ۋاڭيى تورى خەۋىرى، نۇر تورى تەرجىمىسى:

روسىيە تاراتقۇسىنىڭ خەۋەر قىلىشىچە، روسىيە مالىيە مىنىستىرلىكى بۇ دۆلەت تەۋەلىكىدە بىت كويىن ئىشلىتىش يېڭى بەلگىلىمىسى تەييارلاۋاتىدۇ. نۆۋەتتە، بىت كويىننى روسىيە تەۋەسىدە ئىشلىتىش چەكلەنمەيدۇ، ئەمما ئۇ يەنىلا قانۇنسىز پۇل، چۈنكى روسىيە  قانۇن تۈزۈپ، پۇقرا ۋە شىركەتلەرنىڭ ھەرقانداق شەكىلدىكى پۇلنىڭ ئورنىنىڭ ئالىدىغان بۇيۇمنى ئىشلىتىشىنى چەكلىگەن.

ئۆتكەن بىر قانچە ئايدا، بۇ دۆلەتنىڭ مالىيە مىنىستىرلىكى خادىمى بىر قاتار جىنايى ئىشلار قانۇنى تولۇقلىمىسىنى ئېلان قىلدى، ئۇلار بىت كويىن ۋە باشقا سىفىرلىق پۇل ئىشلەتكەن روسىيە پۇقرالىرىنى جازالايدۇ. ئۇلارنىڭ ئەڭ يېڭى تەكلىپىگە ئاساسلانغاندا، بىت كويى سودىسى ياكى بىت كويىن يىغىش بىلەن شۇغۇللانغان روسىيە پۇقرالىرى 500 مىڭ رۇبلى (7100 دوللار) جەرىمانە تۆلەشكە دۇچ كېلىدۇ.

ناۋادا پۇقرالار جەرىمانىنى تۆلەشكە قۇربى يەتمىسە، ھۆكۈمەت ئۇلارنىڭ مائاشى ياكى باشقا كىرىمىدىن ھەرئايدا تۇتىۋالىدۇ. تېخىمۇ ئېغىر بولغان ئورنىغا ئالمىشىدىغان ئۇسۇل بولسا تۆت يىللىق مۇددەتلىك قاماق جازاسى. بۇنىڭدىن سىرت، كوللىكتىپ بىت كويىن سودىسى ياكى بىت كويىن يىغىش بىلەن شۇغۇللانغان بولسا 1 مىليون رۇبلى (14200 دوللار) جەرىمانە تۆلەيدۇ. بۇنىڭدىن سىرت، ھۆكۈمەت يەنە بۇ كىشلەرنىڭ ئىككى يىلدىن تۆت يىلغىچە مۆھلەتتە جەرىمانىنى تاپشۇرىشىغا يول قويىدۇ، ناۋادا سودىيە زۆرۈر دەپ قارىسا، كوللىكتىپ ئىچىدىكى قىسمەن ئەزالار ئالتە يىللىق قاماق جازاسىغا ھۆكۈم قىلىنىشى مۇمكىن.

ئەڭ ئېغىر بولغان جازا پۇل-مۇئامىلە ئورگىنى ئەمەلدارىغا بېرىلىدۇ. ئۇلار دۇچ كېلىدىغان جازا دائىرىسى بولسا 1 مىليون رۇبلىدىن 2.50 مىليون رۇبلىغىچە، ئۇلارنىڭ كىرىمى ياكى مائاشى ئىككى يىلدىن تۆت يىلغىچە ۋاقىتتا تۇتىۋېلىنىدۇ. ئەڭ ئېغىر ئەھۋالدا، ئۇلار يەتتە يىللىق مۇددەتلىك قاماق جازاسىغا ھۆكۈم قىلىنىدۇ.

ئىلگىرىكى نۇسخا قانۇندا، ئادەتتىكى روسىيە پۇقراسىنىڭ جازا مۇددىتى ئاران بىر يىل، بانكا ئەمەلدارىنىڭ ئەڭ ئۇزۇن جازا مۇددىتى ئىككى يىل ئىدى.