بۇ نېمە گەپكىن دەپ قالدىڭلارغۇ دەيمەن. ئۆتكەن يىل 1-ئاينىڭ 23-كۈنى 10 مىلياردىنجى ئەپ App Store دىن چۈشۈرۈلگەن ئىكەن. قىسقىغىنا بىر يىل ئىچىدە بۇ سان تېز سۈرئەتتە ئارتىپ، ھازىر 25 مىليارد قېتىمغا يېتىشقا ئاز قاپتۇ.
ئالما شىركىتى بۇ ئىشقا مەخسۇس پائالىيەت تەشكىللەپتۇ. چۈشۈرۈلۈش سانىغۇچىنىمۇ تور بېتىدە جامائەتچىلىككە ئاشكارىلاپتۇ. چۈنكى بۇ سان، ئەلۋەتتە كىچىك سان ئەمەس. بۇ بەلكى ئالمىنىڭ نەچچە يىللاردىن بۇيانقى چوڭ غەلبە مىۋىلىرىنىڭ بىرىدۇر. ئالما شىركىتىنىڭ ئېيتىشىچە 25 مىلياردىنجى قېتىم ئەپ چۈشۈرگەن ئاشۇ تەلەيلىك ئابونتقا، ئالما شىركىتى 10 مىڭ دوللارلىق App Store قىممەت تولۇقلاش كارتىسى سوۋغا قىلىدىكەن.
پائالىيەتنىڭ تەپسىلىي قائىدىلىرى ۋە سانىغۇچ ئەھۋالىنى ئورگان تور بېتىدىن كۆرۈڭ.
ئاشۇ تەلەي بىزگە كەپ قالسا – ھە!
ھەقسىز چۈشۈرگەن ئەپ توغرا كېلىپ قالسىمۇ ھېساب بولامدىغاندۇ يا ؟
ھا ھا ھا، قېنى بىزلەرمۇ تەلىيىمىزنى سىناپ باقمايلىمۇ ؟
ھەقسىز چۈشۈرسىمۇ ھېساب بولىدۇ دە ئەلۋەتتە.. مەن ئاۋۇ 10 مىلياردىنجى بولاي دپ خېلى جىق نەرسىنى چۈشۈرۈپ باققان ئۆز ۋاقتىدا… مىنىڭغۇ بۇنداق ئىشتا ئەزەلدىن تەلىيىم يوق..
شۇنداقتىمۇ ماۋۇ قېتىمم كەپقالسا ئەجەپ ئەمەس،
لېكىن كەلمىگەن تەلەيدە …نىڭ ھەققى بامۇ دەپتىكەن ئەمدى…
بۈگۈن قارىسام ئەمدى تېخى 24.6 مىليارت بوپتۇ ھىساپلاپ باقسام ھەر 2 سىكونىتتا 1000 ئەپ چۈشىدىكەن شۇ بۇيىچە ھىساپلىسا يەنە 7-8 كۈندىن كىيىن ئاندىن 25 مىليارت بولغىدەك
ھەي بۇنداق تەلەيلەر مەندىن يىراقمىكى جۇمۇ..