تورى خەۋىرى لەگلەك تورى تەرجىمىسى .شۇ جاي ۋاقتى 8-مارت ئەنگىلىيىدە ئۆزگىچە بىر خىل خوتۇن ھاپاش قىلىش مۇسابىقىسى ئۆتكۈزۈلگەن بۇلۇپ ،لوندوندا تۇرمۇش كەچۈرىۋاتقان بىر جۈپ ئامېرىكىلىق ئەر خوتۇن چېمپىيونلۇقنى قولغا كەلتۈرگەن .

دۇنيانىڭ كۆپلىگەن جايلىرىدا خىلمۇ خىل شەكىلدىكى خوتۇننى ھاپاش قىلىش مۇسابىقىسى ئۆتكۈزۈلۈپ تۇرىدۇ .بۇنىڭ ئىچىدە فىنلاندىيىدە ئۆتكۈزۈلىدىغان مۇسابىقە ئەڭ داڭلىق .ئېيتىلىشىچە خوتۇننى ھاپاش قىلىش مۇسابىقىسىنىڭ ئەنئەنىسى فىنلاندىيىدە بارلىققا كەلگەن .رىۋايەتلەردە دېيىلىشىچە ئىلگىرى قاراقچىلار ئاياللارنى مەجبۇرىي بۇلاپ كېتىدىكەن ،شۇڭا ئەر قاراقچىلار كېلىشتىن بۇرۇن چوقۇم خوتۇننى ھاپاش قىلىپ قېچىپ كېتىشى كېرەك ئىكەن .ھازىر خوتۇننى ھاپاش قىلىش مۇسابىقىسى خەلقئارادىكى بىر تۈرلۈك قىزىقارلىق مۇسابىقىگە ئايلاندى .
شۇ جاي ۋاقتى 8-مارت ئەنگلىيىدىكى خوتۇننى ھاپاش قىلىش مۇسابىقىسى مىدلاسنىڭ جەنۇبىي قىسمىدىكى سۇرىي ۋىلايىتىنىڭ مەنزىرىسى ئىنتايىن گۈزەل بولغان بىر كىچىك شەھەر بازىرىدا ئۆتكۈزۈلگەن بۇلۇپ ،مۇسابىقىگە ئەنگىلىيىنىڭ ھەر قايسى جايلىرىدىن كەلگەن ئەر ئاياللار ،ئەنگىلىيىدە ياشاپ كېلىۋاتقان چەتئەللىكلەرنىڭ ھەممىسى قاتناشسا بولىدىكەن .ھاپاش قىلىندىغان بىر تەرەپنىڭ بەدەن ئېغىرلىقى ئەڭ يېنىك بولغاندىمۇ 50 كىلوگرامغا يېتىشى كېرەك ئىكەن .ناۋادا بۇ تەلەپكە توشمىسا ئەر خوتۇننى ھاپاش قىلىشتىن سىرت يەنە بىر خالتا نەرسىدىن يۈدۈپ كەم قالغان ئېغىرلىقنى تۇلۇقلايدىكەن .

بىر جۈپ ماھىرلار ھەقىقىي ئەر خوتۇنلار بولمىسمۇ بولىدىكەن .ئايالى ئەرنى كۆتۈرسىمۇ بولىدىكەن .بۇ يىلقى مۇسابىقىدە ،بۇ ئەرلەرنىڭ ئەرنى ھاپاش قىلىش گۇرۇپپىسى ھەممە كىشىنىڭ دىققىتىنى تارتتى .مۇسابىقىنىڭ ئومۇمىي مۇساپىسى 380 مېتىر بۇلۇپ مۇسابىقە يولىغا چۆپ دۆۋىسى ،سۇ پۈركۈش رايونى قاتارلىق توسالغۇلار تەسىس قىلىنغا .ئەڭ قىسقا ۋاقىت ئىچىدە پۈتكۈل مۇساپىنى يۈگۈرۈپ تاماملىغانلار مۇسابىقىدە غەلىبە قازىنىدىكەن .

مۇسابىقە ئاڭلىماققا ئاساندەك بولسىمۇ ،ئەمەلىيەتتە ئىككى كىشىنىڭ زىچ ماسلىشىشى ئىنتايىن مۇھىم ئاساس ،خوتۇنى ئەڭ ياخشىسى ئېرىنىڭ دۈمبىسىگە مەھكەم چاپلىشىپ تۇرۇشى كېرەك .ئېرىنىڭ ئىككى قولى ئازاد بولغاندا بار ئۈچى بىلەن ئالغا ئىلگىرىلەپ يۈگۈرەلەيدۇ .
كەسكىن رىقابەتلىشىش ئارقىلىق ئامېرىكىنىڭ مېلۋاۋكې شەھىرىدىن كېلىپ لوندوندا خىزمەت قىلىپ تۇرمۇش كەچۈرۋاتقىنىغا ئالتە يىلىدىن ئاشقان سشۋوچېر ئار خوتۇن ئىككى مىنوت ئۈچ دەقىقىلىق ئەلا نەتىجە بىلەن چېمپىيونلۇقنى قولغا كەلتۈرگەن .ئۇلارنىڭ ئېيتىشىچە بۇ مۇسابىقىدە چېمپىيونلۇقنى قولغا كەلتۈرۈش ئۈچۈن ئەر خوتۇن ئىككەيلەن پۇرسەت تاپسىلا تىرىشىپ مەشىق قىلغان .ئۇنىڭ ئۈستىگە ئايالى ۋىجىك ئۇرۇق ئىكەن.ئېرى بولسا تېتىك ھەم بەستىلىك كەلگەن ئىكەن .ئۇلا ريەنە ئەنگلىيىگە ۋاكالىتەن بۇ يىلنىڭ ئاخىرى فىنلاندىيىدە ئۆتكۈزۈلىدىغان خەلقئارا خوتۇننى ھاپاش قىلىش مۇسابىقىسىگە قاتنىشىدىكەن .

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى : LEGLEK