بېيجىڭ شەھەرلىك مائارىپ كومىتېتى 22-نويابىر مۇنداق دېدى: بۇندىن كېيىن بېيجىڭ شەھىرى ئوتتۇرا، باشلانغۇچ مەكتەپلەرگە ئوتتۇرا، باشلانغۇچ مەكتەپ تەكرار ماتېرىياللىرىنى بىر تۇتاش تەۋسىيە قىلمايدۇ، ئومۇمەن ئوقۇتۇشقا ئېھتىياجلىق بولغان دەرسخانا مەشىقى، ماس قەدەملىك مەشىق، قىشلىق، يازلىق تەتىللىك تاپشۇرۇق، ئىمتىھان قەغىزى،

تەكرار ماتېرىياللىرى قاتارلىقلارنى مەكتەپ ھەقسىز تەمىنلىشى كېرەك، ئوقۇغۇچىلاردىن بۇلار ئۈچۈن يەنە ھەر قانداق ھەق ئېلىشقا بولمايدۇ. ھەر قايسى ئوتتۇرا، باشلانغۇچ مەكتەپلەر ئوقۇغۇچىلارنى تەمىنلىگەن ماتېرىيال راسخوتىنى مەكتەپنىڭ ئاممىۋى راسخوت نورمىسىدىن بىر تۇتاش ھەل قىلىشى لازىم.

ئىگىلىنىشىچە، بېيجىڭ شەھىرى مائارىپ مىنىستىرلىقى، ئاخبارات، نەشرىيات، رادىيو، كىنو، تېلېۋىزىيە باش ئىدارىسى، دۆلەتلىك تەرەققىيات ۋە ئىسلاھات كومىتېتى، گوۋۇيۈەن ئىستىل تۈزىتىش ئىشخانىسىنىڭ «ئوتتۇرا، باشلانغۇچ مەكتەپ تەكرار ماتېرىياللىرىنى ئىشلىتىشنى باشقۇرۇشنى كۈچەيتىش ھەققىدىكى ئۇقتۇرۇش»نى تېخىمۇ ياخشى، ئىزچىل ئەمەلىيلەشتۈرۈش ئۈچۈن، بېيجىڭ شەھىرىدىكى ئوتتۇرا، باشلانغۇچ مەكتەپلەرنىڭ تەكرار ماتېرىياللىرىنى ئىشلىتىش كۆلىمىنى يەنىمۇ قېلىپلاشتۇرۇپ، ئوتتۇرا، باشلانغۇچ مەكتەپ ئوقۇغۇچىلىرىنىڭ يۈكىنى يېنىكلىتىپ،

ئوتتۇرا، باشلانغۇچ مەكتەپ ئوقۇغۇچىلىرى ۋە ئاتا-ئانىلارنى تەكرار ماتېرىياللىرىنى مۇۋاپىق تاللاپ ئىشلىتىشكە يېتەكلەپ، ئالاقىدار ھۆججەت ئۇقتۇرۇشىنى ئالاھىدە تارقىتىپ، تەكرار ماتېرىياللىرىنى ئىشلىتىشنى قېلىپلاشتۇرۇشقا ئېنىق تەلەپ قويغان.