4-ئىيۇن، ئالىي مەكتەپ ئىمتىھانىغا يەنە ئۈچ كۈن قالغان كۈن. ئۈرۈمچى شەھەرلىك 1-ئاۋغۇست ئوتتۇرا مەكتەپىنىڭ تولۇق 3-يىللىق 6-سىنىپ «ئىرادىلىكلەر سىنىپى» دىكى ئوقۇغۇچىلار ئالىي مەكتەپ ئىمتىھانى ئۈچۈن ئەڭ ئاخىرقى تەييارلىقلىرىنى قىلدى.
«ئىرادىلىكلەر سىنىپى» دىكىلەرنىڭ كۆپىنچىسى شىنجاڭنىڭ ھەر قايسى جايلىرىدىن كەلگەن ئەخلاقتىمۇ، ئۆگىنىشتىمۇ ياخشى، ئائىلىسىدە قىيىنچىلىقى بار ئوقۇغۇچىلاردۇر. كىشىلىك ھاياتنىڭ ئەڭ ھالقىلىق پەيىتلىرىدە ئۇلار ۋاقىتىنى چىڭ تۇتۇپ ئۆگىنىش قىلىپ، دوسكىدىكى تەتۈر ساناققا ھەر دائىم كۆز تاشلاپ، ئەڭ ئاخىرىقى بىر مىنۇتقىچە قىلچە بوشاشماي تەييارلىقنى داۋاملاشتۇردى.
مۇخبىر بۇ ئالاھىدە سىنىپقا كىرىپ، تىرىشچان ئوقۇغۇچىلارنىڭ ئالىي مەكتەپ ئىمتىغانىغا تەييارلىق قىلىۋاتقاندىكى ھالىتىدىن فوتو-ئاپپاراتى ئارقىلىق خاتىرە قالدۇردى.