بەدەن ئېغىرلىقى ئەڭ پەرقلىنىدىغان قوشكېزەك

    روسىيە تېلېۋىزىيە ئىستانىسىنىڭ بىر سۆھبەت پروگراممىسىغا بىر جۈپ ئالاھىدە قوشكېزەك قاتناشقان، بۇ قوشكېزەكنىڭ چىرايى ئوخشىغاندىن باشقا بەدەن ئېغىرلىقى بەكلا زور پەرق قىلىدىكەن. ھەدىسىنىڭ تەن ئېغىرلىقى 190 كىلوگرام بولۇپ، ئالاھىدە سېمىزكەن، سىڭلىسى بولسا پەقەت 55 كىلوگرام ئىكەن، ئىككىسىنىڭ تەن ئېغىرلىقى پەرقى 135 كىلوگرامغا يېتىدىكەن.

ئەڭ ئاسان پەرقلەندۈرگىلى بولىدىغان قوشكېزەك

    بۇ بىر جۈپ ئاق قارا تەنلىك قوشكېزەك ئاۋسترالىيەدە تۇغۇلغان، بالىلارنىڭ دادىسى ساپ ئاق تەنلىك ئاپىسى يامايكا، ئەنگلىيە ئارىلاش قان سىستېمىسىغا تەۋە. بۇ قوشكېزەكلەرنىڭ ئىسمى ئالىشيا ۋە جەزمىن. ئالىشيا ئاپسىىغا ئوخشايدۇ تېرىسى قارا، كۆزى قوڭۇر، چېچى قارا رەڭدە؛ جەزمىن داسىغا ئوخشاش تېرىسى ئاق، كۆزى كۆك.

پەرقلەندۈرۈش ئەڭ تەس قوشكېزەك

      بۇ 1999-يىلى پېنسىلۋانىيە شىتاتىدىكى دېھقانچىلىق مەيدانىدا تارتىلغان راف ئاكا-ئۇكىلارنىڭ سۈرىتى. بۇ قوشكېزەك ئاكا-ئۇكىلار جىننېس رېكورتى تەرىپىدىن دۇنيادىكى ئەڭ ئوخشايدىغان قوشكېزەك دەپ ئېتىراپ قىلىنغان. بۇ قوشكېزەكنىڭ چىرايىدىن تارتىپ گەپ قىلىش ئۇسۇلىغىچە ئوخشايدۇ، بۇ يىللاردا كۆپ قېتىم «ئەڭ ئوخشايدىغان  قوشكېزەك»مۇكاپاتلىرىغا ئېرىشكەن.

ئىككى ئاي پەرق قىلىدىغان قوشكېزەك

     رۇمنىيەلىك كاتىلىن 2004-يىلى 12-ئايدا تۇغۇلغان، ئۇنىڭ قوشكېزەك ئىنىسى ئىككى ئايدىن كېيىن ئاندىن تۇغۇلغان. دوختۇرنىڭ ئېيتىشىچە، بۇ قوشكېزەكنىڭ تۇغۇلۇش ۋاقتىنىڭ بۇنداق پەرق قىلىشى ئۇلارنىڭ ئانىسىنىڭ بالىياتقۇسىنىڭ تۇغما غەيرىي ئىكەنلىكىدىن بولغان. بالىلارنىڭ ئاپىسىنىڭ ئىككى بالىياتقۇسى بولۇپ، بۇنداق ئەھۋالنىڭ كۆرۈلۈش نىسبىتى 500 مىڭدىن بىر ئىكەن. ئۇ تۇنجى تەن ئىچىدە ئىككى بالىياتقۇدا تەڭ ۋاقىتتا ئىسپىرما قوبۇل قىلىپ بالا تۇغقان ئايال. بۇ بالىلارنىڭ سالامەتلىكى ناھايىتى ياخشى بولۇپ ئوخشاش ۋاقىتتا دوختۇرخانىدىن چىققان.

ئىككى ئەسرگە تەۋە قوشكېزەك

   بۇ قوشكېزەكنىڭ ئارىسىدىكى ئاچىسى ئالدىنقى ئەسىرىدىكى ئەڭ ئاخىرقى كۈنى 23 دىن 59 مىنۇت ئۆتكەندە تۇغۇلغان، سىڭلىسى يېڭى ئەسىرنىڭ تۇنجى كۈنى 1 دىن 1 مىنۇت ئۆتكەندە تۇغۇلغان، گەرچە بۇ ئاچا-سىڭىللار پەقەت ئىككى مىنۇت پەرق قىلسىمۇ لېكىن ئىككى ئەسىرگە تەۋە بولۇپ كەتكەن. بۇ «ئەسىر بوۋاق» لار بېيجىڭ تۇنجى نۆۋەتلىك قوشكېزەكلەر بايرىمىدا «ئەڭ ئالاھىدە قوشكېزەك» مۇكاپاتىغا ئېرىشكەن.

سەككىز يىل توڭلىتىلغاندىن كېيىن تۇغۇلغان قوشكېزەك

    ئەنگلىيەلىك ئايال كلەيىر بولىر 24 يېشىدا راك كېسىلىگە گىرىپتار بولۇپ قالغان، لېكىن ئۇ ئانا بولۇشتىن ۋاز كەچمىگەن. ئۇنىڭ ئۇرۇقلانغان تۇخۇمى سەككىز يىل توڭلىتىلغاندىن كېيىن 2004-يىلى كلەيىر ئوڭۇشلۇق ھالدا قوشكېزەك ئوغۇل يەڭگىگەن.

جۇڭگودىكى ئەڭ ئۇزۇن ئۆمۈر كۆرگەن قوشكېزەك

     شەندۇڭ ئۆلكىسى رۇشەندىكى بۇ قوشكېزەك ئاچا-سىڭللار 98 ياشقا كىرگەن بولۇپ، شاڭخەي جىننېس ئورگىنى ئېتىراپ قىلغان «جۇڭگودىكى ئەڭ ئۇزۇن ئۆمۈر كۆرگەن قوشكېزەك»لەردىنمۇ بىر ياش چوڭ. گەرچە يېشى 100 ياشقا يېقىنلاشقان بولسىمۇ لېكىن بۇ ئىككى موماينىڭ تەپەككۇرى ناھايىتى ئېنىق، 10 نەچچە يىل بۇرۇنقى ئىشلارنى خۇددى تۈنۈگۈن يۈز بەرگەندەك سۆزلىيەلەيدۇ، نەۋرە-چەۋرىلىرىنىڭ تۇغۇلغان كۈنلىرىنىمۇ ئېسىدە تۇتالايدۇ.

يېشى ئەڭ چوڭ تۇتاش تەنلىك قوشكېزەك

    دۇنيادىكى يېشى ئەڭ چوڭ تۇتاش تەنلىك قوشكېزەك 18ياشقا كىردى، تۇغۇلغان كۈن زىياپىتىدە ئۇلار ئىككى تۇغۇلغان كۈن تورتى، ئىككى تۇغۇلغان كۈن شامى ۋە ئوخشىمىغان سوۋغاتلارغا ئېرىشتى.

   ئۇلارنىڭ ئاتا-ئانىسىنىڭ ئېيتىشىچە، قوشكېزەكلەر تۇغۇلغاندىن تارتىپ ئۇلار ئايرىۋېتىش ئوپېراتسىيەسىى قىلماسلىقنى قارار قىلغان، چۈنكى ئوپېراتسىيەنىڭ خېيىم-خەتىرى ناھايىتى چوڭ بولۇپ، قوشكېزەكلەر ئوپېراتسىيە ئۈستىلىدىلا ئۆلۈپ قېلىشى مۇمكىن ئىدى. ھەتتا ئوپېراتسىيە ئوڭۇشلۇق بولغان تەقدىردىمۇ ئۇلار يەنىلا ئۆمۈرلۈك مېيىپ بولۇپ قالىدۇ، پەقەت بىر قول، بىر پۇتىنى ئىشلىتەلەيدۇ، قالغان ئۆمرىنى چاقلىق ھارۋىدا ئۆتكۈزىدۇ.

تۇرمۇشى پۈتۈنلەي ئوخشايدىغان ئايرىۋىتىلگەن قوشكېزەك

     ئوخېئو شىتاتىدىكى بۇ قوشكېزەك تۇغۇلغاندىن كېيىنلا ئوخشىمىغان ئائىلە تەرىپىدىن بېقىۋېلىنغان. بۇ تونۇشمايدىغان ئائىلە بۇ ئىككى بالىغا ئوخشاشلا جىم دەپ ئىسىم قويغان، تاساددىپىيلىق  دەل بۇنىڭ بىلەن باشلانغان. ئىككى جىم ئاستا-ئاستا چوڭ بولغان، لېكىن قوشكېزىكىنىڭ بارلىقىنى بىلمىگەن. ئۇلار قانۇن ئىجراچىسى تەربىيەسى ئالغان، مېخانىك سۈرەت لايىھىلەش ۋە ياغاچ سەنئىتى جەھەتتە تالانتىنى نامايان قىلغان، ئۇلار لىندا ئىسىملىك ئايال بىلەن توي قىلغان، كېيىن ئايالىدىن ئايرىلىپ كەتكەندىن بېتتىي ئىسىملىك ئايال بىلەن توي قىلغان، ئىككىلىسى ئەرمەك ئىتىغا «تويى»دەپ ئىسىم قويغان.