مايمۇن يىلى يېتىپ كەلدى، ئاز بولمىغان شىركەتلەر پۇرسەتتىن پايدىلىنىپ مايمۇن يىلى خاتىرە مەھسۇلاتلىرىنى ئوتتۇرىغا چىقىرىشقا باشلىدى، بۇلارنىڭ ئىچىدە ئالما شىركىتىمۇ بار ئەلۋەتتە. نۆۋەتتە Apple Watch ئەقلىي ئىقتىدارلىق سائىتىنىڭ مايمۇن يىللىق خاتىرە نۇسخىسى رەسمىي بازارغا سېلىنغان بولۇپ، سائەت بېشى كۈمۈش رەڭلىك ۋە ئالتۇن رەڭلىك نۇسخىلاردا ئوتتۇرىغا چىقىرىلغان، بۇنىڭغا قىزىل رەڭلىك سۇلىياۋ سائەت بېغى ماسلاشتۇرۇلغان. سائەت بېشىنىڭ ئۆلچىمى 38 مىللى مېترلىق ۋە 42 مىللى مېتىرلىق ئۆلچەمدە ياسالغان، سېتىلىش باھاسى بولسا ئايرىم ھالدا 2588 يۈەن، 2988 يۈەن قىلىپ بېكىلگەن. ئەنئەنە بويىچە بۇ خىل خاتىرە سائەت پەقەت پانۇس بايرىمى ئاخىرلاشقىچىلىكلا سېتىلىدۇ. 

    شۇڭا بۇ خىل خاتىرە نۇسخىدىكى ئەقلىي ئىقتىدارلىق سائەت جۇڭگو چوڭ قۇرۇقلۇقى، شىياڭگاڭ، تەيۋەن، سىنگاپور ۋە مالايسىيا قاتارلىق جايلاردا 2-ئاينىڭ 22-كۈنىگىچە سېتىلىدۇ. سىنا تورى تەمىنلىگەن سۈرەتلەردىن قارىغاندا، ئالما شىركىتى يەنە نۇرغۇنلىغان جۇڭگولۇق لاھىيىلىگۈچىلەرنى تەكلىپ قىلغان، شۇنداقلا ناخشىچىلارنى تەكلىپ قىلىپ تىنچلىق ۋە بەخت تىلەيدىغان ناخشىلارنى ئورۇنلىغان. پائالىيەتكە قاتناشقان خېرىدارلار نەق مەيداندا ئالما مەھسۇلاتلىرىنى سىناپ بېقىشتىن باشقا يەنە iPad Pro ئارقىلىق مايمۇن يىللىق مەخسۇس تام سۈرەتلىرىدىن بەھرىمان بولغان.