TechCrunch تېخنىكا تورى 11-فېۋرال يازمىسى: RapidShare شىركىتى ئەڭ دەسلەپ ئىش باشلىغان ئىنتېرنېت ھۆججەت مۇلازىمىتى شىركەتلىرىنىڭ بىرى بولۇپ، 12 يىل دەۋر سۈرگەن بۇ زور شىركەت كېلەر ئاينىڭ ئاخىرىدا بارلىق مۇلازىمەتلىرىنى توختىتىدىغانلىقىنى ئېلان قىلدى. شىركەت ئورگان تورىدا ئېلان قىلىنغان ئۇقتۇرۇش بويىچە 31-مارتتىن كېيىن بارلىق ئىشلەتكۈچىلەر ۋە ئۇچۇرلار پۈتۈنلەي يۇيۇلىدۇ.

باش شىتابى شۋېتسارىيىگە جايلاشقان بۇ شىركەت 2002-يىلى قۇرۇلغان بولۇپ، تېخى نەچچە يىل بۇرۇنلا يۈز مىليۇنلىغان ئايلىق زىيارەتچى سانى بىلەن بۇ ساھەدە تەگكىلى بولمايدىغان گىگانېت ئىدى. يېقىنقى يىللاردىن بۇيان بۇلۇت ساھەسىدىكى رىقابەتنىڭ چەكسىز كۈچىيىشى بىلەن شىركەتنىڭ بۇ ساھەدىكى مونۇپۇللۇق ئورنى ئاخىرلاشتى. بۇلۇت ساھەسىدە يېڭى بىر ئۆزگەرتىش سىنىقى ئېلىپ بېرىپ مەغلۇب بولغان RapidShare ئۆتكەن يىلى ھەقسىز مۇلازىمەتلىرىنى پۈتۈنلەي توختىتىشقا ۋە خىزمەتچىلىرىنىڭ 75 پىرسەنتىنى ئىشتىن بوشىتىشقا مەجبۇر بولدى. شۇنداقتىمۇ بۇلۇت مۇلازىمىتى ساھەسىدىكى رىقابەتچىلىرى گوگۇل، Dropbox ۋە مىكروسوفتلارنىڭ تېخىمۇ ئەتراپلىق ۋە تېخىمۇ تۆۋەن باھالىق بۇلۇت مۇلازىمىتى (تۆۋەندىكى باھا سېلىشتۇرمىسىغا قاراڭ) ئاخىر RgpidShare نى بازاردىن قوغلىۋەتتى.

—————————

باھا سېلىشتۇرمىسى: RapidShare شىركىتى 300 گېگابايتلىق بوشلۇقنىڭ يىللىق مۇلازىمەت ھەققى 680 دوللار؛ Dropbox نىڭ بىر تېرابايتلىق بوشلۇقىنىڭ يىللىق باھاسى پەقەتلا 99 دوللار.