دەريا بويى

شېئىر
ئابلىكىم ھەسەن
 
دەريا بويى قومۇش ساز،
غاتىلدايدۇ ئىككى غاز.
بىرى ئورۇق، بىرى تاز،
ئاۋازلىرى بەكمۇ ساز.
نېمە دەيدۇ ئىككى غاز
-ئەنە كەلدى ئەتىياز.
 
ئۈجمە سايىسى
 
چىقىر ئۈجمە سايىسىنى،
ئاق تەڭگىگە ساتقان باي.
ھويلىسىدىن چىقالماي،
چاشقان بولۇپ ياتقان باي.
 
باي-باي، ئوپقان باي
پۇت-قوللىرى چاققان باي.
تۆت تەڭگىگە ئۆزىنى
لاچىن بولۇپ ئاتقان باي.
 
باي-باي، قالار باي،
ھەددىدىن بەك ئاشقان باي.
ئەپچىلەمدىن دەككە يەپ،
پۇشايمانغا پاتقان باي.
 
باي-باي، قالار باي،
سايىسىدىن قاچقان باي.
 
مەنبە: «ئۈرۈمچى كەچلىك گېزىتى» دىن ئېلىندى