شىنخۇا ئاگېنتلىقى خەۋىرى، باغداش تورى تەرجىمىسى:

تاراتقۇلارنىڭ خەۋىرىگە ئاساسلانغاندا، 13-مارت چۈشتىن كېيىن سىرىلانكىدا پۈتۈن ئارالدا توك توختاپ قېلىش ھادىسىسى يۈز بەرگەن بولۇپ، شۇ كۈنى كەچتىمۇ نۇرغۇن جايلاردا توكنى ئەسلىگە كەلتۈرگىلى بولمىغان.

بۇ قېتىمقى مەملىكەت خاراكتېرلىك توك توختاش ھادىسىسى شۇ كۈنى چۈشتىن كېيىن سائەت 2 لەر ئەتراپىدا باشلىنىپ، تەخمىنەن 7 سائەتكىچە داۋاملاشقان. توك توختاش يۈز بېرىپ ئىككى سائەتتىن كېيىن، سىرىلانكىنىڭ پايتەختى كولومبودا ۋە قىسمەن رايونلاردا توك بىلەن تەمىنلەش ئەسلىگە كەلگەن، تۇراقلىق بولمىغان. شۇ كۈنى كەچتە ، كولومبودىكى بەزى رايونلار ۋە باشقا بىر قىسىم رايونلاردا توك بىلەن تەمىنلەش ئەسلىگە كېلىپ بولالمىغان.

سىرىلانكا تاراتقۇلىرىنىڭ خەۋىرىگە قارىغاندا، بۇ قېتىملىق توك توختاش ھادىسىسى ATM ماشىنىسى، قاتناش سىگنال چىرىغى ۋە خەۋەرلىشىش مۇلازىمىتى قاتارلىقلارنىڭ ئۈزۈلۈپ قېلىشىنى كەلتۈرۈپ چىقارغان بولۇپ، بۇ سىرلانكىدىكى 20 يىلدىن بۇيانقى ۋاقتى ئەڭ ئۇزۇن بولغان بىر قېتىملىق توك توختاش ھادىسىسى ھېسابلىنىدىكەن.