جاھان ئاگېنتلىقى 12-ماي خەۋىرى؛ لەگلەك تورى تەرجىمىسى: سەئۇدى ئەرەبىستان باشچىلىقىدىكى بىرلەشمە ئارمىيە قىسىملىرى باياناتچىسى گېنىرال ئەھمەد ئەسىرى، ئالدىنقى كۈنى ئاخشىمى يۇقاپ كەتكەن ماراكەشنى F-16 تىپلىق ئۇرۇش ئايرۇپىلانىنىڭ چۈشۈپ كەتكەنلىكىنى ئېلان قىلدى. ئەسىرى؛ «ئەپسۇس، ئايرۇپىلان تۈنۈگۈنكى ھەرىكەت جەريانىدا چۈشۈپ كەتكەن» دېدى، ئەسىرى، ئايروپىلاننىڭ چۈشۈپ كەتكەن ئورنىنىڭ ئېنىقلانغانلىقىنى، ئۇچقۇچىلار ھەققىدە مەلۇمات يوقلىىنى ئېيتتى.
ماراكەش ئارمىيىسى، سەئۇدى ئەرەبىستان باشچىلىقىدىكى بىرلەشمە ئارمىيە قىىسملىرىغا قاتناشقان ماراكەش قۇراللىق قىسىملار فلوتىغا تەۋە F-16 تىپلىق بىر كۈرەشچى ئايرۇپىلاننىڭ ئالدىنقى كۈنى ئاخشىمى يۇقاپ كەتكەنلىكىنى ئېلان قىلغان ئىدى. يەمەندىكى ھۇسىي قۇراللىقلىرى سىياسىي بىيروسىنىڭ ئەزاسى دەيف شامى، ھۇسىي قۇراللىقلىرىنىڭ سادا رايۇنىدا بىرلەشمە ئارمىيە قىسملىرى ئارىسىدا يەمەنگە ھاۋا ھۇجۇمى قوزغىغان ماراكەشنىڭ بىر ئايرۇپىلانىنى راكىتا بىلەن چۈشۈرگەنلىكىنى ئېيتقان ئىدى. شامى، ئايرۇپىلاننىڭ كۆيۈپ كەتكەن پارچىلىرىنى بايقىغانلىقىنى بىلدۈرگەن بولۇپ، ئەمما ئايرۇپىلاننىڭ قاچان ئېتىپ چۈشۈرۈلگەنلىكى ۋە ئۇچقۇچىلارنىڭ ئاقىۋىتى ھەققىدە مەلۇمات بەرمىدى.