مۇھەمەد يۈسۈف(ئۆزبىكىستان ) (1954-2001)

كۈمۈش مەرغىلاندا كۈمۈشنى كۆردۈم ،

كۆزىگە ياش ئېلىپ تۇرۇپتۇ .

 ساچلىرنى ئۆرۈپ كۆكسىدە ،

 ئاتابېكنى كۈتۈپ تۇرۇپتۇ .

 

تاڭدا تۇرۇپ قەلەم قاشىگە ،

ئوسما قويغان ئىكەن قۇرۇپتۇ .

كۆزدىن ئاققان ئاچچىق ياشلىرى ،

ئوسمىسنى يۇيۇپ تۇرۇپتۇ .

 

مېنى بىر ئوي قىينايدۇ يامان ،

يەنە يۈرەك ئوينايدۇ يامان .

قويۇۋەر زىمىن ،قويۇۋەر ئاسمان ،

 مەن ئۆيۈمگە يېتىمەن قاچان ؟

 

مېنى بىر ئوي قىينايدۇ ھامان ،

يۈرەك يەنە ئوينايدۇ يامان .

 تاشكەنىتكە قىز بەرمە ،

مەرغىلان - قەدىرىي يوق ،

 

زەينەپلەرئامان !

خاۋاتىر ( تەشۋىش ) قورقۇمەن ،

ئەتىلا ئۆلۈپ كەتسەم مەن،

 گەر ياتسام قۇملارغا پېتىپ كۆزلىرىم .

 كۆڭلىمنى تىنمىسىز باسار بىر غەم -ھەسرەت ،

يىغلاشنى بىلمەيدۇ مېنىڭ قىزلىرىم .

ئەڭ يېقىن دوسىتلىرىم غەيۋەتلەر قىلار ،

 ئەڭ زەيىپ دۈشمىنىم ئۈستۈمدىن كۈلەر .

ئۇلارغۇ نە قىلسا ئۆزلىرى بۈلەر ،

 يىغلاشنى بۈلمەيدۇ مېنىڭ قىزلىرىم .

شائىر ئۆلسە، كىم كۆيۈنەر دەيسىز ؟

مەھدىيۋاز ھازىرلا سوراقلايدۇ كۆپ .

ئۇلار بەئەينى تىرناقتىكى مۇز ،

بارمىقىڭ تەگسىلا تۆكۈلەر توپ -توپ .

تىلدىن قالسام كۆزدە قېتىپ ياشلىرىم ،

 كۆڭلۇمدە نىمە قىلار ئاخىر ،ئاھۇ-زارلىم .

 يەرگە ئىگىلگەن كۈنى باشلىرىم ،

يىغلاشنى بۈلمەيدۇ مېنىڭ قىزلىرىم .

ئۇلار ياش .ئۆلۈمدىن قورقۇمەن ھامان ،

چۈنكى دەردىگە قۇلاق سالمىدىم .

 قەبرەمنىڭ بېشىدا يىغلىسۇن دىگەچ ،

قىزلارنى كۆز ياشنى ئاسراپ ،ئۆلمىدىم !

مۇھەببەت مۇھەببەت ئەي گۈزەل ئىزتىراپ ،

 ئەي كونا دەرىت ،ئەي كونا تۇيغۇ .

كۆكرىگىمگە قولۇڭنى تىرەپ ،

يۈرۈكمنى تۆكۈپ قويدىڭغۇ .

 قانچە كۆزلەر ماڭا زار ئىدى ،

نە ئەندىشىم نە غەم بار ئىدى ،

قۇشتەك يەڭگىل روھىم بار ئىدى ،

چاك -چاكىدىن سۆكۈپ قويدىڭغۇ ؟

نە قىلاردىڭ ماڭا تېگىپ سەن ،

يېڭلمىغان ئىدىم - يېڭىپ سەن .

 باشلىرىمنى يەرگە ئىگىپسەن ،

قامىتىمنى پۈكۈپ قويدىڭغۇ ؟

سەن مەن ئۈچۈن بىر خىيال ئىدىڭ ،

 ياخشىلار كۆپ ياخشى قال ئىدىڭ ،

جان كېرەكمۇ مانا ئال دىدىڭ ،

قىينار بولساڭ قىيناپ تويدىڭغۇ ؟

بىلمەن نىمە ئىدى مەقسىدىڭ ؟

ماڭا بىر جۈپ گۈلنى ئاسرىدىڭ .

 بىرنىڭ ئىسمنى كۈمۈش ئاتىدىڭ ،

بىرنىڭ ئىسمنى كۈمۈش قويدىڭغۇ ؟

 مۇھەببەت ئەي گۈزەل ئىزتىراپ ،

كوچا كەزدىم سەرسان تەمتىرەپ .

 يۈزلىرىمگە يۈزۈڭنى تىرەپ ،

كۆزلىرىمنى باغلاپ قويدىڭغۇ ؟

مېنىڭ دەردىم تۈزەلمىدى مېنىڭ دەردىم ئۆلسەم كېرەك .

 تۈپراق بىلەن ئاغا -ئىنە بولسام كېرەك .

ئۆلۈم نىمە ؟ ئۇنىڭ بىلەن ، سەيىر ئانا .

ئوغلۇڭ كەتتى قارا يەرگە خەيىر ئانا .

تۈزەلمەس بۇ دەردىم مېنىڭ ئۈمۈدىم يوق .

خىرەلەشكەن كۆزلىرىمدە ئۆچمەكتە چوغ .

 چوغ نىمىدۇر ،چوغمۇ ئاخىر كۈل بولىدۇ .

ئىنسان ئاخىر ئۆز مەيلىگە قۇل بولىدۇ .

يۈرۈكۈمنى تامام قىلدىم يىغلاۋىرىپ .

ھوزۇرۇمدا ئەجەل تۇرار قاشىن كىرىپ .

مەن ھاياتتا ئۆلۈمگە تىك ، بېقىپ ئۆستۈم .

 قېنى ماڭا ئاتالغان جاي ، كېتەي دوستۇم .

تىلەك ھەركىمنىڭ ساچلىرىغا ئاق چۈشسۇن ،

ئەجىلى توشۇپ يۈزلىرىگە داغ چۈشسۇن .

ھەركىمنىڭ بېلىدىن قۇۋۋەتلەر كىتىپ ،

قولىغا ھاسا ۋە بىر تاياق چۈشسۇن .

ئىمانى ساپ ،يۈزگە كىرىپ يورۇق يۈز ،

تويلار كۆرۈپ يەلكىسدىن تاغ چۈشسۇن .

 كېتىپ قالسا ئەگەر دۇنيادىن ،

 ئۆز بالىسى قولىدىن تۇپراقلار چۈشسۇن !

ئۆزبەكچىدىن ئۇيغۇرچىلاشتۇرغۇچى : يالقۇن ئەزىزى