جاھان ئاگېنتلىقى 13-مارت خەۋىرى؛ لەگلەك تورى تەرجىمىسى: مىسىرنىڭ كەلگۈسى باش تىما قىلىنغان ئىقتىسادى ھەمكارلىق يىغىنى، نۇرغۇنلىغان دۆلەت رەھبەرلىرى، مىنىستىرلار ۋە خەلقئارالىق شىركەت خادىملىرىنىڭ قاتنىشىشى بىلەن مىسىرنىڭ شەرم شەيىخ رايۇندا ئېچىلدى.
يىغىن زور بىخەتەرلىك تەدبىىرلىرى ئاستىدا ئېچىلغان بولۇپ، يىغىنغا ئىئوردانىيە پادىشاھى ئابدۇللاھ، سۇدان پرېزىدېنتى ئۆمەر بەشىر، كۇۋەيت ئەمىرى جابىر ئەھمەد ساباھ، ئامېرىكا تاشقى ئىشلار مىنىستىرى جون كېررىي، سەئۇدى ئەرەبىستان ۋەلىئەھدى شاھزادە مۇقرىن ئىبنى ئابدۇلئەزىز قاتارلىقلار بىلەن بىرگە نۇرغۇنلىغان خەلقئارا تەشكىلات ۋە شىركەتلەرنىڭ ۋەكىللىرى ۋە مىنىستىرلار قاتناشتى.
مىسىر ھۆكۈمىتى زور ئۈمىد كۈتكەن يىغىنغا 60 دۆلەت تەكلىپ قىلىندى. مىسىر ھۆكۈمىتى ئىقتىسادى قىيىنچلىقتتىن چىقىش يولى ئىزدەۋاتقان بولۇپ، بۇ يىغىن بىلەن دۆلەتكە خەلقئارالىق مەبلەغلەرنى سېلىشنى قولغا كەلتۈرۈشنى پىلانلىماقتا.
مىسىر پرېزىدېنتى ئابدۇلفەتتاھ سىسى ئېچىلىش مۇراسمىدا سۆز قىلىپ، دۆلىتىنىڭ ئوتتۇرا شەرقتىكى مۇقىملىق ئۈچۈن بىر مىخانىك تېشى بولىدىغانلىقىنى ئېيتتى، سىسى يەنە رايۇننىڭ بىخەتەرلىك ۋە مۇقىملىقى ئۈچۈن مىسىرنىڭ زور قىيىنچىلىقلارغا دۇچ كەلگەنلىكىنى ئېيتتى.
مىسىرغا تۇنجى ياردەم بېرىش ۋەدىسى كۇۋەيىت ۋە سەئۇدى ئەرەبىستاندىن كەلدى، ھەر ئىككى دۆلەت مىسىرغا 4 مىليارد دوللارلىق مەبلەغ سالىدىغانلىقىنى بىلدۈردى. بۇ ئىككى دۆلەتتىن كېيىن ئەرەب بىرلەشمە خەلىپىلىكىمۇ مىسىر ئىقتىسادىغا 4 مىليارد دوللار ياردەم بېرىدىغانلىقىنى ئېيتتى. ياردەمنىڭ 2 مىليارد دوللىرى مىسىر مەركىزى بانكىسىغا، يەنە 2 مىليارد دوللىرى مىسىر ئىقتىسادىغا ياردەم سۈپىتىدە بېرىلىدۇ.
مىسىر ھۆكۈمىتى نۇرغۇن دۆلەتلەرنى ۋە خەلقئارا شىركەتلەرنى مىسىردا مەبلەغ سېلشقا چاقىرغان بولۇپ، مەبلەغ سالغۇچىلارنى جەلب قىلىش ئۈچۈن بىر قانچە بىئوكراتىك ۋە ھەق-ھۇقۇققا ئالاقىدار چەكلىمىلەرنىڭ بىكار قىلىنىشىغا دائىر خىزمەتلەرنى باشلىماقتا. مىسىر پرېزىدېنتى ئابدۇلفەتتاھ سىسى، تۈنۈگۈن مەبلەغ سېلىشقا تەشۋىق قىلىش مەقسەت قىلىنغان يېڭى قانۇن ماددىلىرىنى ئىمزالىغان بولۇپ، بۇ ئۆزگەرتىش بىلەن شىركەتلەر ئۈچۈن باج تۈلەش نىسبىتىنى يۈزدە 30% دىن يۈزدە 22.5% چۈشۈردى.
ھۆكۈمەتتە يىغىنغا قاتنىشىدىغانلارغا سۇنۇلىدىغان 50 پارچە پىلاننىڭ بارلىقى مەلۇم بولماقتا. يىغىندا 35 مىلياد دوللارلىق مەبلەغكە ئېرىشىش پىلانلانغانلىقى بىلدۈرۈلدى، بۇ يىغىن يەنە ئۈچ كۈن داۋاملىشىدۇ.