ۋاڭيى تورى خەۋىرى، لەگلەك تورى تەرجىمىسى
  جۇڭگو ئاخبارات تورى 3- ئاينىڭ 17- كۈنىدىكى تېلېگراممىسى، ئامېرىكا گېئولوگىيىلىك چارلاش ئىدارىسى تور بېكىتىدىكى ئۇچۇرغا ئاساسلانغاندا، چىلىنىڭ شىمالىدىكى شەھەر ئىكىكىدە شۇ يەر ۋاقتى 16- مارت چۈشتىن كېيىن 4 دىن 16 مىنۇت (بېيجىڭ ۋاقتى17- مارت چۈشتىن بۇرۇن 5 تىن 16 مىنۇت) ئۆتكەندە 6.7 بال يەر تەۋرىگەن. تەۋرەش مەركىزى چىلىنىڭ ئىكىكى شەھىرىنىڭ غەربىي شىمالىغا 60 كىلومېتىر كىلىدىغان جاي بولۇپ، كېيىنكى ئون نەچچە سائەتتە يەنە كۆپ قېتىم قالدۇق يەر تەۋرىگەن، ئۇنىڭ ئىچىدە ئەڭ ئېغىر بولغىنى 6.2 بالغا يەتكەن.
  ئىلگىرىكى خەۋەرلەردە دېيىلىشىچە، يەرلىك ھۆكۈمەت تۆۋەن دەرىجىدىكى دېڭىز شاۋقۇنى ئاگاھلاندۇرۇش سىگنالى چىقارغان بولۇپ، دېڭىز بويىدىكى ئاھالىلەرنىڭ دېڭىز يۈزىدىن ئىگىزلىكى 50 مېتردىن ئاشىدىغان ئېگىزلىككە يۆتكىلىشىنى مۇراجەت قىلغان. جەمئىي بىر تۈمەندىن كۆپرەك ئاھالە جىددىي تارقاقلاشتۇرۇلغان. ئۇزۇن ئۆتمەي يەرلىك شىمالىي رايونلاردا يۈز بەرگەن 6.7 بال يەر تەۋرەشتىن كېيىن ئېلان قىلغان دېڭىز شاۋقۇنى ئاگاھلاندۇرۇش سىگنالىنى بىكار قىلغان.
يەر تەۋرەشتىن كېيىنكى 10 نەچچە سائەتتە مەزكۇر رايوندا چوڭ - كىچىك 14 قېتىم قالدۇق يەر تەۋرىگەن، ئەڭ چوڭ قالدۇق يەر تەۋرەش بېيجىڭ ۋاقتى 13 دىن 11 مىنۇت ئۆتكەندە يۈز بەرگەن، يەر تەۋرەش دەرىجىسى 6.2 بال بولغان، تەۋرەش مەركىزىنىڭ چوڭقۇرلىقى 17 كىلومېتىرغا يەتكەن. ئاخىرقى قېتىملىق تەۋرەش بېيجىڭ ۋاقتى 16 دىن 51 مىنۇت ئۆتكەندە يۈز بەرگەن بولۇپ، يەر تەۋرەش دەرىجىسى 4.9 بال بولغان، تەۋرەش مەركىزىنىڭ چوڭقۇرلىقى 16.4 كىلومېتىرغا يەتكەن.

  مەنبەسى جۇڭگو خەۋەر تورى

‏لەگلەك تورى ئۈندىدار سالونىنى قوشىۋېلىڭ ـــــــــــــــــــ ئىزدەش نامى LEGLEK