ئامېرىكا «ۋاشىنگىتون كۈندىلىك پوچتا گېزىتى» نىڭ 4-چېسلا خەۋەر قىلىشىچە، ياپونىيەدىكى بىر ئالاقە ئۈسكىنىسى شىركىتى ئالدىنقى كۈنى مۇنۇلارنى بىلدۈردى، بۇ ئاينىڭ 22-كۈنى شىركىتىمىز قول يۇيۇش سۇيۇقلىقى بىلەن يۇغىلى بولىدىغان ئەقلىيفون DIGNO rafre نى بازارغا سالىدۇ، بۇ كىچىك بالىسى بار ئاياللارنىڭ ئىشلىتىشىگە ماس كېلىدۇ.

    ياپونىيە تاراتقۇلىرىنىڭ دېيىشىچە، يانفونغا دائىم قولدىكى گىرىم قىلىش مېيى، مەينەتلەر يۇقۇپ قالىدۇ، ئۇندىن باشقا كىچىك بالىلار يالاپ ئوينىشىمۇ مۇمكىن. شۇڭلاشقا بىز يېڭى ئېلان قىلىنىدىغان ئەقلىيفوننىڭ كىچىك بالىسى بار ئاياللارنىڭ ئالقىشىغا ئېرىشىشىنى ئۈمىد قىلىمىز.

ئىگىلىنىشىچە، مەزكۇر ئەقلىيفون تىڭشىغۇچ تىقىش تۆشۈكى قاتارلىق جايلارنىڭ سۇدىن مۇداپىئەلىنىش ئىقتىدارىنى ئاشۇرغان بولۇپ، ھۆل بولغاندىن كېيىن ئاسان قۇرۇيدۇ، داغ بولۇپ قالمايدۇ. ئىشلەتكۈچى يەنە تېخى بىر تەرەپتىن تاماق ئەتكەچ يەنە بىر تەرەپتىن ھۆل قولى بىلەن بۇ يانفوننى ئىشلىتىپ تاماق رىسالىسى كۆرسە ۋە شۇنداقلا ئۆزى تاماق ئېتىۋاتقان گۈزەل كۆرۈنۈشلەرنى دوستلىرى بىلەن ھەمبەھىرلەنسە بولىدۇ.

بىراق ئىگىلىنىشىچە، قاتتىق سوپۇن ۋە باشقا يۇيۇش سۇيۇقلىقى مەزكۇر يانفۇننىڭ كاپالەتلىك قىلىش دائىرىسىگە كىرمەيدىكەن.

يېقىنقى ئىككى يىللىق توختام ئەھۋالىنى چىقىش قىلغان ئاساستا، مەزكۇر شىركەت كونا خېرىدارلارغا قارىتا ئۆزگىچە باھا ئېلان قىلغان بولۇپ، يېڭى تىپلىق ئەقلىيفوننىڭ باھاسىنى 5400 يىن (تەخمىنەن 282 يۈەن خەلق پۇلى) قىلىپ بېكىتكەن، يېڭى ئابونتلار 21600 يىنغا سېتىۋالىدىكەن.