ئىراق زۇڭلىسى مالىك تۆنۈگۈن سۆز قىلىپ، ئىراق بىخەتەرلىك قىسمى بارلىق قۇراللىق ئۇنسۇرلار تەرىپىدىن ئىشغال قىلىۋېلىنغان زېمىننى يىغىۋالىدۇ، دېدى. جۇڭگونىڭ ئوتتۇرا شەرق مەسىلىسى بويىچە ئالاھىدە ئەلچىسى ۋۇ سىكې يېقىندا ئىراقتا زىيارەتتە بولغان مەزگىلدە مۇنۇلارنى بىلدۈردى: جۇڭگو ئىراقنىڭ دۆلەتنىڭ ئىگىلىك ھوقۇقى، مۇستەقىللىقى ۋە تېررورلۇققا زەربە بېرىشتە كۆرسەتكەن تىرىشچانلىقلىرىنى قەتئىي قوللايدۇ.

ئىراق ھۆكۈمىتىنىڭ ئەمەلدارى ۋە تەھلىلچى ئەربابلار مۇنداق دەپ ھىسابلىدى: ئىراقنىڭ سىياسىيسىنى قايتا قۇرۇش ۋە مىللىي يارىشىش قېيىن ئەھۋالغا چۈشۈپ قالدى. جۇڭگونىڭ ئىراقنىڭ قوللىشى ئىراقتىكى ھەر قايسى سىياسىي گۇرۇھلارنىڭ ئىتتىپاقلىقنى كۈچەيتىپ، بىرلىكتە ئىتتىپاقلاشقان سىغىمچان يېڭى ھۆكۈمەت قۇرۇشىنى ئىلگىرى سۈرۈشكە پايدىسى بار.

ۋۇ سىكې مۇشۇ ئاينىڭ 7-8- كۈنلىرى ئىراقنىڭ پايتەختى باغداتتا زىيارەتتە بولۇپ، ئىراق زۇڭلىسى مالىك، مۇئاۋىن زۇڭلىسى مۇتلەق ۋە دىپلوماتىيە مىنىستىرى زىبارى بىلەن سۆھبەتلەشتى. ۋۇ سىكې مۇنداق دەپ كۆرسەتتى: جۇڭگو سىياسىي، مەنىۋى ۋە ماددى جەھەتتە ئىراقنى داۋاملىق قوللايدۇ، شۇنىڭ بىلەن بىر ۋاقىتتا خەلقئارا جەمئىيەتنىڭ ئىراققا تېخىمۇ كۆپ ياردەم بېرىشىنى مۇراجئەت قىلىدۇ.