شائىر ئابدۇرۇسۇل ئۆمەر بىلەن سۆھبەت

سۆھبەت تەشكىللىگۈچى: غىلاجىدىن ئوسمان (ئىدىل)

مەنزىل مەردنى تاللايدۇ

بىرئۆمۈر  نەشرىيات  پىرىنسىپلىرىغا  ئەمەل  قىلىپ ، ئۆزىنىڭ مۇھەررىرلىك مۆھۈرىنى ھىچ ساتمىغان، پاك ـ دىيانەتلىك  بولۇپ، ئۆز كۆمىچىگە چوغ تارتمىغان، قىرىق يىللىق مۇھەرىرلىك  مۇساپىسىدە  قىرلار ئېشىپ، ئاخىرقى مەنزىل بوسۇغىسىدىن مەزمۇت  قەدەملەر بىلەن ئاتلىغان ئالىي مۇھەررىر، پېشقەدەم  ئەدىب ئابدۇرۇسۇل  ئۆمەر ئەپەندى يەتمىشكە يېقىنلىشىپ قالغان بولسىمۇ ، يەنىلا نەۋقىران چاغلىرىدىكىدەك سۇباتلىق ۋە سۇمباتلىق  كۆرۈنەتتى. ئۇنىڭ  نەشرىياتچىلىق  بىلەن شۇغۇللىنىپ ، دىيارىمىزنىڭ ئەدەبىيات ـ سەنئەت  ئىشلىرىنىڭ  يۈكسىلىشىگە  ئۆچمەس تۆھپىلەر  قوشقان ، « مەملىكەت  بويىچە  ئاخبارات ـ نەشرىيات سىستېمىسىدىكى ئىلغار خىزمەتچى» بولۇپ  مۇكاپاتلىنىپ ، زەپەر قۇچقان ئادەم ئىكەنلىكى ماڭىمۇ مەلۇم ئىدى .

ـ ئابدۇرۇسۇل ئەپەندى، ياخشىمۇسىز ؟ ـ مەن چاقچاق قىلغاچ، ئۇدۇللا سوئالغا كۆچمەي گەپنى ئەگىتتىم ، ـ غۇلجىلىق ئىكەنسىز . «ئورۇسنىڭ يۈزىنى تاتىلىسا تاتار چىقىدۇ » دېگەندەك ، غۇلجىلىقنىڭ يۈزىنى تاتىلىسا ، ئالتىشەھەرلىك چىقىدىكەن . قاراڭ ، ئىلگىرى ئىككى غۇلجىلىقنىڭ يۈزىنى تاتىلىسام،ئىككى خوتەنلىك  چىققانىدى. بۈگۈن سىزنىڭ يۈزىڭىزنى تاتىلاپ باقسام  نېمە چىقارىكىن ، ھە  ؟

ـ نىمە چىقاتتى ، ئاتۇشلۇق چىقىدۇ ، ـ دەپ ئەدىب  قاقاھلاپ  كۈلۈپ كەتتى ، ـ لېكىن تاتىلاش كەتمەيدۇ . چۈنكى، بىزنىڭ ئائىلە مېنىڭ ئالتە ـ يەتتە يېشىمدا يەنى ئاتمىش يىلنىڭ ئالدىدا ئاتۇشتىن كۆچۈپ چىقىپتىكەن . دادام يەر تېرىپ تارانچى بولۇشنى خالىماي ، مال بېقىپ چارۋىچى بولۇپ قاپتۇ . دادامنىڭ  نىلقى  تاغلىرىنىڭ  گۈزەل يايلاقلىرىدا چارۋا ماللىرى بار ئىدى . چارۋا  ماللىرىمىز  قاش دەرياسىنىڭ بېشىدىكى ئارسلان يايلىقىغىچە بېرىپ يايلايىتتى . مەن ئۆتكەن ئەسىرنىڭ 80 ـ يىلارنىڭ ئاخىرلىرىدا ئارسلان يايلىقىغا زىيارەت قىلىپ بارغىنىمدا شۇنداق دەپ يازغانىدىم ؛

توز كەبى ياسانغان ياپيېشىل يايلاق ،

سېغىنىش ئىلكىدە قوينۇڭنى كەزدىم .

دىلىمنى ياشناتتى شەربەتلىك بۇلاق ،

باغرىڭنى گوياكى جەننەتتەك سەزدىم .

ـ ئابدۇرۇسۇل ئەپەندى ، غۇلجىدا  ئاتۇشلۇق  بايلار مال باقسا چوڭ باقاتتىكەن ، ـ دېدىم  ئاتۇشلۇق  چارۋىدارلارنى  تىلغا ئېلىپ ، ـ سىزنىڭ دادىڭىز چوڭ چارۋىدار ئوخشىمامدۇ؟

ـ ياق . لېكىن، دەسلىۋىدە شۇنداق دەپ قارىلىپتىكەن . شۇڭا مەن پارتىيىگە ئائىلىمىز ئوتتۇرا .چارۋىچى  دەپ  ئايرىلغاندىن  كېيىن ، ئاندىن  قوبۇل قىلىندىم .

ـ مۇھەررىر ئەپەندى ، سىز خىزمەتتە  پارتىيىۋىلىكىڭىزكە  مۇناسىپ  ئىش قىلىپ ، ئومۇمغا  ئۆرنەك  بولۇپسىز . مۇھەرىرلىك  خىزمىتىنى ئۆز ھاياتىڭىزنىڭ بىر تەركىۋى قىسىمىغا  ئايلاندۇرۇپ ، ئۇيغۇر  ئەدىبلىرىنىڭ نۇرغۇن ئەسەرلىرىنى يورۇقلىققا چىقىرىپسىز . ئەدىبىي تەھرىرلىكتە قىلغان ئاساسلىق ئىشلىرىڭىزنى دەپ باقسىڭ.relpost{clear:both}