چەتئەل تاراتقۇلىرىنىڭ خەۋىرىگە ئاساسلانغاندا، نۇرغۇن قىزلار گۈزەل بولۇش ئۈچۈن گىرىم قىلىدىغان بولۇپ، ۋاقىتنىڭ ئۆتۈشىگە ئەگىشىپ گىرىمسىز تالاغا چىقالماس بولۇپ قالىدۇ. يېقىندا ياپونىيەلىك بىر قىز تورداش ئۆزى ئۈلگە كۆرسىتىپ، ئۆزىنىڭ گىرىم قىلغاندىن بۇرۇن ۋە گىرىم قىلغاندىن كېيىنكى رەسىمىنى توردا ئېلان قىلغان، ئۇنىڭ گىرىم قىلىش تېخنىكىسىنى كۆرگەنلەرنىڭ ھەممىسى ماختىشىپ كەتكەن.ئەسلىدىكى يالاڭ قاپاق، كۆزى كىچىك كەلگەن بۇ قىز گىرىم قىلغاندىن كېيىن «گۈزەل قىز» قا ئايلانغان.

   نۇرغۇن تورداشلار ئۇنىڭ دادىللىق بىلەن گىرىمسىز سۈرىتىنى چىقارغانلىقىنى كۆرۈپ بەس-بەستە ماختاشقان، ھەمدە ئىنكاس قايتۇرغان. «بۇ ھەرگىزمۇ بىر ئادەم ئەمەس»، «سىز ھۆسىن تۈزەش ئوپېراتسىيەسى قىلدۇرغانما؟»، «جاھاندا سەت ئايال يوق، پەقەت ھورۇن ئايال بار»، «بەك يامان ئىكەن»، «ئۆتۈنەي، ماڭا قانداق گىرىم قىلغانلىقىڭىزنى ئۆگىتىپ قويۇڭ».