﯘ ﺋﺎددﯨﻲ ﺳﯚز - ﺋﯩﺒﺎرﯨﻠﻪر ﺋﯩﭽﯩﮕﻪ ﻏﺎﻳﻪت زور ﻣﻪزﻣﯘﻧﻨﯩﯔ ﭼﯩﯖﺪﯨﻠﯩﭗ ﻛﻪﺗﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﯩﻤﯩﺰ. «ﺋﯜﺳﺘﯩﮕﻪ ﻗﺎرلار ﻳﯧﻐﯩﭙﺘﯘ، ﺋﺎﺳﺘﯩﺪا ﮔﯜل ﺑﺎﻏﻠﯩﺮى» دﯦﮕﻪن ﻣﯩﺴﺮالار ﻗﺎرﯨﻤﺎﻗﻘﺎ ﺋﺎدەﺗﺘﯩﻜﻰ ﺑﯩﺮ ﻣﻪﻧﺰﯨﺮە ﺗﻪﺳﯟﯨﺮﯨﺪەك ﺑﯩﻠﯩﻨﮕﯩﻨﻰ ﺑﯩﻠﻪن، ﺋﯘﻧﯩﯖﻐﺎ ﺗﺎلاي - ﺗﺎلاي ﺋﺎرزۇ - ﺋﯜﻣﯩﺪﻟﻪر، ﺳﯚزﻟﻪﭘﻤﯘ ﺗﯜﮔﻪﺗﻜﯩﻠﻰﺑﻮﻟﻤﺎﻳﺪﯨﻐﺎن دەرت - ﺋﻪﻟﻪم ۋە ﻣﯘﮬﻪﺑﺒﻪت - ﻧﻪﭘﺮەﺗﻠﻪر ﺟﻪﻣﻠﻪﻧﮕﻪن.

3. ﻣﻪﻧﻪ ﻗﺎﺗﻠﯩﻤﯩﻐﺎ ﺷﯘﯕﻐﯘش

ﺷﯧﺌﯩﺮدﯨﻦ زوق ﺋﯧﻠﯩﺸﺘﺎ ﺷﯧﺌﯩﺮﯨﻲ ﺗﯩﻠﻨﯩﯔ ﻏﯩﺪﯨﻘﻠﯩﺸﻰ ﭘﻪﻗﻪﺗلا ﺑﯩﺮ ﺑﺎﺷﻠﯩﻨﯩﺶ، ﺋﯩﻤﺎﮔﻨﯩﯔ ﺋﺎﺷﻜﺎرﯨﻠﯩﻨﯩﺸﻰﺑﻮﻟﺴﺎ ﺋﻮﺗﺘﯘرا ﺑﺎﺳﻘﯘچ ﮬﯧﺴﺎﺑﻠﯩﻨﯩﺪۇ. ﺋﯩﻤﺎﮔﻨﻰ ﻗﺎﻳﺘﺎ ﭼﯜﺷﯩﻨﯩﺶ، ﺋﻮﻳﻠﯩﻨﯩﺸﺘﯩﻦﺋﯚﺗﻜﯜزﮔﻪﻧﺪﯨﻦ ﻛﯧﻴﯩﻦ، ﺷﯧﺌﯩﺮﻧﯩﯔ ﺋﯩﭽﻜﻰ ﻣﻪﻧﻪ ﻗﺎﺗﻠﯩﻤﻰ ﭼﺎﻗﻨﺎپ ﺋﯘﻧﯩﯔ ﺑﺎﻏﺮﯨﺪﯨﻜﻰ ﺋﯩﭽﻜﻰﮬﺎﻳﺎﺗﯩﻲ ﻛﯜچ ﺑﯩﺰﻧﻰ ﭼﻪﻛﺴﯩﺰ ﮬﯘزۇرلاﻧﺪۇرﯨﺪۇ. ﻣﺎﻧﺎ ﺑﯘ ﮬﻪﻗﯩﻘﯩﻲ ﮬﯘزۇرﻟﯩﻨﯩﺶ ﮬﯧﺴﺎﺑﻠﯩﻨﯩﺪۇ.

ﺷﯧﺌﯩﺮﻧﯩﯔ ﺋﯩﭽﻜﻰﻗﺎﺗﻠﯩﻤﯩﺪﯨﻜﻰ ﻣﻪﻧﯩﻠﻪر ﺧﻪزﯨﻨﯩﺴﯩﻨﯩﯔ ﻣﻪرﻛﯩﺰﯨﺪە ﺷﯧﺌﯩﺮﻧﯩﯔ ﺳﯩﻤﯟول ﻣﻪﻧﯩﻠﯩﺮى ﻳﺎﺗﯩﺪۇ. ﺳﯩﻤﯟول ﻣﻪﻧﯩﻠﯩﺮى ﻣﻪﻧﻪ ﻛﯚﻟﯩﻤﯩﮕﻪ ﺋﺎﺳﺎﺳﻪن ﺋﻮﭘﭽﻪ ﺳﯩﻤﯟول ۋە ﺗﺎق ﺳﯩﻤﯟول دەپ ﺋﯩﻜﻜﻰﺳﯩﻤﯟوﻟﻠﯘق ﻣﻪﻧﻪ ﺑﯚﻟﯩﻜﯩﮕﻪ ﺋﺎﻳﺮﯨﻠﯩﺪۇ.

ﺋﻮﭘﭽﻪ ﺳﯩﻤﯟول ﺑﯚﻟﯩﻜﻰ ﻗﯧﻠﯩﭙﻠﯩﺸﯩﭗ ﻗﺎﻟﻐﺎن، ﺟﻪﻣﺌﯩﻴﻪت ﺋﯩﺰﭼﯩﻞ ﺋﯧﺘﯩﺮاپ ﻗﯩﻠﯩﭗ ﻗﻮﻟﻠﯩﻨﯩﭗ ﻛﯧﻠﯩﯟاﺗﻘﺎن ﺳﯩﻤﯟوﻟلارﻧﯩﯔ ﻣﻪزﻣﯘﻧﯩﻨﻰ ﻛﯚرﺳﯩﺘﯩﺪۇ. ﻣﻪﺳﯩﻠﻪن، ﺑﺎﮬﺎر ﻣﺎﻳﺴﯩﻠﯩﺮى ﮬﺎﻳﺎﺗﻠﯩﻘﻨﯩﯔ، ﻗﯩﺰﯨﻠﮕﯜل ﻣﯘﮬﻪﺑﺒﻪﺗﻨﯩﯔ ﺳﯩﻤﯟوﻟﻰ ﺑﻮﻟﻐﯩﻨﯩﺪەك. ﺋﻮﭘﭽﻪ ﺳﯩﻤﯟول ﺑﻪﻟﮕﯩﻠﯩﻚ ﻣﯩﻠﻠﻪت، ﺗﯘﭘﺮاق ۋە ﻣﻪدەﻧﯩﻴﻪت ﺋﻪﻧﺌﻪﻧﯩﺴﻰ ﺋﺎﺳﺎﺳﯩﺪا ﺷﻪﻛﯩﻠﻠﯩﻨﯩﺪۇ. ﺋﯘﻧﯩﯔ ﺋﺎﺳﺎﺳﯩﻲ ﻣﻪﻧﯩﺴﯩﻨﻰ ﮬﻪﻣﻤﻪ ﺋﺎدەم ﺑﯩﻠﯩﭗ ﺑﻮﻟﻐﺎن ﺑﻮﻟﯩﺪۇ. ﺷﯧﺌﯩﺮدا ﺋﻮﭘﭽﻪ ﺳﯩﻤﯟول ﻛﯚپ ﻗﻮﻟﻠﯩﻨﯩﻠﺴﯩﻤﯘ، ﺑﯩﺮاق ﺑﻪزﯨﺪە ﺋﯘﻧﯩﯔ ﻟﯘﻏﻪت ﻣﻪﻧﯩﺴﻰ ﺑﯩﻠﻪﻧلا ﭼﻪﻛﻠﯩﻨﯩﭗ ﻗﺎﻟﯩﺪﯨﻐﺎن ﺋﻪﮬﯟاﻟلارﻣﯘ ﺑﻮﻟﯩﺪۇ.

ﺗﺎق ﺳﯩﻤﯟول ﺑﯚﻟﯩﻜﻰ ﺑﻮﻟﺴﺎ ﺷﺎﺋﯩﺮﻧﯩﯔ ﺋﯩﭙﺎدﯨﻠﻪﻳﺪﯨﻐﺎن ﺋﯩﺪﯨﻴﯩﯟى ﻣﻪزﻣﯘﻧﯩﻨﯩﯔ ﺋﯧﮭﺘﯩﻴﺎﺟﯩﻐﺎ ﺋﺎﺳﺎﺳﻪن ﺋﯚزى ﺋﯩﺠﺎد ﻗﯩﻠﻐﺎن ﺳﯩﻤﯟول ﻣﻪﻧﯩﺴﯩﻨﻰ ﻛﯚرﺳﯩﺘﯩﺪۇ. ﻣﻪﺳﯩﻠﻪن، داﻧﺘﯩﻨﯩﯔ «ﺋﯩلاﮬﯩﻴﻪت ﻛﻮﻣﯧﺪﯨﻴﯩﺴﻰ» دە، «دوزاخ» زۇﻟﻤﻪﺗﻠﯩﻚ ﺟﻪﻣﺌﯩﻴﻪﺗﻜﻪ، «ﺟﻪﻧﻨﻪت» ﻏﺎﻳﯩﯟى ﻣﻪﻧﺰﯨﻠﮕﻪ، «ﭘﯩﻠﺴﯩﺮات» ﺋﯩﻨﺴﺎﻧﯩﻴﻪﺗﻨﯩﯔ زۇﻟﻤﻪﺗﺘﯩﻦ ﺟﻪﻧﻨﻪﺗﻜﻪ ﺑﯧﺮﯨﺶ ﺋﯜﭼﯜن ﻣﯘﻗﻪررەر ﺑﺎﺳﯩﺪﯨﻐﺎن ﻣﯘﺳﺎﭘﯩﺴﯩﮕﻪﺳﯩﻤﯟول ﻗﯩﻠﯩﻨﻐﺎن. ﺗﺎق ﺳﯩﻤﯟول ﺋﻮﭘﭽﻪ ﺳﯩﻤﯟوﻟﻐﺎ ﻗﺎرﯨﻐﺎﻧﺪا ﺷﺎﺋﯩﺮﻧﯩﯔ ﺋﯚزﯨﮕﻪ ﺧﺎس ﺋﯧﺴﺘﯧﺘﯩﻚ ﭘﺴﯩﺨﯩﻜﺎ ﻗﯘرۇﻟﻤﯩﺴﯩﻨﯩﯔ ﺋﯘ ﺷﺎﺋﯩﺮﻧﯩﯔ ﻟﯩﺮﯨﻚ ﻛﻪﻳﭙﯩﻴﺎﺗﻰ ﺑﯩﻠﻪن ﺋﻮﺑﻴﯧﻜﺘﯩﭗﺷﻪﻳﺌﯩﻠﻪرﻧﯩﯔ ﺋﯚزﺋﺎرا ﺋﯘﭼﺮﯨﺸﯩﺸﯩﻨﯩﯔ ﻣﻪﮬﺴﯘﻟﯩﺪۇر. ﺷﯘﯕﺎ، ﺋﯘ ﺗﺎﺳﺎدﯨﭙﯩﻴﻠﯩﻖ ۋە ﺋﯚزﮔﯩﺮﯨﺸﭽﺎﻧﻠﯩﻘﻘﺎ ﺋﯩﮕﻪ. ﺷﺎﺋﯩﺮلار ﺋﻮﺧﺸﺎش ﺑﯩﺮ ﺳﯩﻤﯟول ﺋﻮﺑﻴﯧﻜﺘﻘﺎ ﺋﻮﺧﺸﯩﻤﯩﻐﺎن ﻣﻪﻧﯩﻠﻪرﻧﻰ ﻳﯜﻛﻠﻪپ ﻗﺎﻟﻤﺎﺳﺘﯩﻦ، ﺑﯩﺮ ﺷﺎﺋﯩﺮﻣﯘ ﺋﻮﺧﺸﯩﻤﯩﻐﺎن ﺋﻪﮬﯟاﻟلاردا ﺋﯘﻧﯩﯖﻐﺎﺋﻮﺧﺸﯩﻤﯩﻐﺎن ﻣﻪﻧﯩﻠﻪرﻧﻰ ﻳﯜﻛﻠﯩﺸﻰ ﻣﯘﻣﻜﯩﻦ. ﮬﻪرﺑﯩﺮ ﺷﺎﺋﯩﺮﻧﯩﯔ ﺋﯚزﯨﮕﻪ ﺧﺎس ﻣﻪﺧﭙﯩﻲ ﺳﯩﻤﯟول ﺳﯩﺴﺘﯧﻤﯩﺴﻰ ﺑﻮﻟﻐﺎﭼﻘﺎ، ﺋﯘ ﺋﯩﺸﻠﻪﺗﻜﻪن ﺳﯩﻤﯟوﻟﻠﯘق ﻣﻪﻧﯩﻠﻪر ﺧﻪزﯨﻨﯩﺴﻰ ﮬﻪﻣﯩﺸﻪ ﭘﯩﻨﮭﺎن، ۋاﺳﯩﺘﯩﻠﯩﻚ، ﺗﯘراﻗﺴﯩﺰ ﺑﻮﻟﯩﺪۇ. ﺷﺎﺋﯩﺮﻧﯩﯔ ﻛﻪﭼﯜرﻣﯩﺸﻰ، ﺋﯩﺪﯨﻴﯩﯟى ﮬﯧﺴﺴﯩﻴﺎﺗﻰ، ﺋﯩﺠﺎدﯨﻴﻪت ﺋﺎدﯨﺘﯩﺪﯨﻦ ﺑﯩﺨﻪۋەر ﺑﻮﻟﻐﺎﻧﺪا، ﺋﯘﻧﯩﯔ ﺷﯧﺌﯩﺮﯨﺪﯨﻦ زوق ﺋﯧﻠﯩﺶ ﺗﻪﺳﻜﻪ ﺗﻮﺧﺘﺎﻳﺪۇ.

ﺑﯩﺮ ﺷﯧﺌﯩﺮﻧﯩﯔﺳﯩﻤﯟوﻟﻠﯘق ﻣﻪﻧﯩﻠﻪر ﺧﻪزﯨﻨﯩﺴﻰ ﺑﻪﻟﮕﯩﻠﯩﻚ ﺑﯩﺮ ﺋﯩﻤﺎﮔﻘﺎ ﺗﯘراﻗﻠﯩﺸﯩﭗ ﻛﻪﺗﻜﻪن ﺑﻮﻟﻐﺎﭼﻘﺎ، ﺋﯘﻧﻰ ﺋﯩﺰدەپ ﺗﯧﭙﯩﺶ ﺋﯜﭼﯜن ﺋﺎۋۋال ﭼﻮﻗﯘم ﺷﯘ ﺷﯧﺌﯩﺮدﯨﻜﻰ ﮬﺎﻟﻘﯩﻠﯩﻖ ﺋﯩﻤﺎﮔﻨﻰ ﺗﯘﺗﯘۋﯦﻠﯩﺶﻛﯧﺮەك.

ﺑﯩﺮ ﭘﺎرﭼﻪﺷﯧﺌﯩﺮدﯨﻜﻰ ﺋﯩﻤﺎﮔﻨﯩﯔ ﺗﺎﺷﻘﻰ ﻣﻪﻧﯩﺴﯩﻨﻰ ﭼﯜﺷﯩﻨﯩﺶ ﻧﺎﮬﺎﻳﯩﺘﻰ ﺋﺎﺳﺎن، ﺋﻪﻣﻤﺎ ﺋﯘﻧﯩﯔ ﺗﺎﺷﻘﻰﻣﻪﻧﯩﺴﻰ ﺑﯩﻠﻪن ﺋﯩﭽﻜﻰ ﻣﻪﻧﯩﻠﻪر ﻗﺎﺗﻠﯩﻤﯩﻨﯩﯔ ﻣﯘﻧﺎﺳﯩﯟﯨﺘﯩﻨﻰ ﺋﺎﻳﺪﯨﯖلاﺷﺘﯘرۇۋﯦﻠﯩﺶ ﺋﯘﻧﭽﻪﺋﺎﺳﺎن ﺋﻪﻣﻪس. ﺑﯘ ﺋﯩﻜﻜﯩﺴﻰ ﮬﻪم ﺑﺎﻏﻠﯩﻨﯩﺸﻠﯩﻖ، ﮬﻪم ﺋﺎﻳﺮﯨﻤﯩﻠﯩﻘﻘﺎ ﺋﯩﮕﻪ ﺑﻮﻟﯘپ ﺋﯩﻨﺘﺎﻳﯩﻦﻣﯘرەﻛﻜﻪﭘﺘﯘر. ﺑﯘﻧﯩﯔ ﺋﯜﭼﯜن «ﺋﻪﺳﻪرﻧﯩﯔ ﺑﺎش - ﺋﺎﺧﯩﺮى» ﻧﻰ ﭼﯩﯔ ﺗﯘﺗﯘش ﻛﯧﺮەك. ﭼﯜﻧﻜﻰ، ﺷﯧﺌﯩﺮدﯨﻜﻰ ﮬﻪرﻗﺎﻧﺪاق ﺋﯘﭼﯘر ﭘﻪﻗﻪت «ﺋﻪﺳﻪرﻧﯩﯔ ﺑﺎش - ﺋﺎﺧﯩﺮى» ﻧﯩﯔ زﯨﭻ ﺑﺎﻏﻠﯩﻨﯩﺸﻰﺋﺎرﻗﯩﺴﯩﺪا ﺋﺎﻧﺪﯨﻦ ﻗﺎﻳﯩﻞ ﻗﯩلارﻟﯩﻖ ﻳﯧﺸﯩﻤﮕﻪ ﺋﯩﮕﻪ ﺑﻮﻟﯩﺪۇ.

ﺑﯘﻧﯩﯖﺪﯨﻦ ﺳﯩﺮت، ﺷﯧﺌﯩﺮدﯨﻦ زوق ﺋﯧﻠﯩﺶ ﺋﯜﭼﯜن ﻳﻪﻧﻪ ﺷﯧﺌﯩﺮدﯨﻜﻰ ﺗﯩﻞ ﻣﺎﮬﺎرﯨﺘﻰ، ﺋﯩﭙﺎدﯨﻠﻪش ﺋﯘﺳﯘﻟﻠﯩﺮﯨﻨﻰ ﭼﻮﻗﯘم ﻗﯧﺘﯩﺮﻗﯩﻨﯩﭗﺋﯚﮔﯩﻨﯩﺶ ﻛﯧﺮەك. ﺷﯧﺌﯩﺮدا ﻗﻮﻟﻠﯩﻨﯩﻠﻐﺎن ﻣﺎﻛﺎن، زاﻣﺎن، ﮬﻪرﯨﻜﻪت، ﻗﯘرۇﻟﻤﺎ، ﻣﯩﺴﺮالارﻏﺎﺋﺎﻳﺮﯨﺶ ﻣﺎﮬﺎرەﺗﻠﯩﺮﯨﻨﻰ ﺗﻪﻛﺸﯜرۈش ﺑﯩﻠﻪن ﺑﯩﻠﻠﻪ، ﺷﯧﺌﯩﺮدا ﻛﯚزﮔﻪ ﺗﺎﺷﻠﯩﻨﯩﺪﯨﻐﺎن ﭼﯩﻨﻠﯩﻖﺑﯩﻠﻪن ﺳﺎﺧﺘﯩﻠﯩﻖ، ﺷﻪﻛﯩﻞ ﺑﯩﻠﻪن ﻣﻪﻧﻪ، ﮬﻪرﯨﻜﻪت ﺑﯩﻠﻪن ﺗﯩﻨﭽﻠﯩﻖ،  ﺋﺎﺷﻜﺎرﯨﻠﯩﻖ ﺑﯩﻠﻪن ﭘﯩﻨﮭﺎﻧﻠﯩﻖ ﻗﺎﺗﺎرﻟﯩﻖ دﯨﺌﺎﻟﯧﻜﺘﯩﻜﯩﻠﯩﻖ ﻣﯘﻧﺎﺳﯩﯟەﺗﻠﻪرﻧﻰ ﺗﻪﮬﻠﯩﻞ ﻗﯩﻠﯩﺶ ﻛﯧﺮەك .

(تولۇق ئوتتۇرا مەكتەپ«تىل – ئەدەبىيات» تاللىما دەرسلىكى 2 – قىسىمدىن)

مەنبە : يازغۇچىلار تورى