جۇڭگو كومپارتىيەسى مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ 7-ئاپرېل ‹‹خەلق›› سارىيىدا ۋېيتنام كومپارتىيەسى مەركىزىي كومىتېتىنىڭ باش شۇجىسى نگۇيەن پۇ تروڭ بىلەن سۆھبەتلەشتى. سۆھبەتتىن ئىلگىرى، شى جىنپىڭ ‹‹خەلق›› سارىيىنىڭ شەرقىي دەرۋازىسى سىرتىدا نگۇيەن پۇ تروڭنى قارشى ئېلىش مۇراسىمىي ئۆتكۈزدى
شىنخۇا تورى، بېيجىڭ، 7-ئاپرېل تېلېگراممىسى: جۇڭگو كومپارتىيەسى مەركىزىي كومىتېتىنىڭ باش شۇجىسى، دۆلەت رەئىسى شى جىنپىڭ 7-ئاپرېل ‹‹خەلق›› سارىيىدا ۋېيتنام كومپارتىيەسى مەركىزىي كومىتېتىنىڭ باش شۇجىسى نگۇيەن پۇ تروڭ بىلەن سۆھبەتلەشتى. ئىككى پارتىيەنىڭ باش شۇجىلىرى قارشى تەرەپنىڭ تەرەققىيات نەتىجىلىرىگە ئىجابىي باھا بەردى، ئىككى پارتىيە، ئىككى دۆلەت مۇناسىۋىتى، خەلقئارا رايون ۋەزىيىتى قاتارلىق ئورتاق كۆڭۈل بۆلىدىغان مەسىلىلەردە چوڭقۇر پىكىر ئالماشتۇرۇپ، مۇھىم، ئورتاق تونۇش ھاسىل قىلدى. ئىككى تەرەپ جۇڭگو بىلەن ۋېيتنامنىڭ ئەنئەنىۋى دوستلۇقىنى قەدىرلەش ۋە قوغداش، ئۇزاق مۇددەت مۇقىم بولۇش، كەلگۈسىگە يۈزلىنىش، قوشنىلار دوست ئۆتۈش، ئومۇميۈزلۈك ھەمكارلىشىش فاڭجېنى ۋە ياخشى قوشنا، ياخشى دوست، ياخشى يولداش، ياخشى شېرىكلەردىن بولۇش روھى بويىچە، جۇڭگو بىلەن ۋېيتنامنىڭ ئومۇميۈزلۈك ئىستراتېگىيەلىك ھەمكارلىق، شېرىكلىك مۇناسىۋىتىنى تەرەققىي قىلدۇرۇشقا تۈرتكە بولۇپ، ئىككى دۆلەت خەلقىگە تېخىمۇ ياخشى بەخت يارىتىشنى تەكىتلىدى.
شى جىنپىڭ مۇنداق دەپ كۆرسەتتى: نۆۋەتتە خەلقئارا ۋەزىيەتتە داۋاملىق چوڭقۇر، مۇرەككەپ ئۆزگىرىش يۈز بەرمەكتە، جۇڭگو بىلەن ۋېيتنامنىڭ ھەر قايسىسىنىڭ سوتسىيالىزم قۇرۇلۇشى، شۇنداقلا ئىككى پارتىيە، ئىككى دۆلەت مۇناسىۋىتى تەرەققىياتى يېڭى پۇرسەت، خىرسلارغا دۇچ كەلمەكتە. ئىككى تەرەپ ئىككى پارتىيە، ئىككى دۆلەتنىڭ يۇقىرى قاتلاملىقلار ئالاقىسى ئەنئەنىسىنى ساقلاپ ۋە نۇرلاندۇرۇپ، ئىككى پارتىيە ھەمكارلىقىنى چوڭقۇرلاشتۇرۇپ، ئىككى دۆلەت مۇناسىۋىتى دۇچ كەلگەن مەسىلىلەرنى ھەل قىلىش ۋە ئىككى تەرەپلىك مۇناسىۋەتنىڭ داۋاملىق تەرەققىي قىلىشىغا تۈرتكە بولىدىغان يېڭى تەپەككۇر ئۈستىدە ئىزدىنىشى كېرەك. 2016-يىلدىن 2020-يىلغىچە بولغان ئىككى پارتىيەنىڭ ھەمكارلىق پىلانىنى ياخشى ئىجرا قىلىپ، بىر-بىرىدىن ئۆگىنىپ ۋە تەرەققىيات تەجرىبىلىرىنى ئەينەك قىلىپ، سوتسىيالىزم قۇرۇلۇشى نەزەرىيەسى ۋە ئەمەلىيەتتىن ئۆتكۈزۈشكە بولغان تونۇشىنى بېيىتىشى كېرەك.
جۇڭگو ۋېيتنامنىڭ 21-ئەسىر دېڭىز ئۈستى يىپەك يولى قۇرۇلۇشىغا قاتناشقانلىقىنى قارشى ئالىدۇ. جۇڭگو ۋېيتنامنىڭ 2017-يىللىق ئاسىيا-تىنچ ئوكيان ئىقتىسادىي ھەمكارلىق تەشكىلاتى رەھبەرلىرىنىڭ بىرەسمىي يىغىنىنى ئۆتكۈزۈشىنى، شەرقىي-جەنۇبىي ئاسىيا ئەللىرى ئىتتىپاقى ئورتاق گەۋدىسى قۇرۇلۇشىنى قوللايدۇ. ۋېيتنام بىلەن خەلقئارا ماسلىشىشنى كۈچەيتىپ، دۇنيانىڭ تىنچلىقى، مۇقىملىقى، گۈللىنىشىنى بىرلىكتە قوغداشنى خالايدۇ.
نگۇيەن پۇ تروڭ مۇنداق دېدى: ۋېتينام جۇڭگو مۇناسىۋىتى 65 يىللىق مۇساپىنى بېسىپ ئۆتتى، دوستلۇق، ھەمكارلىق ئىككى دۆلەت مۇناسىۋىتىنىڭ ئاساسى ئېقىمى. ۋېيتنام بىلەن جۇڭگونىڭ قىرىنداشلىق مۇناسىۋىتىنى خۇ زىمىڭ، ماۋ زېدۇڭ قاتارلىق ئىككى دۆلەتنىڭ پېشقەدەم بىر ئەۋلاد رەھبەرلىرى بەرپا قىلغان. بىزنىڭ ۋارسلىق قىلىش مەسئۇلىيىتىمىز بار. ۋېيتنام پارتىيەسى، ھۆكۈمىتى، خەلقى جۇڭگونىڭ ئۇزاقتىن بۇيان قىممەتلىك ياردەم بەرگەنلىكى ۋە قوللىغانلىقىغا مىننەتدارلىق بىلدۈرىدۇ.
ئىككى دۆلەت رەھبەلىرى ئورتاق تىرىشچانلىق كۆرسىتىپ، دېڭىزدىكى ئىختىلاپلارنى ياخشى باشقۇرۇپ ۋە كونتىرول قىلىپ، جەنۇبىي دېڭىزنىڭ تىنچلىقى ۋە مۇقىملىقىنى بىرلىكتە قوغداشقا قوشۇلدى.
سۆھبەتتىن كېيىن، شى جىنپىڭ بىلەن نگۇيەن پۇ تروڭ «2016-يىلدىن 2020-يىلغىچە بولغان جۇڭگو كومپارتىيەسى بىلەن ۋېيتنام كومپارتىيەسىنىڭ ھەمكارلىق پىلانى»، شۇنداقلا پۇل-مۇئامىلە، ئۇل ئەسلىھە، مەدەنىيەت، ئەدلىيە، باج ئىشلىرى، تىنچلىقنى قوغداش قاتارلىق ساھەلەردىكى ھەمكارلىق ھۆججىتىنى ئىمزالاشقا بىرلىكتە شاھىت بولدى.
سۆھبەتتىن كېيىن، شى جىنپىڭ بىلەن نگۇيەن پۇ تروڭ بىرلىكتە 15-نۆۋەتلىك جۇڭگو-ۋېيتنام ياشلار دوستلۇق كۆرۈشۈش پائالىيىتىگە قاتناشتى، ئىككى دۆلەتنىڭ ياشلار ۋەكىللىرى بىلەن سەمىمىي قول ئېلىشىپ كۆرۈشۈپ، خاتىرە سۈرەتكە چۈشتى.
سۆھبەتتىن ئىلگىرى، شى جىنپىڭ ‹‹خەلق›› سارىيىنىڭ شەرقىي دەرۋازىسى سىرتىدا نگۇيەن پۇ تروڭنى قارشى ئېلىش مۇراسىمىي ئۆتكۈزدى.
سۆھبەتتىن ئىلگىرى، شى جىنپىڭ بىلەن نگۇيەن پۇ تروڭ بىرلىكتە ئىككى پارتىيەنىڭ نەزەرىيە تەتقىقات نەتىجىلىرى كۆرگەزمىسىنى كۆردى. بۇ كۆرگەزمىدە 2003-يىلدىن بۇيانقى جۇڭگو-ۋېيتنام پارتىيەلىرى ئۆتكۈزۈگەن 10 قېتىملىق مۇھاكىمە يىغىنىدا قولغا كەلتۈرۈلگەن، چوڭقۇر ئالماشتۇرۇش ئېلىپ بېرىلغان، تەجرىبىلەردىن تەڭ بەھرىمەن بولغان نەزەرىيە نەتىجىلىرى نامايان قىلىنغان.
جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت سىياسەت تەتقىقات ئىشخانىسىنىڭ مۇدىرى ۋاڭ خۇنىڭ، جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، مەركىزىي كومىتېت تەشۋىقات بۆلۈمىنىڭ باشلىقى ليۇ چىباۋ، جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، مەركىزىي كومىتېت ئىشخانىسىنىڭ مۇدىرى لى جەنشۇ، مەملىكەتلىك خەلق قۇرۇلتىيى دائىمىي كومىتېتىنىڭ مۇئاۋىن باشلىقى شېن يۆيۆ، دۆلەت كومىسسارى، دۆلەت مۇداپىئە مىنىستىرى چاڭ ۋەنچۈەن، دۆلەت كومىسسارى، جامائەت خەۋپسىزلىكى مىنىستىرلىقىنىڭ مىنىستىرى گو شېڭكۈن، مەملىكەتلىك سىياسىي كېڭەشنىڭ مۇئاۋىن رەئىسى، مەركىزىي كومىتېت تاشقى ئالاقە بۆلۈمىنىڭ باشلىقى ۋاڭ جيارۇي، ۋېيتنام كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى، مەركىزىي كومىتېت شۇجىچۇسىنىڭ شۇجىسى، مەركىزىي تەشۋىقات-تەربىيە مىنىستىرلىقىنىڭ مىنىستىرى قاتارلىقلار كۆرۈشۈشتە قاتناشتى.