شىنجاڭ ‹‹قارلىق چوققا›› ئاياللار پۇتبول كوماندىسى كۇلۇبىنىڭ يوپۇقىنى ئېچىش مۇراسىمى 17-مارت ئۈرۈمچىدە ئۆتكۈزۈلدى. نۆۋەتتە، بۇ كۇلۇبتا بەش تىرېنېر، 30 كوماندا ئەزاسى بار بولۇپ، كوماندا ئەزالىرى شىنجاڭ تەنتەربىيە كەسپىي تېخنىكا ئىنستىتۇتىدا ئوقۇۋاتقان ئۇيغۇر، خەنزۇ، خۇيزۇ، قازاق، موڭغۇلدىن ئىبارەت بەش مىللەتتىن بولغان ئوقۇغۇچىلاردىن تەركىب تاپقان.

تونۇشتۇرۇلۇشىچە، بۇ ئاياللار پۇتبول كوماندىسى شىنجاڭدا قۇرۇلغان تۇنجى ئاياللار كەسپىي پۇتبول كوماندىسى بولۇپ، ئۇلار مۇشۇ ئاينىڭ 21-كۈنى شىنجاڭغا ۋاكالىتەن نەنجىڭغا بېرىپ 2015-يىللىق 1-نۆۋەتلىك مەملىكەتلىك ياشلار تەنھەرىكەت مۇسابىقىسى ئاياللار پۇتبول ئالدىن تاللاش مۇسابىقىسىگە قاتنىشىپ، ئارقىدىن 2016-يىلىدىكى مەملىكەتلىك ياش-ئۆسمۈرلەر پۇتبول مۇسابىقىسىنىڭ ئاياللار تۈرى بويىچە U16 بىرلەشمە مۇسابىقىسى، 2017-يىلىدىكى مەملىكەتلىك 13-نۆۋەتلىك تەنھەرىكەت مۇسابىقىسىنىڭ ئاياللار پۇتبول مۇسابىقىسى ۋە 2020-يىلىدىكى مەملىكەتلىك ئاياللار دەرىجىدىن تاشقىرى پۇتبول بىرلەشمە مۇسابىقىسىگە قاتنىشىشنى قولغا كەلتۈرۈشنى پىلانلاۋېتىپتۇ.