جەمئىيەتنىڭ ئۇچقاندەك تەرەققىي قىلىشغا ئەگىشىپ ساغلاملىق ھەر بىر كىشىنىڭ كۆڭۈل بۆلىدىغان ئەڭ مۇھىم مەسىلىسنىڭ بىرى بۇلۇپ قالدى . كىشلەرنىڭ ساغلاملىق ئېڭىمۇ جەمئىيەت تەرەققىياتى بىلەن تەڭ تەرەققىي قىلىپ بېرىۋاتىدۇ .كۈندىلىك تۇرمۇش بېسىمى بارغانسىرى ئېشىپ بېرىۋاتقان بۈگۈنكى كۈندە ،يەنە بەزى كىشىلەرنىڭ ساغلاملىق ھەققىدىكى بىلىملىرى ئانچە تۇلۇق بولماسلىقى مۇمكىن .ئەمەلىيەتتە كۈندىلىك تۇرمۇشىمىزدىكى بەزى كىچىك نۇقتىلارغا دىققەت قىلساقلا سالامەتلىكىمىز ئۈچۈن كۈچ سەرپ قىلغان بولىمىز ،بۇ يەردە ئېيتىلىۋاتقان كىچىك نۇقتىلار دەل سالەتلىككە پايدىلىق بولغان تۆۋەندىكى بىر نەچچە مىنوتلۇق ھەرىكەتلەرنىمۇ ئۆز ئىچىگە ئالىدۇ :

1. بارماقلار بىلەن چاچنى بىر مىنۇت تاراپ بېرىش : ئىككى قولنى يېيىپ، بارماق بىلەن پىشانىدىن ئارقىغا قارىتىپ چاچنى تاراپ بەرگەندە، باش قىسمىدىكى قاننىڭ ئايلىنىشىنى تېزلىتىپ، مېڭە قان تومۇر كېسەللىكلىرىنىڭ ئالدىنى ئالغىلى بولىدۇ.

2. قۇلاقنى بىر مىنۇت ئۇۋۇلاپ بېرىش : قۇلاقتا پۈتۈن بەدەنگە تۇتىشىدىغان ئۇششاق تومۇر توپلانغان بولۇپ، باش بارماق بىلەن قۇلاقلارنى ئۇۋۇلاپ بەرگەندە، تومۇرلار راۋانلىشىپ، قۇلاق غوڭۇلداش، كۆز تورلىشىش، ئۇنۇتقاقلىق كېسەللىكلىرىنىڭ ئالدىنى ئالغىلى بولىدۇ.

3. كۆز قارچۇقىنى بىر مىنۇت مىدىرلىتىپ بېرىش : كۆزنىڭ گۆھىرىنى ئۆز رېتىمى بىلەن ئوڭ - سولغا قارىتىپ مىدىرلىتىپ بەرگەندە، كۆرۈش قۇۋۋىتىنى ئاشۇرغىلى بولىدۇ.
4. بۇرۇننى بارماق بىلەن بىر مىنۇت سىلاپ بېرىش : ئىككى بارماق بىلەن بۇرۇننى يۇقىرىدىن - تۆۋەنگە قارىتىپ سىلاپ بەرگەندە، ئورنىمىزدىن تۇرۇپلا سوغۇقتىن پەيدا بولغان بۇرۇن پۈتۈش، بۇرۇندىن سۇ كېلىش ۋە زۇكامداپ قېلىشنىڭ ئالدىنى ئالغىلى بولىدۇ.

5. بىر مىنۇت چىشىنى چاكىلدىتىپ، تىلنى ھەرىكەتلەندۈرۈش : چىشنى يېنىك چاكىلدىتىپ بەرگەندە، چىش يىلتىزى ۋە چىش ئارىلىقلىرىدىكى قاننى جانلاندۇرۇپ، چىشنى ساغلاملاشتۇرغىلى بولىدۇ. تىلنى ھەرىكەتەندۈرۈپ بەرگەندە، تىلنىڭ ھەرىكەتلىنىشىنى راۋانلاشتۇرۇپ، تىل سېزىمىنى كۈچەيتكىلى بولىدۇ.

6. كىندىكنى بىر مىنۇت يەڭگىل سىلاپ بېرىش : ئىككى ئالقان بىلەن كىندىكنى يەڭگىل سىلاپ بەرگەندە، شامال تېگىشنىڭ ئالدىنى ئالغىلى بولىدۇ.

7. بىر مىنۇت قورساقنى ئىچىگە تارتىپ، سوڭىنى چىقىرىش : قورساقنى قايتا - قايتا ئىچىگە تارتىپ بەرگەندە، قان ئايلىنىشنى ئىلگىرى سۈرۈپ، بوۋاسىر كېسەللىكىنىڭ پەيدا بولۇشىدىن ساقلانغىلى بولىدۇ.

8. پۇت - قوللارنى بىر مىنۇت سۇنىۋېلىش : بۇنداق قىلغاندا، قاننىڭ ئايلىنىشىنى تېزلىشىپ، يۈرەك، مېڭىگە يېتەرلىك ئوكسىگېن ۋە قان يەتكۈزۈپ بېرىلىدۇ. بۇنىڭ بىلەن ئاستا ۋە جىددىي خاراكتېرلىك يۈرەك، مېڭە كېسەللىكلىرىنىڭ ئالدىنى ئالغىلى، قول - پۇتلاردىكى ئۇششاق بوغۇملارنىڭ ھەرىكەتلىنىشىنى ئاشۇرغىلى بولىدۇ.

9. تاپان مەركىزىنى بىر مىنۇت ئۇۋۇلاپ بېرىش : ئىككى تاپاننى جۈپلەشتۈرۈپ سۈركەپ ئۇۋۇلىغاندا، بەدەندىكى قانلارنىڭ ئايلىنىشىنى ئىلگىرى سۈرۈپ، تالنى ساغلاملاشتۇرغىلى، يۈرەكنى كۈچەيتىپ، نېرۋىنى تىنىچلاندۇرغىلى بولىدۇ.

لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK