تورى خەۋىرى لەگلەك تورى تەرجىمىسى. شۇ يەر ۋاقتى 6-يانۋار، "قۇياش نۇرى ئىككىنجى" ناملىق ئايروپىلاننى ئېلىپ ماڭغان يۈك ئايروپىلانى ئالەمنى ئايلىنىش سەپىرىنىڭ باش بېكىتى ئابۇدەبىگە قاراپ ئۇچتى.

"قۇياش نۇرى ئىككىنجى" يەر شارى بويىچە ئەڭ چوڭ قۇياش ئنىرگىيىلىك ئايروپىلان بولۇپ، ئۇنىڭ قانىتىنىڭ ئۇزۇنلۇقى 72 مېتىر، ئېغىرلىقى 2.3توننا كېلىدۇ. ئايروپىلان قانىتىغا 17 مىڭدىن ئارتۇق قۇياش ئېنىرگىيە باتارىيىسى ئورنىتىلغان بولۇپ، ئۇلار ئايروپىلاندىكى 4 ئېلېكترونلۇق ماتورنى ئېنېرگىيە بىلەن تەمىنلەيدۇ. كۈندۈزى قۇياش ئېنېرگىيە باتارىيىسى ئېلېكتىر ئېنېرگىيىسىن ىئايروپىلان ئېلىپ يۈرىدىغان لىتىي باتارېيىسىگە تۇلۇقلاپ بېرىدۇ. تولۇقلانغان ئېلېكتىرئېنېرگىيىسى بىلەن ئايروپىلان كېچىدە سائىتىگە 46 كىلومېىترلىق سۈرئەت بىلەن ئۇچالايدۇ.

بۇ قېتىملىق ئالەمنى ئايلىنىش سەپىرىدە، "قۇياش نۇرى ئىككىنجى"تىنچ ئوكيان بىلەن ئاتلانتىك ئوكياننى كېسىپ ئۆتكەندە ئۇدا ئۇچىدىغان بولۇپ، ئۇچۇش سەپىرى ئەڭ ئۇزۇن بولىدىكەن. تەخمىنەن بەش كېچە-كۈندۈر توختىماي ئۇچىدىكەن. بۇ مەزكۇر ئايروپىلاننىڭ ياسىلىش تېخنىكىسى شۇنداقلا ئايروپىلانغا ئورنىتىلغان تۈرلۈك ئۈسكۈنىلەرگە بولغان سىناق بولۇپلا قالماي، پىكارد ۋە بورسبېگ دىن ئىبارەت ئىككى ئۇچقۇچىنىڭ فىزولوگىيىلىك چېكىگە بولغان خىرىس ھېسابلىنىدۇ.

يېقىندا بۇ ئىككى ئۇچقۇچى ئۇچۇش سىمۇلياتورىدا ئۈچ كېچە-كۈندۈزگە سوزۇلغا نھەددىدىن زىيادە كۈچلۈك ئۇچۇش مەشىقنى ئېلىپ بېرىش بىلەن بىرگە نەپەس مەشىقى ۋە يۇگا مەشىقىنى قىلدى. ئۇچۇش سەپىرىدە ئۇلار يەنە كېچە ئەڭ تۆۋەن تېمپېراتۇرا نۆلدىن تۆۋەن20 سېلسىيە گرادۇس، كۈندۈز ئەڭ يۇقىرى تېمپېراتۇرا 30 سېلسىيە گرادۇستىن يۇقىرىبولغان ئۇچۇش جەريانىنى بېشىدىن كەچۈرىدۇ.

ئۇچقۇچى: بورسبېگ

"بىز بىر قېتىملىق دەم ئېلىش ياكى ئۇخلاش ۋاقتىنى 20 مىنۇت دەپ مۆلچەرلىدۇق. ئارقىدىن كونترول مەركىزى بىلەن قايتىدىن ئالاقىلىشىپ، ئايروپىلان ئەھۋالىنىڭ قانداقلىقى، ھەربىر ئۈسكۈنە ئەھۋالىنىڭ نورمال ياكى ئەمەسلىكىنى سۈرۈشتۈرىمىز. ئارقىدىن يەنە بىرقېتىم ئارام ئالىمىز. ھازىر ھەر كۈنى كەچتە قانچە قېتىم ئارام ئالىدىغانلىقىمىز ھەققىدە بىر نىمە دېمەك تەس. بىز تەقلىدىي مەشىق تەربىيىسىنى قۇبۇل قىلغاندا ھەر 24-سائەتتە ئالتە قېتىمدىن 8 قېتىمغىچە ئارام ئالدۇق. يەنى 24 سائەتتە بىزنىڭ دەم ئالغان ۋاقتىمىزتەخمىنەن2 سائەت. دېمەك ئۇچۇش سەپىرىدە دەم ئالىدىغان ۋاقتىمىز بەك ئاز. "

ئۇچقۇچى: پىكارد

"بىز ئابۇدەبىدىن يولغا چىقىپ، ھىندىستان، جۇڭگونى كېسىپ ئۆتىمىز. بۇ جەرياندا ھەر بىر ئۇچۇش بۆلىكىنىڭ ۋاقتى 24 سائەت بولىدۇ. ئارقىدىن ئۇدا ئۇچۇپ گاۋايغا بارىمىز. ئاندىن يەنە ئامېرىكىغاكېلىپ، ئامېرىكىدىن ئۇچۇپ ئۆتۈپ، يەنە توختىماستىن ئۇدا ئۇچۇپ، ئاتلانتىك ئوكياننى كېسىپ ئۆتۈپ، ياۋروپانىڭ جەنۇبىغا ياكى ئافرىقىنىڭ شىمالىغا بارىمىز. ئۇنىڭدىن كېيىن يەنە ئەڭ ئۇزۇن مۇساپىنى ئۇچۇپ ئابۇدەبىگە قايتىپ كېلىمىز. شۇنداق قىلىپ بىز ۋاقتى كەلگەندە پۈتۈن يەر شارىنى بىر قېتىم ئايلىنىپ چىقىمىز.

"قۇياش نۇرى ئىككىنجى" تەخمىنەن فېۋرالنىڭ ئاخىرى، ماينىڭ باشلىرىدا ئۆزىنىڭ يەر شارىنى ئايلىنىش سەپىرىنى رەسمىي باشلايدۇ، پۈتكۈل سەپەرئىيۇلدا ئاخىرلىشدۇ. ئايروپىلان بىر قىسىم جايلارغا بېرىپ قىسقا ۋاقىت دەم ئالغاندا، بەلكىم بىر يۈرۈش ئېكىسكۇرسىيە پائالىيەتلىرى ئويۇشتۇرۇلۇپ، ياشلارنىڭ مەزكۇر يېڭىلىق يارىتىش تۈرىنى تېخىمۇ ياخشى چۈشىنىشىگە ئىمكانىيەت يارىتىلىشى مۇمكىن.

لەگلەك تورى ئۈندىدار سالونىنى قۇشۇۋېلىڭ ،ئىزدەش نومۇرى :LEGLEK