بېيجىڭ ۋاقتى 3-ئاينىڭ 19-كۈنى

سەھەر سائەت 3:45 تە 2013-2014 پەسىللىك ياۋروپا چېمپىيۇنلۇقنى تالىشىش سەككىز كۈچلۈككە كىرىش  مۇسابىقىسىنىڭ ئىككىنچى ئۇچرىشىشتىكى بىر مەيدان مۇسابىقىسى بېرناۋۇ توپ مەيدانىدا خان مادرىد كۇلۇبى بىلەن شارىك04 كۇلۇبى ئوتتۇرسىدا ئېلىپ بېرىلدى. بىرىنچى قېتىملىق ئۇچرىشىشتا خان مادرىد كۇلۇبى شارىك 04 كۇلۇبىنىڭ مەيدانىدا ئالتە توپ كىرگۈزۈپ 1:6 نەتىجە بىلەن ئۇتىۋالغانىدى. بۇ مەيدان مۇسابىقىدە كىرىستىيانو رونالدونىڭ ئىككى توپ كىرگۈزۈشى، موراتانىڭ بىر توپ كىرۈزۈشى بىلەن خان مادرىد كۇلۇبى ئۆز مەيدانىدا شارىك 04 كۇلۇبىنى شاللاپ ياۋروپا چېمپىيۇنلۇقىنى تالىشىش مۇسابىقىسى سەككىز كۈچلۈككە كىردى.

ئىككى كوماندىنىڭ دەسلەپكى ئۇچرىشىشىدا خان مادرىد مېھمان مەيداندا ئالتە توپ كىرگۈزۈپ شارىك كوماندىسىنى يېڭىۋالغاچقا، ھەر ئىككى كوماندا مۇسابىقىنىڭ نەتىجىسگە گۇمان قىلمىغانلىقى ئۈچۈن ( خان مادرىدنىڭ يېڭىشى ئېنىق بولغانلىقى ئۈچۈن) بۇ مەيدان مۇسابىقىدە ھەر ئىككى تەرەپ مۇۋاپىق تەڭشەشلەرنى ئېلىپ باردى.

21 مىنۇت بولغاندا خان مادرىد كۇلۇبى ئۈستۈنلۈكنى ئىگەللىدى. موراتا چەكلەنگەن رايۇندا قارشى تەرەپنىڭ بېكلىرىنى ئالداپ توپنى بېپگە پاس بەردى، بېل توپنى رونالدوغا پاس بەردى، رونالدو توپنى ئاسانلا كىرگۈزۈپ مۇسابىقە نەتىجىسىنى 1-0 گە ئۆزگەرتتى.

31 مىنۇت بولغاندا شارىك كوماندىسى نومۇرنى تەڭلەشتۈردى.

74 مىنۇت بولغاندا خان مادرىد كۇلۇبى يەنە بىر قېتىم ئۈستۈنلۈكنى ئىگەللىدى.كىرىستىيانو رونالدو ئۆزى يالغۇز بۆسۈپ كىرىپ توپنى ۋاراتارغا كىرگۈزدى، نومۇر 2-1 ھالەتكە كەلدى. بۇ توپ كىرىستىيانو رونالدونىڭ بۇ مۇسابىكە پەسلىدىكى ياۋروپا ئۇزغۇنلۇقىنى تالىشىش مۇسابىقىسىدە كىرگۈزگەن 13-توپى ھېسابلىنىدۇ.

75 مىنۇتتا خان مادرىد يەنە بىر توپ ئۈستۈنلىكنى ئالدى. بۇ توپنى موراتا كىرگۈزدى.

ئاخىرىدا خان مادرىد كۇلۇبى رونالدونىڭ ئىككى توپ كىرگۈزۈشى، موراتانىڭ بىر توپ كىرگۈزۈشى بىلەن ئۆز مەيدانىدا شارىك كوماندىسىنى يېڭىپ ئومۇمىي نومۇردا 9-2 نەتىجە بىلەن سەككىز كۈچلۈككە كىردى. 

پۇتبول تورى خەۋىرى، لەگلەك تورى تەرجىمىسى.

‏لەگلەك تورى ئۈندىدار سالونىنى قوشىۋېلىڭ ـــــــــــــــــــ ئىزدەش نامى LEGLEK