ۋاڭيى تورى خەۋىرى، نۇر تورى تەرجىمىسى:

چەتئەل تاراتقۇلىرىنىڭ خەۋەر قىلىشىچە، Galaxy Tab قاتارىدا يەنە بىر يېڭى ئەزا كۆپەيدى، يەنى خەۋىرى تارقالغىلى ئۇزۇن بولغان Galaxy Tab A (2016-نۇسخا). بىر قانچە ھەپتە ئىلگىرى، بۇ نۇسخا تاختا كومپيۇتېرنىڭ تەپسىلاتى ئاشكارلانغان، شۇڭا سامسۇڭ ئورگان تەرەپ ئېلان قىلغان ۋاقىتتا خۇشاللىق كەم بولىدۇ. Galaxy Tab A بىر نۇسخا ئەرزان باھالىق ئۈسكۈنە بولغانلىقتىن، شۇ سەۋەبتىن سامسۇڭ مەخسۇس ئاخبارات ئېلان قىلىش يىغىنى ئۆتكۈزمەيدۇ، پەقەتلا ئورگان تورىدا بۇ ئۈسكۈنىنى چىقىرىدۇ.

بىراق سامسۇڭ ئۇنىڭ باھاسىنى ئېلان قىلمىدى، ئەكىسچە بىر قىسىم پارچە سېتىش شىركىتى باھاسىنى ئاشكارلىدى. باھاسى 170 ياۋرو (تەخمىنەن 1231 يۈەن). نۆۋەتتە Galaxy Tab A نىڭ كونكىرت بازارغا سېلىنىش ۋاقتى ئېنىق ئەمەس، ئەمما سامسۇڭ ئورگان تەرەپ چوقۇم ئىستىمالچىلارنى ئانچە ئۇزۇن ساقلاتمايدۇ.

ئىگەللىنىشىچە، Galaxy Tab A قارا، ئاق ئىككى خىل رەڭلىك بولۇپ، ھازىر ئورگان تورىدا پەقەت Wi-Fi نۇسخىسىلا بار، ئەمما كەلگۈسىدە 3G نۇسخىسىنىڭ بولماسلىقىغا ۋەكىللىك قىلمايدۇ. ئۈسكۈنىگە 7 دىيۇملۇق 800x1280 سېزىمچان ئېكران، 5 مىليون پېكسېللىق ئارقا تېلكامېرا ۋە 2 مىليون پېكسېللىق ئالدى تېلكامېرا، 1.3GHz لىق تۆت يادرولۇق Exynos 3475 مەركىزى بىر تەرەپ قىلغۇچ سەپلەنگەن، 4000mAh سىغىمدىكى باتارىيە توققۇز سائەتلىك ۋىدىئو ياكى 100 سائەتلىك مۇزىكا قويۇش تەمىنلەيدۇ.