تۈنۈگۈن چۈشتىن بۇرۇن سائەت 8 دىن 30 مىنۇت ئۆتكەندە، دوڭخۇ گاۋشىن رايونىنىڭ گۇاڭگۇ چوڭ كوچىسى بىلەن جىنرۇڭ گاڭسى يولى كېسىشمىسىدە 30 مېتىر ئۇزۇنلۇقتىكى بىر يۈك ماشىنىسى قايرىلىۋاتقاندا ماشىنىنىڭ قۇيرۇقى بىر تاكسىغا سۈركىلىپ كېتىپ ئۇنى ئۆرىۋەتكەن، بەخىتكە يارىشا ئادەم ئۆلمىگەن. چۈشتىن بۇرۇن سائەت 9 دىن 30 مىنۇت ئۆتكەندە، چۇتيەن شەھەر گېزىتىنىڭ مۇخبىرى نەق مەيدانغا يېتىپ كەلگەن، يۈك ماشىنىسى ئېلىپ كېتىلگەن بولۇپ، ئۆرىۋېتىلگەن تاكسى تېخىچە نەق مەيداندا بار ئىدى، تاكسىنىڭ ئوڭ تەرەپتىكى ئارقا ئىشكى بۇزۇلغان، ئارقا قىسمىدىكى شامال توسۇش ئەينىكىمۇ پۈتۈنلەي بۇزۇلغانىدى.

نەق مەيداننى ئۆز كۆزى بىلەن كۆرگۈچى ماۋ خانىمنىڭ يانفونىدا تارتىۋالغان كۆرۈنىشلىرىدە كۆرسىتىلىشىچە، شۇ كۈنى يۈك توشۇش ماشىنىسىغا 14 كىچىك ماشىنا بېسىلغان بولۇپ، تاكسى يۈك توشۇش ماشىنىسىنىڭ ئارقا يان تەرىپىگە ئۆرۈلگەن (رەسىمدە كۆرسىتىلگەندەك). يۈك توشۇش ماشىنىسىنىڭ ھەيۋەتلىك گەۋدىسى يول ئېغىزدا توغرىسىغا ياتقان بولۇپ، پۈتكۈل يول ئېغىزىنى توسۇۋېلىپ قاتناش قىستاڭچىلىقىنى كەلتۈرۈپ چىقارغانىدى. تاكسىنى ھەيدىگەن شوپۇر شيوڭ ئۇستامنىڭ تونۇشتۇرۇشىچە، شۇ ۋاقىتتا ئۇ سولغا قايرىلىپ جىنروڭ گاڭسى يولىغا كىرمەكچى ئىكەن. تۇيۇقسىز سولغا بۇرۇلۇشقا تەييارلىنىۋاتقان بۇ يۈك ماشىنىسىنىڭ قۇيرۇقى ئۇنىڭ ماشىنىسىغا سۈركىلىپ ئۇنى ئۆرىۋەتكەن. ماشىنىدا يەنە بىر يولۇچى بار بولۇپ، ۋەقەدىن كېيىن ئۇلار ئىككەيلەن ماشىنىنىڭ دېرىزىسىدىن يامشىپ چىققان.

يۈك توشۇش ماشىنىسىنىڭ شوپۇرى سۈن ئۇستامنىڭ ئېيتىشىچە، ئۇنىڭ ماشىنىسىغا سىرتنىڭ نومۇر تاختىسى ئېسىلغانىكەن، ئۇ ماشىنىسىدىكى بۇ پىكاپلارنى گۇاڭگۇغا يېقىن بولغان بىر دۇكانغا ئاپىرىپ بەرمەكچى ئىكەن. «ماشىنا بەك ئۇزۇن، تەخمىنەن 30 مېتىر كېلەمدىكىن، شۇنداق بولغاچقا تاكسىغا سۈركىلىپ كەتتى» دېدى ئۇ، قاتناش ساقچىسى يېتىپ كەلگەندىن كېيىن، دەسلەپكى قەدەمدە يۈك توشۇش ماشىنىسىنى بارلىق مەسئۇلىيەتنى ئۈستىگە ئالىدۇ دەپ مۇئەييەنلەشتۈردى، نۆۋەتتە بۇ ۋەقە تېخىمۇ ئىلگىرلىگەن ھالدا تەكشۈرۈپ بىر تەرەپ قىلىنماقتا.