ئانىنىڭ پەرزەنتلىرىنى سۆيۈپ قويۇشى بولسا، ئانىلىق مېھرىنى بىۋاستە يەتكۈزۈشنىڭ بىر خىل ئۇسۇلى. يەنە ئانا بىلەن بالا ئوتتۇرسىدا ئورتاقلاشقىلى بولىدىغان ئەڭ ياخشى تىل. ئۇنداقتا ئانا بالىنى قانداق قىلغاندا بىخەتەر سۆيەلەيدۇ ؟
سۇلۇق قاپارتمىلىق ئىششىق كۆرۈلۈش
ئەگەر ئانىنىڭ يۈز، لەۋ، پۇت، قول قاتارلىق ئەزالىرىدا گۈرۈچ چوڭلۇقىدا سۇلۇق قاپارتمىلىق ئىششىق كۆرۈلۈپ، بىر قانچە ياكى ئون نەچچە تۇتىشىپ بىر دائىرىنى شەكىللەندۈرسە، قىزىش ئالامىتى ياكى قىسمەن لىمفا تۈگۈنى ئىششىپ يوغىناپ كەتسە، ‹‹قاپارتمىلىق ۋىرۇس››بىلەن يۇقۇملانغان بولۇشى مۇمكىن.
مۇداپىيەلىنىش تەدبىرى: قوقاقلىق ئېغىز ياللۇغى قاتارلىق ‹‹قاپارتمىلىق ۋىرۇس›› كېسەللىك ئالامىتى كۆرۈلگەندە بالىنى سۆيۈشتىن پەرھىز تۇتۇش كېرەك.
چىرايلىق ھەم سۇس پەرداز قىلىش
گۈزەللىكنى سۆيىدىغان ئانىلار چىرايلىق ھەم سۇس پەرداز قىلىشنى ياخشى كۆرىدۇ. ئەمما گىرىم بۇيۇملىرى تەركىبىدە قوغۇشۇن، سىماب ۋە باشقا خىمىيەلىك تەركىبلەر بولغاچقا، ئانا گىرىمنى سۇس قىلماي بالىنى سۆيگەندە بۇ خىل زىيانلىق ماددىلار بالىنىڭ تېنىگە كىرىپ، تېرە ياللۇغى، ئاستا خاراكتېرلىك قوغۇشۇندىن زەھەرلىنىش قاتارلىق كېسەللىك ئالامەتلىرىنى كەلتۈرۈپ چىقىرىدۇ.
ئېغىز بوشلۇقى كېسەللىكلىرى
سۆيۈش ئارقىلىق بىۋاستە كالپۇك ئۇچرىشىدۇ، ئەگەر ئانىدا ئەسلىدىنلا ئېغىز بوشلۇقى كېسەللىكى بولسا، بالىنىڭ ئېغىز بوشلۇقىغا كىرىپ، كېسەللىكلەرنى تارقىتىدۇ.
مۇداپىيەلىنىش تەدبىرى: ئانا ئېغىز بوشلۇقى كېسەللىكى ۋە زۇكام سەللىمازا ساقايماستا بالىنى سۆيمەسلىكى لازىم.